Scripture Library

Paippalāda-Saṃhitā · Chapter 2.60

2.60.1

yajñaṃ yantaṃ tapasā bṛhantam
anv ā rohāmi manasā sayoniḥ |
upahūtā agne jarasaḥ parastāt
tṛtīye nāke sadhamādaṃ madema ||

2.60.2

taṃ prajānan prati gṛhṇātu vidvān
prajāpatiḥ prathamajā ṛtasya |
asmābhir dattaṃ jarasaḥ parastād
acchinnaṃ tantum anu saṃ carema ||

2.60.3

śyenaḥ suparṇo divyo nṛcakṣāḥ
sahasrapāc chatayonir vayodhāḥ |
sa no ni yaṃsad vasu yat parābhṛtam
asmākam astu pitṛṣu svadhāvat ||

2.60.4

etaṃ sadhasthāḥ pari vo dadāmi
yam āvahāc chevadhiṃ jātavedāḥ |
anvāgantā yajamānaḥ svasti
taṃ sma jānīta parame vyoman ||

2.60.5

jānīta smainaṃ parame vyoman
devāḥ sadhasthā vida lokam etam |
iṣṭāpūrtam anu saṃ krāma vidvān
yatra te dattaṃ bahudhā vibandhuṣu ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0