પૈપ્પલાદ-સંહિતા · અધ્યાય 19.56

વિરાડ્ અસિ વિરાજં મા કૃણુ
તસ્યાસ્ તે યશો ભક્ષીય ॥

સ્વરાડ્ અસિ સ્વરાજં મા કૃણુ
તસ્યાસ્ તે મધુ ભક્ષીય ॥

સમ્રાડ્ અસિ સમ્રાજં મા કૃણુ
તસ્યાસ્ તે અન્નં ભક્ષીય ॥

વીર્યાવતા તે હવિષા જુહોમિ
જીવાતવે ન મર્તવે ।
દક્ષં તે ભદ્રમ્ આહાર્ષં
પરા સુવામ્ય્ આમયત્ ॥

અભિવીરેણ તે (…) ॥

સુવીરેણ તે (…) ॥

સર્વવીરેણ તે હવિષા જુહોમિ
જીવાતવે ન મર્તવે ।
દક્ષં તે ભદ્રમ્ આહાર્ષં
પરા સુવામ્ય્ આમયત્ ॥

પ્રજાવતા તે હવિષા જુહોમિ
ગર્ભમ્ આ ધત્સ્વ યોન્યામ્ ।
સ કાલે જાયતાં પુનર્
દશમે માસિ સૂતવે ॥

સુપ્રજસા તે (…) ॥

સુપુત્રેણ તે હવિષા જુહોમિ
ગર્ભમ્ આ ધત્સ્વ યોન્યામ્ ।
સ કાલે જાયતાં પુનર્
દશમે માસિ સૂતવે ॥

ભૂતયે તે હવિષા જુહોમિ-
-ઇમં દેવાસો અભિ હિઙ્ કરાથ ।
અસ્મિન્ન્ એવ પશવઃ સં વિશન્તુ
ચતુષ્પાદ ઉત વા યે દ્વિપાદઃ ॥

વિત્તયે તે (…) ॥

સ્વૃદ્ધેન તે (…) ॥

સમૃદ્ધેન તે હવિષા જુહોમિ-
-ઇમં દેવાસો અભિ હિઙ્ કરાથ ।
અસ્મિન્ન્ એવ પશવઃ સં વિશન્તુ
ચતુષ્પાદ ઉત વા યે દ્વિપાદઃ ॥

ક્ષેમ્યેણ તે હવિષા જુહોમિ
ક્ષેમ્યો ભવાસિ પશુભિશ્ ચ વીરૈઃ ।
ઇન્દ્રાગ્ની ત્વા સયુજા સખાયૌ
વિશ્વેભિર્ દેવૈર્ અનુ સં દદેતામ્ ॥

પ્રતિષ્ઠિતેન તે હવિષા જુહોમિ
પ્રતિ તિષ્ઠાસિ પશુભિઃ (…) ॥

સમ્ભૂતેન તે હવિષા જુહોમિ
સં ભવાસિ પશુભિઃ (…) ॥

પ્રભૂતેન તે હવિષા જુહોમિ
પ્ર ભવાસિ પશુભિશ્ ચ વીરૈઃ ।
ઇન્દ્રાગ્ની ત્વા સયુજા સખાયૌ
વિશ્વેભિર્ દેવૈર્ અનુ સં દદેતામ્ ॥