Paippalāda-Saṃhitā · Chapter 19.54

bodhayainaṃ pra bodhaya
svaptave mānu manyathāḥ |
ūrdhvas tiṣṭhān mamādhyā
nānyāsāṃ kīrtayāś cana ||

ā vartaya ni vartaya-
-abhy ā vartayā kuru |
idam asya sarvā cittāni
smareṇa pra jayāmasi ||

smaraṃ tapanti marutaḥ
samiddhe jātavedasi |
ud asya patatāṃ manas
tad asya ramatāṃ mayi ||

gaṇapate gaṇapatiṃ mā kṛṇu
tasmān mā yavam ||

apigaṇāpigaṇaṃ mā kṛṇu
tasmān mā chitsi ||

sagaṇa sagaṇaṃ mā kṛṇu
tasmān mā naśam ||

gaṇavardhana gaṇaṃ me vardhaya
gavām aśvānāṃ puruṣāṇāṃ brahmacāriṇāṃ bhūtyā annādyasya ||

gaṇābhivardhana gaṇaṃ me 'bhi vardhaya
gavām (…) annādyasya ||

gaṇapravardhana gaṇaṃ me pra vardhaya
gavām aśvānāṃ puruṣāṇāṃ brahmacāriṇām bhūtyā annādyasya ||

yac ca khātaṃ yac cākhātaṃ
sarvaṃ tad arasaṃ viṣam ||

yac ca piṣṭaṃ yac cāpiṣṭaṃ
sarvaṃ tad arasaṃ viṣam ||

yac ca digdhaṃ yac cādigdhaṃ
sarvaṃ tad arasaṃ viṣam ||

yathā vṛkī jagdhaputrā
vyāghrī vālalā bhavet |
evā tvam alalā bhava-
-ādhībhiḥ preṣito mama ||

yathā dīptaṃ śaratūlam
agninālalā bhavet |
evā tvam alalā bhava-
-ādhībhiḥ preṣito mama ||

ā krandayālalā bhava
dasya kāmena śuṣya ca |
ādhībhiḥ preṣito mama ||