પૈપ્પલાદ-સંહિતા · અધ્યાય 19.54
બોધયૈનં પ્ર બોધય
સ્વપ્તવે માનુ મન્યથાઃ ।
ઊર્ધ્વસ્ તિષ્ઠાન્ મમાધ્યા
નાન્યાસાં કીર્તયાશ્ ચન ॥
આ વર્તય નિ વર્તય-
-અભ્ય્ આ વર્તયા કુરુ ।
ઇદમ્ અસ્ય સર્વા ચિત્તાનિ
સ્મરેણ પ્ર જયામસિ ॥
સ્મરં તપન્તિ મરુતઃ
સમિદ્ધે જાતવેદસિ ।
ઉદ્ અસ્ય પતતાં મનસ્
તદ્ અસ્ય રમતાં મયિ ॥
ગણપતે ગણપતિં મા કૃણુ
તસ્માન્ મા યવમ્ ॥
અપિગણાપિગણં મા કૃણુ
તસ્માન્ મા છિત્સિ ॥
સગણ સગણં મા કૃણુ
તસ્માન્ મા નશમ્ ॥
ગણવર્ધન ગણં મે વર્ધય
ગવામ્ અશ્વાનાં પુરુષાણાં બ્રહ્મચારિણાં ભૂત્યા અન્નાદ્યસ્ય ॥
ગણાભિવર્ધન ગણં મે ઽભિ વર્ધય
ગવામ્ (…) અન્નાદ્યસ્ય ॥
ગણપ્રવર્ધન ગણં મે પ્ર વર્ધય
ગવામ્ અશ્વાનાં પુરુષાણાં બ્રહ્મચારિણામ્ ભૂત્યા અન્નાદ્યસ્ય ॥
યચ્ ચ ખાતં યચ્ ચાખાતં
સર્વં તદ્ અરસં વિષમ્ ॥
યચ્ ચ પિષ્ટં યચ્ ચાપિષ્ટં
સર્વં તદ્ અરસં વિષમ્ ॥
યચ્ ચ દિગ્ધં યચ્ ચાદિગ્ધં
સર્વં તદ્ અરસં વિષમ્ ॥
યથા વૃકી જગ્ધપુત્રા
વ્યાઘ્રી વાલલા ભવેત્ ।
એવા ત્વમ્ અલલા ભવ-
-આધીભિઃ પ્રેષિતો મમ ॥
યથા દીપ્તં શરતૂલમ્
અગ્નિનાલલા ભવેત્ ।
એવા ત્વમ્ અલલા ભવ-
-આધીભિઃ પ્રેષિતો મમ ॥
આ ક્રન્દયાલલા ભવ
દસ્ય કામેન શુષ્ય ચ ।
આધીભિઃ પ્રેષિતો મમ ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0