Paippalāda-Saṃhitā · Chapter 19.42

apadasvad apādasat
tuṇḍivyadhmāpādasat |
apāpacid ito 'dasad
apeto glaur naśiṣyaty
apivyadhman naśiṣyati ||

mā śile mā śilāvati
mā te śeṣi śilaṃ cana |
yāvac chilasya te śilaṃ
tāvac cheṣaḥ śilaṃ tava ||

yathā yūpāgrād udakaṃ
viniṣṭaṃ bhūmim aśnute |
evā tvam arase śile
viniṣṭā bhūmim aśnuhi ||

vajro 'si sapatnahā
tvayādya vṛtraṃ sākṣīya |
tvām adya vanaspate
vṛkṣāṇām ud ayuṣmahi ||

sa na indra purohito
viśvatas pāhi rakṣasaḥ |
abhi gāvo anūṣata -
-abhi dyumnaṃ bṛhaspate ||

prāṇa prāṇaṃ trāyasva-
-aso asave mṛḍa |
nirṛte nirṛtyā naḥ pāśebhyo muñca ||

hatsuke pari ṇo nama
pārigaṃ tanve kṛdhi |
yuyuta parṇinaṃ śaram
utāparṇaṃ riśād iti ||

prajāpatiṣ ṭvā prajayā
saṃ putreṇa sṛjatu saṃ bhagena |
diṣṭaṃ deṣṭīha kāmo brāhmaṇasya
pumāṃsaṃ dhatsva savituḥ savena ||

pra tvā sarpatv aṅkataḥ
kumāraḥ puruṣād adhi |
ṛtor yam ṛtviyād adhi
yaṃ te dhātā acīkl̥pat ||

yaṃ te dhātā yaṃ te tvaṣṭā
yaṃ te brahmācīkl̥pat |
taṃ tvaṃ putraṃ vindasva
tasmai tvaṃ jīva jīvase ||

dhvasrās tiṣṭhanti rajasā samaktā
yajñasya hotrāḥ pruśitāso aśnāḥ |
āsāṃ somasya yad ihāvayanti
tad amūtra yajamānasya rūpam ||

ye brāhmaṇaṃ varco hitvāya malvā
reṇo varṇena paridhāpayanti |
āsāṃ somasya yad ihāvayanti
tad amūtra yajamānasya rūpam ||

asārathiḥ sumanaso yathā ratho
hitvā savyaṣṭhāṃ rakṣaso yāti yāmam |
evā yajño yajamānaṃ jahāti
yatra somyaṃ somapīthān nayanti ||

chandāṃsi tad yajamānasya yanti
yatra somyaṃ somapīthān nayanti |
abrāhmaṇo yat pibati somam asya
tad vai chidraṃ dakṣiṇayāpidheyam ||

'bradhno 'si vājī paripānī
prathamā devebhyas paryābhṛtā |
mā te riṣaṃ khanitā
yasmai ca tvā khanāmasi ||

mā devāḥ pāpam ārāma
mā karta pāpayāmuyā |
māhaṃ pariṣyajo hastam
ā rapsi dhanakāmyā ||

mā mā devāḥ parā dāta
mā mā karta vyādhyam |
māhaṃ pariṣvajaḥ śira
ā rapsi mo ahaṃ mṛṣi ||