પૈપ્પલાદ-સંહિતા · અધ્યાય 19.42

અપદસ્વદ્ અપાદસત્
તુણ્ડિવ્યધ્માપાદસત્ ।
અપાપચિદ્ ઇતો ઽદસદ્
અપેતો ગ્લૌર્ નશિષ્યત્ય્
અપિવ્યધ્મન્ નશિષ્યતિ ॥

મા શિલે મા શિલાવતિ
મા તે શેષિ શિલં ચન ।
યાવચ્ છિલસ્ય તે શિલં
તાવચ્ છેષઃ શિલં તવ ॥

યથા યૂપાગ્રાદ્ ઉદકં
વિનિષ્ટં ભૂમિમ્ અશ્નુતે ।
એવા ત્વમ્ અરસે શિલે
વિનિષ્ટા ભૂમિમ્ અશ્નુહિ ॥

વજ્રો ઽસિ સપત્નહા
ત્વયાદ્ય વૃત્રં સાક્ષીય ।
ત્વામ્ અદ્ય વનસ્પતે
વૃક્ષાણામ્ ઉદ્ અયુષ્મહિ ॥

સ ન ઇન્દ્ર પુરોહિતો
વિશ્વતસ્ પાહિ રક્ષસઃ ।
અભિ ગાવો અનૂષત -
-અભિ દ્યુમ્નં બૃહસ્પતે ॥

પ્રાણ પ્રાણં ત્રાયસ્વ-
-અસો અસવે મૃડ ।
નિરૃતે નિરૃત્યા નઃ પાશેભ્યો મુઞ્ચ ॥

હત્સુકે પરિ ણો નમ
પારિગં તન્વે કૃધિ ।
યુયુત પર્ણિનં શરમ્
ઉતાપર્ણં રિશાદ્ ઇતિ ॥

પ્રજાપતિષ્ ટ્વા પ્રજયા
સં પુત્રેણ સૃજતુ સં ભગેન ।
દિષ્ટં દેષ્ટીહ કામો બ્રાહ્મણસ્ય
પુમાંસં ધત્સ્વ સવિતુઃ સવેન ॥

પ્ર ત્વા સર્પત્વ્ અઙ્કતઃ
કુમારઃ પુરુષાદ્ અધિ ।
ઋતોર્ યમ્ ઋત્વિયાદ્ અધિ
યં તે ધાતા અચીક્લ્̥પત્ ॥

યં તે ધાતા યં તે ત્વષ્ટા
યં તે બ્રહ્માચીક્લ્̥પત્ ।
તં ત્વં પુત્રં વિન્દસ્વ
તસ્મૈ ત્વં જીવ જીવસે ॥

ધ્વસ્રાસ્ તિષ્ઠન્તિ રજસા સમક્તા
યજ્ઞસ્ય હોત્રાઃ પ્રુશિતાસો અશ્નાઃ ।
આસાં સોમસ્ય યદ્ ઇહાવયન્તિ
તદ્ અમૂત્ર યજમાનસ્ય રૂપમ્ ॥

યે બ્રાહ્મણં વર્ચો હિત્વાય મલ્વા
રેણો વર્ણેન પરિધાપયન્તિ ।
આસાં સોમસ્ય યદ્ ઇહાવયન્તિ
તદ્ અમૂત્ર યજમાનસ્ય રૂપમ્ ॥

અસારથિઃ સુમનસો યથા રથો
હિત્વા સવ્યષ્ઠાં રક્ષસો યાતિ યામમ્ ।
એવા યજ્ઞો યજમાનં જહાતિ
યત્ર સોમ્યં સોમપીથાન્ નયન્તિ ॥

છન્દાંસિ તદ્ યજમાનસ્ય યન્તિ
યત્ર સોમ્યં સોમપીથાન્ નયન્તિ ।
અબ્રાહ્મણો યત્ પિબતિ સોમમ્ અસ્ય
તદ્ વૈ છિદ્રં દક્ષિણયાપિધેયમ્ ॥

ઽબ્રધ્નો ઽસિ વાજી પરિપાની
પ્રથમા દેવેભ્યસ્ પર્યાભૃતા ।
મા તે રિષં ખનિતા
યસ્મૈ ચ ત્વા ખનામસિ ॥

મા દેવાઃ પાપમ્ આરામ
મા કર્ત પાપયામુયા ।
માહં પરિષ્યજો હસ્તમ્
આ રપ્સિ ધનકામ્યા ॥

મા મા દેવાઃ પરા દાત
મા મા કર્ત વ્યાધ્યમ્ ।
માહં પરિષ્વજઃ શિર
આ રપ્સિ મો અહં મૃષિ ॥