Paippalāda-Saṃhitā · Chapter 17.54

vasor yā dhārā madhunā samaktā
ghṛtena miśrā amṛtasya nābhayaḥ |
sarvās tā ava rundhe svargaḥ ṣaṣṭyāṃ
śaratsu nidhipā abhīcchāt ||

nidhiṃ nidhipā abhy enam icchād
anīśvarā abhitaḥ santv anye |
asmābhir datto nihitaḥ svargas
tribhiḥ kāṇḍais trīn svargān arukṣat ||

agnī rakṣas tapatu yad videvaṃ
kravyāt piśāca iha mā pra pāsta |
nudāma enam ava rudhmo asmad
ādityā no aṅgirasaḥ sacantām ||

ādityebhyo aṅgirobhyo madhv idaṃ
ghṛtena miśraṃ prati vedayāmaḥ |
śuddhahastau brāhmaṇasyānihatya-
-enaṃ svargaṃ sukṛtāv apītam ||

idaṃ kāṇḍam uttamaṃ prāpam asya
yasmāl lokāt parameṣṭhī samāpa |
ā siñca sarpir ghṛtavat samaṅdhy
eṣa bhāgo aṅgiraso no atra ||

satyāya ca tapase devatābhyo
nidhiṃ śevadhiṃ pari dadhma etam |
mā no dyūte 'va gān mā samityāṃ
mā smānyasmā ut sṛjatā purā mat ||

na kilbiṣam atra nādhāro asti
na yan mitraiḥ samamamāna eti |
paktāraṃ pakvaḥ punar ā viśāsy
anūnaṃ pātraṃ nihitaṃ no astu ||

ahaṃ pacāmy aham id vadāmi
mamed u karman karuṇe 'pi jāyāḥ |
kaumāro loko ajaniṣṭa putro
'nv ārabhethāṃ vaya uttarāvat ||

priyaṃ priyāṇāṃ kṛṇavāma yātan
tamas te hantu yatame dviṣanti |
dhenur anaḍvān vayo yad anyat
pauruṣeyam apa mṛtyuṃ nudantu ||

sam agnayo vidur anyo anyaṃ
ya oṣadhīḥ sacate yaś ca sindhūn |
yāvanto devā divy ātapanti
hiraṇyaṃ jyotir dadhato babhūva ||