પૈપ્પલાદ-સંહિતા · અધ્યાય 17.54

વસોર્ યા ધારા મધુના સમક્તા
ઘૃતેન મિશ્રા અમૃતસ્ય નાભયઃ ।
સર્વાસ્ તા અવ રુન્ધે સ્વર્ગઃ ષષ્ટ્યાં
શરત્સુ નિધિપા અભીચ્છાત્ ॥

નિધિં નિધિપા અભ્ય્ એનમ્ ઇચ્છાદ્
અનીશ્વરા અભિતઃ સન્ત્વ્ અન્યે ।
અસ્માભિર્ દત્તો નિહિતઃ સ્વર્ગસ્
ત્રિભિઃ કાણ્ડૈસ્ ત્રીન્ સ્વર્ગાન્ અરુક્ષત્ ॥

અગ્ની રક્ષસ્ તપતુ યદ્ વિદેવં
ક્રવ્યાત્ પિશાચ ઇહ મા પ્ર પાસ્ત ।
નુદામ એનમ્ અવ રુધ્મો અસ્મદ્
આદિત્યા નો અઙ્ગિરસઃ સચન્તામ્ ॥

આદિત્યેભ્યો અઙ્ગિરોભ્યો મધ્વ્ ઇદં
ઘૃતેન મિશ્રં પ્રતિ વેદયામઃ ।
શુદ્ધહસ્તૌ બ્રાહ્મણસ્યાનિહત્ય-
-એનં સ્વર્ગં સુકૃતાવ્ અપીતમ્ ॥

ઇદં કાણ્ડમ્ ઉત્તમં પ્રાપમ્ અસ્ય
યસ્માલ્ લોકાત્ પરમેષ્ઠી સમાપ ।
આ સિઞ્ચ સર્પિર્ ઘૃતવત્ સમઙ્ધ્ય્
એષ ભાગો અઙ્ગિરસો નો અત્ર ॥

સત્યાય ચ તપસે દેવતાભ્યો
નિધિં શેવધિં પરિ દધ્મ એતમ્ ।
મા નો દ્યૂતે ઽવ ગાન્ મા સમિત્યાં
મા સ્માન્યસ્મા ઉત્ સૃજતા પુરા મત્ ॥

ન કિલ્બિષમ્ અત્ર નાધારો અસ્તિ
ન યન્ મિત્રૈઃ સમમમાન એતિ ।
પક્તારં પક્વઃ પુનર્ આ વિશાસ્ય્
અનૂનં પાત્રં નિહિતં નો અસ્તુ ॥

અહં પચામ્ય્ અહમ્ ઇદ્ વદામિ
મમેદ્ ઉ કર્મન્ કરુણે ઽપિ જાયાઃ ।
કૌમારો લોકો અજનિષ્ટ પુત્રો
ઽન્વ્ આરભેથાં વય ઉત્તરાવત્ ॥

પ્રિયં પ્રિયાણાં કૃણવામ યાતન્
તમસ્ તે હન્તુ યતમે દ્વિષન્તિ ।
ધેનુર્ અનડ્વાન્ વયો યદ્ અન્યત્
પૌરુષેયમ્ અપ મૃત્યું નુદન્તુ ॥

સમ્ અગ્નયો વિદુર્ અન્યો અન્યં
ય ઓષધીઃ સચતે યશ્ ચ સિન્ધૂન્ ।
યાવન્તો દેવા દિવ્ય્ આતપન્તિ
હિરણ્યં જ્યોતિર્ દધતો બભૂવ ॥