Paippalāda-Saṃhitā · Chapter 17.35
athāhīnā āśvatthir abravīn
na tād brāhmaṇaṃ nindāni yād enam aśṛṇon
ned iṣṭāpūrtena vi bhavānīti ||
kṛtyā vā eṣā manuṣyeṣu carati
yad anaḍvān yad anaḍudvratī ||
ya evaṃ viduṣo 'sādhu kīrtayati-
-iṣṭam evāsya pūrtaṃ māyāṃ saṃ vṛkte ||
indro vā agre asureṣv anaḍudvratam acarat
teṣām iṣṭaṃ pūrtaṃ māyāṃ saṃvṛktānindraṃ hy enam ||
so 'naḍuho vahe 'kramata
sarvām̐l lokān prājānāt ||
yāv asya pūrvapādau tau pūrvapakṣau
yāv aparapādau tāv aparapakṣau ||
yāv asyauṣṭhau tau puroḍāśau
ye nāsike tau sruvau ||
ye asyākṣau tau sūryācandramasau
ye nimeṣās tāny ahorātrāṇi
yāni vakṣaṇāni te sūryasya raśmayaḥ saḥ (…) ||
droṇakalaśaḥ śiraḥ somo rājā mastiṣkaḥ ||
ye asya śṛṅge tad ṛtaṃ satyam ||
dhruvaṃ vā ṛtaṃ satyaṃ tasmād ete dhruve ||
dhruvam eva rtaṃ satyam anu prati tiṣṭhati
yaḥ (…) ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0