पैप्पलाद-संहिता · अध्याय 17.35
अथाहीना आश्वत्थिर् अब्रवीन्
न ताद् ब्राह्मणं निन्दानि याद् एनम् अशृणोन्
नेद् इष्टापूर्तेन वि भवानीति ॥
कृत्या वा एषा मनुष्येषु चरति
यद् अनड्वान् यद् अनडुद्व्रती ॥
य एवं विदुषो ऽसाधु कीर्तयति-
-इष्टम् एवास्य पूर्तं मायां सं वृक्ते ॥
इन्द्रो वा अग्रे असुरेष्व् अनडुद्व्रतम् अचरत्
तेषाम् इष्टं पूर्तं मायां संवृक्तानिन्द्रं ह्य् एनम् ॥
सो ऽनडुहो वहे ऽक्रमत
सर्वाँल् लोकान् प्राजानात् ॥
याव् अस्य पूर्वपादौ तौ पूर्वपक्षौ
याव् अपरपादौ ताव् अपरपक्षौ ॥
याव् अस्यौष्ठौ तौ पुरोडाशौ
ये नासिके तौ स्रुवौ ॥
ये अस्याक्षौ तौ सूर्याचन्द्रमसौ
ये निमेषास् तान्य् अहोरात्राणि
यानि वक्षणानि ते सूर्यस्य रश्मयः सः (…) ॥
द्रोणकलशः शिरः सोमो राजा मस्तिष्कः ॥
ये अस्य शृङ्गे तद् ऋतं सत्यम् ॥
ध्रुवं वा ऋतं सत्यं तस्माद् एते ध्रुवे ॥
ध्रुवम् एव र्तं सत्यम् अनु प्रति तिष्ठति
यः (…) ॥
मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0