Paippalāda-Saṃhitā · Chapter 17.24

vidma te svapna janitraṃ
pāpmanaḥ putro 'sy abhūtyā adhi jāto yamasya karaṇaḥ |
taṃ tvā svapna tathā vidma |
yo bhadraḥ svapnaḥ sa mama
yaḥ pāpas taṃ dviṣate pra hiṇmaḥ |
tam asmai gamayāmas
tenainaṃ vidhyāmo
'bhūtyainaṃ vidhyāmo
nirbhūtyainaṃ vidhyāmaḥ
parābhūtyainaṃ vidhyāmo
grāhyaiṇaṃ vidhyāmas
tamasainaṃ vidhyāmo
agna enaṃ kravyāda ā vṛśāmo
devānām enaṃ ghoraiḥ krūraiḥ praiṣair abhi preṣyamo
vaiśvāṇarasyainaṃ daṃṣṭrayor api dadhmaḥ ||

(…) janitraṃ
grāhyāḥ putro 'si nirṛtyā adhi (…) ||

(…) janitraṃ
varuṇasya putro 'si varuṇānyā adhi (…) ||

(…) janitram
ahnaḥ putro 'si rātryā adhi (…) ||

(…) janitraṃ
divas putro 'si bhūmyā adhi (…) ||

(…) janitraṃ
vanaspatīnāṃ putro 'sy oṣadībhyo 'dhi (…) ||

(…) janitraṃ
vānaspatyānāṃ putro 'si vīrudbhyo 'dhi (…) ||

(…) janitraṃ
tandriyāḥ putro 'si koṭīyā adhi (…) ||

(…) janitraṃ
rakṣasāṃ putro 'sy abhvebhyo 'dhi (…) ||

vidma te svapna janitraṃ
gandharvāṇāṃ putro 'sy
apsarobhyo adhi jāto yamasya karaṇaḥ |
taṃ tvā svapna iti trīṇi ||