Paippalāda-Saṃhitā · Chapter 17.23
tad āpaḥ pra vahata-
-avadyaṃ ca malaṃ ca yat |
yad duṣvapnyam ārima
yad ṛcānṛtam ūdima ||
āpaḥ sapta sravantīs
tā no muñcaṃtv aṃhasaḥ ||
muñcantu mā śapathyād
atho varuṇyād uta |
atho yamasya paḍbīśād
viśvasmād devaduṣkṛtāt ||
jāmiśaṃsād duṣvapnyād
druho mā muñcantu varuṇasya pāśāt ||
mahyam indro varuṇo bṛhaspatiḥ savitā varca ādadhan ||
bhrātṛvyahaṃ sapatnaham asau me bhrātṛbhyo 'sau sapatnaḥ ||
taṃ hanmi taṃ duḥsvapnyena vidhyāmi
tam anāyuṣṭayā vidhyāmi
taṃ kṣapitāyavyena vidhyāmi
tam adharāñcaṃ mṛtyupatham abhyapa nudāmi ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0