Paippalāda-Saṃhitā · Chapter 17.14

duḥsaṃkāśe bhīmacakṣo
nagne bhaṇve sadānve
dhrājiṃ tviṣiṃ śucim agnim
arāyi kim ihecchase |
dhūmaṃ mābhi pra gāyi
ni stauṣāmi sadānve ||

kaṅkyekā prakhidaikā
kim ic chāntyabhiśrayā |
caranti naktaṃ durṇāmno
arāyīḥ sūtikaiṣyas
tā ito nāśayāmasi ||

apakrathām abhiśrayām
ānṛtyantīṃ kutūhalām |
kusūlīṃ rathabhañjanīṃ
khalāj jātās trikūkvas
tā ito nāśayāmasi ||

yā vikeśīr unmadityā-
-urarā ghoracakṣavaḥ |
śīrśāṇy anyā anyāsāṃ
vitāvantīr ivāsate
sadānvā brahmaṇaspate
paro bhrūṇāny arpaya ||

yāsāṃ gandho nānārūpaḥ
paryaiti puruṣaṃ pathi |
tā agniḥ sahatām ito
jātavedāḥ sadānvāḥ ||

yāḥ puruṣaṃ dahyamānaṃ
śūnyam agnau jighatsanti |
bhaṇvā niṣkuṣṭā nāmāsi
muṣṭāgreṇa sadānvās
tā ito nāśayāmasi ||

yā ucitā āvapane
śuṣkaṃ khādanti maṣmasaṃ
vaḍavā gardabhīr iva |
nāśayāmaḥ sadānvāḥ ||

garbhān ekaḥ prati morśaṃ
yā adanti sadānvāḥ |
ucitās tanvaṃ striyā
gāva ā rohiṇīr iva
tā ito nāśayāmasi ||

yāḥ pitṛyāt saṃbhavanti-
-indrajā naḥ sadānvāḥ |
apa mityam ivābhṛtaṃ
punas tā prati dadmasi ||

āmādinīḥ krūrādinīr
anagnigandhyādinīḥ |
amuṃ paretyoddhitaṃ
śavam atta sadānvāḥ |
śavaḥ kevala ācāraḥ
kim u śālāsv icchatha ||