પૈપ્પલાદ-સંહિતા · અધ્યાય 17.14

દુઃસંકાશે ભીમચક્ષો
નગ્ને ભણ્વે સદાન્વે
ધ્રાજિં ત્વિષિં શુચિમ્ અગ્નિમ્
અરાયિ કિમ્ ઇહેચ્છસે ।
ધૂમં માભિ પ્ર ગાયિ
નિ સ્તૌષામિ સદાન્વે ॥

કઙ્ક્યેકા પ્રખિદૈકા
કિમ્ ઇચ્ છાન્ત્યભિશ્રયા ।
ચરન્તિ નક્તં દુર્ણામ્નો
અરાયીઃ સૂતિકૈષ્યસ્
તા ઇતો નાશયામસિ ॥

અપક્રથામ્ અભિશ્રયામ્
આનૃત્યન્તીં કુતૂહલામ્ ।
કુસૂલીં રથભઞ્જનીં
ખલાજ્ જાતાસ્ ત્રિકૂક્વસ્
તા ઇતો નાશયામસિ ॥

યા વિકેશીર્ ઉન્મદિત્યા-
-ઉરરા ઘોરચક્ષવઃ ।
શીર્શાણ્ય્ અન્યા અન્યાસાં
વિતાવન્તીર્ ઇવાસતે
સદાન્વા બ્રહ્મણસ્પતે
પરો ભ્રૂણાન્ય્ અર્પય ॥

યાસાં ગન્ધો નાનારૂપઃ
પર્યૈતિ પુરુષં પથિ ।
તા અગ્નિઃ સહતામ્ ઇતો
જાતવેદાઃ સદાન્વાઃ ॥

યાઃ પુરુષં દહ્યમાનં
શૂન્યમ્ અગ્નૌ જિઘત્સન્તિ ।
ભણ્વા નિષ્કુષ્ટા નામાસિ
મુષ્ટાગ્રેણ સદાન્વાસ્
તા ઇતો નાશયામસિ ॥

યા ઉચિતા આવપને
શુષ્કં ખાદન્તિ મષ્મસં
વડવા ગર્દભીર્ ઇવ ।
નાશયામઃ સદાન્વાઃ ॥

ગર્ભાન્ એકઃ પ્રતિ મોર્શં
યા અદન્તિ સદાન્વાઃ ।
ઉચિતાસ્ તન્વં સ્ત્રિયા
ગાવ આ રોહિણીર્ ઇવ
તા ઇતો નાશયામસિ ॥

યાઃ પિતૃયાત્ સંભવન્તિ-
-ઇન્દ્રજા નઃ સદાન્વાઃ ।
અપ મિત્યમ્ ઇવાભૃતં
પુનસ્ તા પ્રતિ દદ્મસિ ॥

આમાદિનીઃ ક્રૂરાદિનીર્
અનગ્નિગન્ધ્યાદિનીઃ ।
અમું પરેત્યોદ્ધિતં
શવમ્ અત્ત સદાન્વાઃ ।
શવઃ કેવલ આચારઃ
કિમ્ ઉ શાલાસ્વ્ ઇચ્છથ ॥