Paippalāda-Saṃhitā · Chapter 16.96
pumān puṃso adhi tiṣṭha carma
na te śiṣṇaṃ pra dahāj jātavedāḥ |
bhavāt te straiṇam apy apsarāsu ||
mahatī dyāvāpṛthivī
antarikṣam idaṃ mahat |
mahān mahimnā sarvāṅga
yas tvā pacaty odana ||
saptainaṃ sūryā abhitaḥ
sapta puṣkariṇīr uta |
sapto sahasraṃ gandharvā
yas tvā pacaty odana ||
dhātaiṣām udgātāsīd
devā hotāra ṛtvijaḥ |
sarvāṅgaṃ yatraudanaṃ
satyenāgre samairayan ||
sapta ṛṣayo bhūtakṛta
ṛṣayaḥ sādhyāś ca ye |
te vai sarvāṅgam odanaṃ
śraddhayāgre sam airayan ||
yaḥ sarvāṅgaṃ pacati
brāhmaṇaṃ ca na hiṃsati |
tasmai jyotiṣmantaṃ lokaṃ
yamo rājābhi rakṣati ||
taṃ sarvāṅgaṃ ghṛtapṛṣṭhaṃ
dyumātraṃ devasaṃhitam |
ni dhatsvāmutra śevadhiṃ
taṃ te brahmābhi rakṣatu ||
tasyaudanasyodaram antarikṣaṃ
dyauḥ pṛṣṭhaṃ diśaḥ pārśve |
sūryācandramasāv akṣyāv
ṛtavo dantāḥ pavamānaḥ prāṇo aṅgiraso rūpam ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0