Paippalāda-Saṃhitā · Chapter 16.87

bhūtiś ca vā abhūtiś ca
rātayo 'rātayaś ca yāḥ |
kṣudhaś ca sarvās tṛṣṇāś ca
śarīram anu prāviśan ||

nindyāś ca vā anindyāś ca
yaś ca hanteti neti ca |
śarīraṃ śraddhā dakṣiṇā-
-aśraddhā cānu prāviśan ||

vidyāś ca vā avidyāś ca
yac cānyad upadeśyam |
śarīraṃ brahma prāviśad
ṛcaḥ sāmātho yajuḥ ||

ānandā nandāḥ pramudo
'bhīmodamudaś ca ye |
haso nariṣṭā nṛttāni
śarīram anu prāviśan ||

ālāpāś ca pralāpāś ca-
-abhīlāpalapaś ca ye |
śarīraṃ sarve prāviśann
āyujaḥ prayujo yujaḥ ||

prāṇāpānau cakṣuḥ śrotram
akṣitiś ca kṣitiś ca yā |
vyānodānau vāṅ manaḥ
śarīrena ta īyante ||

āśiṣaś ca praśiṣaś ca
saṃśiṣo viśiṣaś ca yāḥ |
cittāni sarve saṃkalpāḥ
śarīram anu prāviśan ||

tvarāś ca vai dhṛtayaś ca-
-īḍāśīḥ sūnṛterā |
śarīraṃ sarve prāviśann
ṛtarīrṣyāyudho mṛdhaḥ ||

āsneyīś ca vāsteyīś ca
tvaraṇāḥ kṛpaṇāś ca yāḥ |
guhyāḥ śukriyā yā sthūlā
bībhatsur asādhayan ||

asthi kṛtvā samidhaṃ
tad aṣṭāpo asādayan |
retaḥ kṛtvājyaṃ
devāḥ puruṣam āviśan ||