Paippalāda-Saṃhitā · Chapter 16.75
bahir bilaṃ nir dravatu
kahāvāhaṃ tavodarāt |
yakṣmāṇāṃ sarveṣāṃ viṣaṃ
nir avocam ahaṃ tvat ||
udarāt te pari klomno
nābhyā hṛdayād adhi |
yakṣmodhām antarātmano
bahir nir mantrayāmahe ||
yāḥ sīmānaṃ virujanti
mūrdhānaṃ pratyarṣaṇīḥ |
ahiṃsantīr anāmayā
nir dravanti bahir bilam ||
yā hṛdayam upasarpanty
anutanvanti kīkasāḥ |
(…) ||
yāḥ pārśve uparṣanty
anunikṣanti pṛṣṭīḥ |
(…) ||
yās tiraścīr uparṣanty
arṣaṇīr vakṣaṇābhyaḥ |
(…) ||
yā gudā anusarpanty
āntrāṇi yopayanti ca |
(…) ||
yā majjño anusarpanti
parūṃṣi virujanti ca |
ahiṃsantīr anāmayā
nir dravanti bahir bilam ||
ye aṅgāni madayanti
yakṣmāso ropaṇāsaḥ |
yakṣmāṇāṃ sarveṣāṃ viṣaṃ
nir avocam ahaṃ tvat ||
visalpakasya vidradhasya
vātīkārasya vālajeḥ |
yakṣmāṇāṃ sarveṣāṃ viṣaṃ
nir avocam ahaṃ tvat ||
pādābhyāṃ te kulphābhyāṃ
jaṅgābhyāṃ jānubhyām ūrubhyāṃ
śroṇibhyāṃ pari bhaṃsasaḥ |
anūkyād arṣaṇīr uṣṇihābhyo
grīvābhyaḥ skandhebhyaś
śīrṣṇo rogam anīnaśam ||
saṃ te śīrṣṇaḥ kapālāni
hṛdayasya ca yo viduḥ |
udyan sūrya ādityo
'ṅgarogam anīnaśat ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0