પૈપ્પલાદ-સંહિતા · અધ્યાય 16.75

બહિર્ બિલં નિર્ દ્રવતુ
કહાવાહં તવોદરાત્ ।
યક્ષ્માણાં સર્વેષાં વિષં
નિર્ અવોચમ્ અહં ત્વત્ ॥

ઉદરાત્ તે પરિ ક્લોમ્નો
નાભ્યા હૃદયાદ્ અધિ ।
યક્ષ્મોધામ્ અન્તરાત્મનો
બહિર્ નિર્ મન્ત્રયામહે ॥

યાઃ સીમાનં વિરુજન્તિ
મૂર્ધાનં પ્રત્યર્ષણીઃ ।
અહિંસન્તીર્ અનામયા
નિર્ દ્રવન્તિ બહિર્ બિલમ્ ॥

યા હૃદયમ્ ઉપસર્પન્ત્ય્
અનુતન્વન્તિ કીકસાઃ ।
(…) ॥

યાઃ પાર્શ્વે ઉપર્ષન્ત્ય્
અનુનિક્ષન્તિ પૃષ્ટીઃ ।
(…) ॥

યાસ્ તિરશ્ચીર્ ઉપર્ષન્ત્ય્
અર્ષણીર્ વક્ષણાભ્યઃ ।
(…) ॥

યા ગુદા અનુસર્પન્ત્ય્
આન્ત્રાણિ યોપયન્તિ ચ ।
(…) ॥

યા મજ્જ્ઞો અનુસર્પન્તિ
પરૂંષિ વિરુજન્તિ ચ ।
અહિંસન્તીર્ અનામયા
નિર્ દ્રવન્તિ બહિર્ બિલમ્ ॥

યે અઙ્ગાનિ મદયન્તિ
યક્ષ્માસો રોપણાસઃ ।
યક્ષ્માણાં સર્વેષાં વિષં
નિર્ અવોચમ્ અહં ત્વત્ ॥

વિસલ્પકસ્ય વિદ્રધસ્ય
વાતીકારસ્ય વાલજેઃ ।
યક્ષ્માણાં સર્વેષાં વિષં
નિર્ અવોચમ્ અહં ત્વત્ ॥

પાદાભ્યાં તે કુલ્ફાભ્યાં
જઙ્ગાભ્યાં જાનુભ્યામ્ ઊરુભ્યાં
શ્રોણિભ્યાં પરિ ભંસસઃ ।
અનૂક્યાદ્ અર્ષણીર્ ઉષ્ણિહાભ્યો
ગ્રીવાભ્યઃ સ્કન્ધેભ્યશ્
શીર્ષ્ણો રોગમ્ અનીનશમ્ ॥

સં તે શીર્ષ્ણઃ કપાલાનિ
હૃદયસ્ય ચ યો વિદુઃ ।
ઉદ્યન્ સૂર્ય આદિત્યો
ઽઙ્ગરોગમ્ અનીનશત્ ॥