Paippalāda-Saṃhitā · Chapter 16.74
śīrṣaktiṃ śīrṣāmayaṃ
karṇaśūlaṃ tṛtīyakam |
sarvaṃ śīrṣaṇyaṃ te rogaṃ
bahir nirmantrayāmahe ||
karṇābhyāṃ te kaṅkūṣebhyaḥ
śuktivalgaṃ vilohitam |
(…) ||
yaḥ kṛṇoti pramotam
andhaṃ kṛṇoti pūruṣam |
(…) ||
yasya hetoḥ pracyavate
yakṣmo nāsata āsyataḥ |
(…) ||
śīrṣarogam aṅgarogaṃ
viśvāṅgīnaṃ visalpakam |
sarvaṃ śīrṣaṇyaṃ te rogaṃ
bahir nirmantrayamahe ||
yasya bhīmaḥ pratīkāśa
udvepayati pūruṣam |
takmānaṃ śītaṃ rūraṃ ca
taṃ te nir mantrayāmahe ||
ya ūrū anusarpaty
atho ye 'nu gavīnike |
balāsam antar aṅgebhyo
bahir nirmantrayāmahe ||
yadi kāmād apakāmād
dhṛdayāj jāyate pari |
hṛdo balāsam aṅgebhyo
bahir nirmantrayāmahe ||
harimāṇaṃ te aṅgebhyo
yakṣmodhām antarātmanaḥ |
yakṣmaṃ te sarvam aṅgebhyo
bahir nirmantrayāmahe ||
āso balāso bhavatu
mūtraṃ bhavatv āmayat |
yakṣmāṇāṃ sarveṣāṃ viṣaṃ
nir avocam ahaṃ tvat ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0