पैप्पलाद-संहिता · अध्याय 16.74

शीर्षक्तिं शीर्षामयं
कर्णशूलं तृतीयकम् ।
सर्वं शीर्षण्यं ते रोगं
बहिर् निर्मन्त्रयामहे ॥

कर्णाभ्यां ते कङ्कूषेभ्यः
शुक्तिवल्गं विलोहितम् ।
(…) ॥

यः कृणोति प्रमोतम्
अन्धं कृणोति पूरुषम् ।
(…) ॥

यस्य हेतोः प्रच्यवते
यक्ष्मो नासत आस्यतः ।
(…) ॥

शीर्षरोगम् अङ्गरोगं
विश्वाङ्गीनं विसल्पकम् ।
सर्वं शीर्षण्यं ते रोगं
बहिर् निर्मन्त्रयमहे ॥

यस्य भीमः प्रतीकाश
उद्वेपयति पूरुषम् ।
तक्मानं शीतं रूरं च
तं ते निर् मन्त्रयामहे ॥

य ऊरू अनुसर्पत्य्
अथो ये ऽनु गवीनिके ।
बलासम् अन्तर् अङ्गेभ्यो
बहिर् निर्मन्त्रयामहे ॥

यदि कामाद् अपकामाद्
धृदयाज् जायते परि ।
हृदो बलासम् अङ्गेभ्यो
बहिर् निर्मन्त्रयामहे ॥

हरिमाणं ते अङ्गेभ्यो
यक्ष्मोधाम् अन्तरात्मनः ।
यक्ष्मं ते सर्वम् अङ्गेभ्यो
बहिर् निर्मन्त्रयामहे ॥

आसो बलासो भवतु
मूत्रं भवत्व् आमयत् ।
यक्ष्माणां सर्वेषां विषं
निर् अवोचम् अहं त्वत् ॥