Paippalāda-Saṃhitā · Chapter 16.68

yad gāyatre adhi gāyatram āhitaṃ
traiṣṭubhād vā traiṣṭubhaṃ niratakṣata |
yad vā jagaj jagaty āhitaṃ padaṃ
ya it tad vidus te amṛtatvam ānaśuḥ ||

gāyatreṇa prati mimīte arkam
arkeṇa sāma traiṣṭubhena vākam |
vākena vākaṃ dvipadā catuṣpadā-
-akṣareṇa mimate sapta vāṇīḥ ||

jagatā sindhuṃ divy askabhāyad
rathantare sūryaṃ pary apaśyat |
gāyatrasya samidhas tisra āhus
tato mahnā pra ririce mahitvā ||

upa hvaye sudughāṃ dhenum etāṃ
suhasto godhug uta dohad enām |
śreṣṭhaṃ savaṃ savitā sāviṣan
no 'bhīddho gharmas tad u ṣu pra vocam ||

hiṃkṛṇvatī vasupatnī vasūnāṃ
vatsam icchantī manasābhy āgāt |
duhām aśvibhyāṃ payo aghnyeyaṃ
sā vardhatāṃ mahate saubhagāya ||

gaur amīmed abhi vatsaṃ miṣantaṃ
mūrdhānaṃ hiṅṅ akṛṇon mātavā u |
sṛkvāṇaṃ gharmam abhi vāvaśānā
mimāti māyuṃ payate payobhiḥ ||

ayaṃ sa śiṅkte yena gaur abhīvṛtā
mimāti māyuṃ dhvasanāv adhi śritā |
sā cittibhir ni cakāra martyaṃ
vidyud bhavantī prati vavrim auhata ||

vidyud dadrāṇāṃ salilasya pṛṣṭhe
yuvānaṃ santaṃ palito jagāra |
devasya paśya kāvyaṃ mahitvādyā
mamāra sa hyaḥ sam āna ||

anac chaye turagātu jīvam
ejad dhruvaṃ madhya ā pastyānām |
jīvo mṛtasya carati svadhābhir
amartyo martyenā sayoniḥ ||

apaśyaṃ gopām anipadyamānam
ā ca parā ca pathibhiś carantam |
sa sadhrīcīḥ sa viṣūcīr vasāna
ā varīvarti bhuvaneṣv antaḥ ||