પૈપ્પલાદ-સંહિતા · અધ્યાય 16.68

યદ્ ગાયત્રે અધિ ગાયત્રમ્ આહિતં
ત્રૈષ્ટુભાદ્ વા ત્રૈષ્ટુભં નિરતક્ષત ।
યદ્ વા જગજ્ જગત્ય્ આહિતં પદં
ય ઇત્ તદ્ વિદુસ્ તે અમૃતત્વમ્ આનશુઃ ॥

ગાયત્રેણ પ્રતિ મિમીતે અર્કમ્
અર્કેણ સામ ત્રૈષ્ટુભેન વાકમ્ ।
વાકેન વાકં દ્વિપદા ચતુષ્પદા-
-અક્ષરેણ મિમતે સપ્ત વાણીઃ ॥

જગતા સિન્ધું દિવ્ય્ અસ્કભાયદ્
રથન્તરે સૂર્યં પર્ય્ અપશ્યત્ ।
ગાયત્રસ્ય સમિધસ્ તિસ્ર આહુસ્
તતો મહ્ના પ્ર રિરિચે મહિત્વા ॥

ઉપ હ્વયે સુદુઘાં ધેનુમ્ એતાં
સુહસ્તો ગોધુગ્ ઉત દોહદ્ એનામ્ ।
શ્રેષ્ઠં સવં સવિતા સાવિષન્
નો ઽભીદ્ધો ઘર્મસ્ તદ્ ઉ ષુ પ્ર વોચમ્ ॥

હિંકૃણ્વતી વસુપત્ની વસૂનાં
વત્સમ્ ઇચ્છન્તી મનસાભ્ય્ આગાત્ ।
દુહામ્ અશ્વિભ્યાં પયો અઘ્ન્યેયં
સા વર્ધતાં મહતે સૌભગાય ॥

ગૌર્ અમીમેદ્ અભિ વત્સં મિષન્તં
મૂર્ધાનં હિઙ્ઙ્ અકૃણોન્ માતવા ઉ ।
સૃક્વાણં ઘર્મમ્ અભિ વાવશાના
મિમાતિ માયું પયતે પયોભિઃ ॥

અયં સ શિઙ્ક્તે યેન ગૌર્ અભીવૃતા
મિમાતિ માયું ધ્વસનાવ્ અધિ શ્રિતા ।
સા ચિત્તિભિર્ નિ ચકાર મર્ત્યં
વિદ્યુદ્ ભવન્તી પ્રતિ વવ્રિમ્ ઔહત ॥

વિદ્યુદ્ દદ્રાણાં સલિલસ્ય પૃષ્ઠે
યુવાનં સન્તં પલિતો જગાર ।
દેવસ્ય પશ્ય કાવ્યં મહિત્વાદ્યા
મમાર સ હ્યઃ સમ્ આન ॥

અનચ્ છયે તુરગાતુ જીવમ્
એજદ્ ધ્રુવં મધ્ય આ પસ્ત્યાનામ્ ।
જીવો મૃતસ્ય ચરતિ સ્વધાભિર્
અમર્ત્યો મર્ત્યેના સયોનિઃ ॥

અપશ્યં ગોપામ્ અનિપદ્યમાનમ્
આ ચ પરા ચ પથિભિશ્ ચરન્તમ્ ।
સ સધ્રીચીઃ સ વિષૂચીર્ વસાન
આ વરીવર્તિ ભુવનેષ્વ્ અન્તઃ ॥