Scripture Library

Paippalāda-Saṃhitā · Chapter 16.53

16.53.1

tasyaudanasya bṛhaspatiḥ śiro brahma mukhaṃ
sūryācandramasāv akṣyau bṛhadrathantare śrotre |
agnir āsyaṃ vidyuj jihvā
maruto dantāḥ pavamānaḥ prāṇaḥ ||

16.53.2

oṣadhayo lomāni vanaspatayaḥ keśāḥ
samudro mūtram aśvinā prapade |
caruṃ pañcabilam ukhaṃ gharmam abhīndhe ||

16.53.3

cakṣur musalaṃ kāma ulūkhalaṃ
ditiḥ śūrpam aditiḥ śūrpagrāhī vāto apāvinak |
gāvas taṇḍulā aśvāḥ kaṇā maśakās tuṣāḥ
kabru phalīkaraṇāḥ śyāmam ayo lohitam ayo 'sya māṃsam ||

16.53.4

trapu bhasmārjunam asthīni
haritaṃ varṇaḥ puṣkalaṃ gandhaḥ |
khalaḥ pātram uṣṭārau bāhū sphyāv aṃsau
gudā varatrā īṣānūkyaṃ yugāni jatravaḥ ||

16.53.5

ṛtaṃ hastābhiṣecanaṃ kulyopasecanam
ārtavāḥ paktāro agniḥ prāśītā brāhmaṇaḥ pratigrahītā ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0