પૈપ્પલાદ-સંહિતા · અધ્યાય 16.53

તસ્યૌદનસ્ય બૃહસ્પતિઃ શિરો બ્રહ્મ મુખં
સૂર્યાચન્દ્રમસાવ્ અક્ષ્યૌ બૃહદ્રથન્તરે શ્રોત્રે ।
અગ્નિર્ આસ્યં વિદ્યુજ્ જિહ્વા
મરુતો દન્તાઃ પવમાનઃ પ્રાણઃ ॥

ઓષધયો લોમાનિ વનસ્પતયઃ કેશાઃ
સમુદ્રો મૂત્રમ્ અશ્વિના પ્રપદે ।
ચરું પઞ્ચબિલમ્ ઉખં ઘર્મમ્ અભીન્ધે ॥

ચક્ષુર્ મુસલં કામ ઉલૂખલં
દિતિઃ શૂર્પમ્ અદિતિઃ શૂર્પગ્રાહી વાતો અપાવિનક્ ।
ગાવસ્ તણ્ડુલા અશ્વાઃ કણા મશકાસ્ તુષાઃ
કબ્રુ ફલીકરણાઃ શ્યામમ્ અયો લોહિતમ્ અયો ઽસ્ય માંસમ્ ॥

ત્રપુ ભસ્માર્જુનમ્ અસ્થીનિ
હરિતં વર્ણઃ પુષ્કલં ગન્ધઃ ।
ખલઃ પાત્રમ્ ઉષ્ટારૌ બાહૂ સ્ફ્યાવ્ અંસૌ
ગુદા વરત્રા ઈષાનૂક્યં યુગાનિ જત્રવઃ ॥

ઋતં હસ્તાભિષેચનં કુલ્યોપસેચનમ્
આર્તવાઃ પક્તારો અગ્નિઃ પ્રાશીતા બ્રાહ્મણઃ પ્રતિગ્રહીતા ॥