Paippalāda-Saṃhitā · Chapter 16.34
pṛthivī daṇḍo antarikṣaṃ garbho
dyauḥ kaśā vidyut prakaśaḥ |
madhoḥ kaśāsi ghṛtācī hiraṇyayo binduḥ ||
urvy asi prabhvy asy
ambho 'si nabho 'si maho 'si |
ambho mā kṛṇu nabho māṃ kṛṇu maho mā kṛṇu ||
samudro 'sy akṣito aparimitaḥ
sahasrasaniḥ sahasraṃ mā gacchatu |
yo vai madhukaśāyāḥ sapta madhūni veda sapta madhumatīn ||
madhumantaṃ lokaṃ jayati
madhv asyāhāryaṃ bhavati |
yad vīdhre stanayati
prajāpatir eva tat prajābhyaḥ prādur bhavati ||
tasmāt prācīnopavītas tiṣṭhet
prajāpate 'nu mā budhyasveti |
anv enaṃ prajāpatir anu prajā budhyante ya evaṃ veda ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0