Paippalāda-Saṃhitā · Chapter 16.153

brahmacārīṣṇaṃś carati rodasī ubhe
yasmin devāḥ saṃmanaso bhavanti |
sa dādhāra pṛthivīṃ dyām utāmūṃ
sa ācāryaṃ tapasā pipartu ||

ācārya upanayamāno brahmacāriṇaṃ
kṛṇute garbham antaḥ |
taṃ rātrīs tisra udare bibharti
taṃ jātaṃ draṣṭum abhisaṃyanti devāḥ |
brahmacāriṇaṃ pitaro manuṣyā devajanā
gandharvā enam anu yanti sarve ||

trayastriṃśataṃ triśatān ṣaṭ sahasrān
sarvān sa devāṃs tapasā piparti |
iyaṃ samit pṛthivī dyaur dvitīyā-
-utāntarikṣaṃ samidhā pṛṇāti |
brahmacārī samidhā mekhalāvī
śrameṇa lokāṃs tapasā piparti ||

pūrvo jāto brahmaṇo brahmacārī
gharmaṃ vasānas tapaso 'dhi tiṣṭhat |
tasmāj jātaṃ brāhmaṇaṃ brahma jyeṣṭhaṃ
devāś ca sarve amṛtena sākam ||

brahmacārī samidhā samiddhaḥ
kārṣṇaṃ vasāno dīkṣito dīrghaśmaśruḥ |
sa sadya eti pūrvād aparaṃ samudraṃ
lokān saṃrabhya muhur ācarikrat ||

brahmacārī janayan brahma-
-apo lokaṃ prajāpatiṃ
parameṣṭhiṇaṃ virājam |
garbho bhūtvāmṛtasya yonāv
indro bhūtvāsurāṃs tatarha ||

imāṃ bhūmīṃ pṛthivīṃ brahmacārī
bhikṣāṃ jabhāra prathamo divaṃ ca |
te brahma kṛtvā samidhā upāsate
tayor ārpitā bhuvanāni viśvā ||

ācāryas tatakṣa nabhasī ubhe
urvī gambhīre pṛthivīṃ divaṃ ca |
te brahmacārī tapasābhi rakṣati
tayor devāḥ sadhamādaṃ madanti ||

arvāg anyaḥ paro anyo
guhā nidhī nihitau brāhmaṇasya |
tau brahmacārī tapasābhi rakṣati
tat kevalaṃ kṛṇute brahma vidvān ||