Paippalāda-Saṃhitā · Chapter 16.131

viṣṇoḥ kramo 'si sapatnahā
pṛthivīsaṃśito 'gnitejāḥ |
pṛthivīm anu vi krame 'haṃ
pṛthivyās taṃ nir bhajāmo
yo 'smān dveṣṭi yaṃ vayaṃ dviṣmaḥ |
pūrvajān sapatnān avainān bādhe aty enān kramāmy
apāṅ apanuttaḥ sapatnaḥ ||

viṣṇoḥ kramo 'si sapatnahā-
-antarikṣasaṃśito vāyutejāḥ |
antarikṣam anu vi krame 'ham
antarikṣāt taṃ nir bhajāmo
yo 'smān dveṣṭi yaṃ vayaṃ dviṣmaḥ |
sahajān sapatnān (…) ||

viṣṇoḥ kramo 'si sapatnahā
dyusaṃśitaḥ sūryatejāḥ |
divam anu vi krame 'haṃ
divas taṃ nir bhajāmo
yo 'smān dveṣṭi yaṃ vayaṃ dviṣmaḥ |
aparajān sapatnān (…) ||

(…) sapatnahā
diksaṃśito vātatejāḥ |
diśo anu vi krame 'haṃ
digbhyas tam (…) ||

(…) sapatnahā-
-āśāsaṃsito manastejāḥ |
āśā anu vi krame 'ham
āśābhyas tam (…) ||

(…) sapatnahā-
-apsaṃsito varuṇatejāḥ |
apo anu vi krame 'ham
adbhyas tam (…) ||

(…) sapatnahā
ṛksaṃśitaḥ sāmatejāḥ |
ṛco anu vi krame 'haṃ
ṛgbhyas tam (…) ||

(…) sapatnahā
yajñasaṃśito brahmatejāḥ |
yajñam anu vi krame 'haṃ
yajñāt tam (…) ||

(…) sapatnahā-
-oṣadhīsaṃśitaḥ somatejāḥ |
oṣadhīr anu vi krame 'ham
oṣadhībhyas tam (…) ||

(…) sapatnahā
kṛṣisaṃśitaḥ puruṣatejāḥ |
kṛṣim anu vi krame 'haṃ
kṛṣyās tam (…) ||

viṣṇoḥ kramo 'si sapatnahā
prāṇasaṃśito 'nnatejāḥ |
prāṇam anu vi krame 'haṃ
prāṇāt taṃ nirbhajāmo
yo 'smān dveṣṭi yaṃ vayaṃ dviṣmaḥ ||