પૈપ્પલાદ-સંહિતા · અધ્યાય 16.131

વિષ્ણોઃ ક્રમો ઽસિ સપત્નહા
પૃથિવીસંશિતો ઽગ્નિતેજાઃ ।
પૃથિવીમ્ અનુ વિ ક્રમે ઽહં
પૃથિવ્યાસ્ તં નિર્ ભજામો
યો ઽસ્માન્ દ્વેષ્ટિ યં વયં દ્વિષ્મઃ ।
પૂર્વજાન્ સપત્નાન્ અવૈનાન્ બાધે અત્ય્ એનાન્ ક્રમામ્ય્
અપાઙ્ અપનુત્તઃ સપત્નઃ ॥

વિષ્ણોઃ ક્રમો ઽસિ સપત્નહા-
-અન્તરિક્ષસંશિતો વાયુતેજાઃ ।
અન્તરિક્ષમ્ અનુ વિ ક્રમે ઽહમ્
અન્તરિક્ષાત્ તં નિર્ ભજામો
યો ઽસ્માન્ દ્વેષ્ટિ યં વયં દ્વિષ્મઃ ।
સહજાન્ સપત્નાન્ (…) ॥

વિષ્ણોઃ ક્રમો ઽસિ સપત્નહા
દ્યુસંશિતઃ સૂર્યતેજાઃ ।
દિવમ્ અનુ વિ ક્રમે ઽહં
દિવસ્ તં નિર્ ભજામો
યો ઽસ્માન્ દ્વેષ્ટિ યં વયં દ્વિષ્મઃ ।
અપરજાન્ સપત્નાન્ (…) ॥

(…) સપત્નહા
દિક્સંશિતો વાતતેજાઃ ।
દિશો અનુ વિ ક્રમે ઽહં
દિગ્ભ્યસ્ તમ્ (…) ॥

(…) સપત્નહા-
-આશાસંસિતો મનસ્તેજાઃ ।
આશા અનુ વિ ક્રમે ઽહમ્
આશાભ્યસ્ તમ્ (…) ॥

(…) સપત્નહા-
-અપ્સંસિતો વરુણતેજાઃ ।
અપો અનુ વિ ક્રમે ઽહમ્
અદ્ભ્યસ્ તમ્ (…) ॥

(…) સપત્નહા
ઋક્સંશિતઃ સામતેજાઃ ।
ઋચો અનુ વિ ક્રમે ઽહં
ઋગ્ભ્યસ્ તમ્ (…) ॥

(…) સપત્નહા
યજ્ઞસંશિતો બ્રહ્મતેજાઃ ।
યજ્ઞમ્ અનુ વિ ક્રમે ઽહં
યજ્ઞાત્ તમ્ (…) ॥

(…) સપત્નહા-
-ઓષધીસંશિતઃ સોમતેજાઃ ।
ઓષધીર્ અનુ વિ ક્રમે ઽહમ્
ઓષધીભ્યસ્ તમ્ (…) ॥

(…) સપત્નહા
કૃષિસંશિતઃ પુરુષતેજાઃ ।
કૃષિમ્ અનુ વિ ક્રમે ઽહં
કૃષ્યાસ્ તમ્ (…) ॥

વિષ્ણોઃ ક્રમો ઽસિ સપત્નહા
પ્રાણસંશિતો ઽન્નતેજાઃ ।
પ્રાણમ્ અનુ વિ ક્રમે ઽહં
પ્રાણાત્ તં નિર્ભજામો
યો ઽસ્માન્ દ્વેષ્ટિ યં વયં દ્વિષ્મઃ ॥