Paippalāda-Saṃhitā · Chapter 16.124

yac chukro bhavaty
ādityānām eva priyaṃ dhāmopaiti |
sa yaḥ śukraṃ prāśnīyād
ādityānāṃ tvā priyeṇa dhāmnā prāśnāmīty enaṃ prāśnīyāt |
tataś cainam anyena dhāmnā prāśnāty
ādityebhyaś cā vṛścate ||

yat phalīkṛto bhavati
viśveṣām eva devānāṃ priyaṃ (…) |
sa yaḥ phalīkṛtaṃ prāśnīyād
viśveṣāṃ tvā devānāṃ priyeṇa dhāmnā (…) |
(…) prāśnāti
viśvebhyo devebhyaś cā vṛścate ||

yad aphalīkṛto bhavati
marutām eva priyaṃ (…) |
sa yo 'phalīkṛtaṃ prāśnīyān
marutāṃ tvā priyeṇa (…) |
(…) prāśnāti
marudbhyaś cā vṛścate ||

yad avakṣāmo bhavaty
agner eva (…) |
sa yo 'vakṣāmaṃ prāśnīyād
agnes tvā priyeṇa (…) |
(…) prāśnāty
agnaye cā vṛścate ||

yad anavakṣāmo bhavati
mitrāvaruṇayor eva (…) |
sa yo 'navakṣāmaṃ prāśnīyān
mitrāvaruṇayos tvā priyeṇa (…) |
(…) prāśnāti
mitrāvaruṇābhyāṃ cā vṛścate ||

yad aklinno bhavati-
-indrasyaiva (…) |
sa yo 'klinnaṃ prāśnīyād
indrasya tvā (…) |
(…) prāśnāti-
-indrāya cā vṛścate ||

yat klinno bhavati
pitṝṇām eva (…) |
sa yaḥ klinnaṃ prāśnīyāt
pitṝṇāṃ tvā (…) |
(…) prāśnāti
pitṛbhyaś cā vṛścate ||

yat kṣudro bhavaty
apām eva (…) |
sa yaḥ kṣudraṃ prāśnīyād
apāṃ tvā priyeṇa (…) |
(…) prāśnāty
adbhyaś cā vṛścate ||

yac chithiro bhavati
diśām eva (…) |
sa yaḥ śithiraṃ prāśnīyād
diśāṃ tvā (…) | [see 1d
(…) prāśnāti
digbhyaś cā vṛścate ||

yad gulantī bhavati
prajāpater eva (…) |
sa yo gulantinaṃ prāśnīyāt
prajāpateṣ ṭvā (…) |
(…) prāśnāti
prajāpataye cā vṛścate ||

yac chuṣko bhavaty
ūrdhvanabhasa eva priyaṃ dhāmopaiti |
sa yaḥ śuṣkaṃ prāśnīyād
ūrdhvanabhasas tvā priyeṇa dhāmnā prāśnāmīty enaṃ prāśnīyāt |
tataś cainam anyena dhāmnā prāśnāty
ūrdhvanabhase cā vṛścate ||