Paippalāda-Saṃhitā · Chapter 15.18

apsaraso vi vo yakṛd
vi vo bhinadmi mehanam |
vi caṇḍālaṃ vy arjunaṃ
vi vavṛtraṃ bhinadmi vaḥ ||

viśvajanyāḥ pāñcajanyā
mahārukmāḥ śikhaṇḍinīḥ |
sarvā indrasya vajreṇa
hatā budbudayātavaḥ ||

andhācīm asitācīm
ulūkhalasya budhnena |
avaitaṃ vatsapaṃ jahi ||

dūrād enāḥ praty ā paśyam
āpatantīr atho divaḥ |
devānāṃ havyamohanīr
indro apsaraso hanat ||

ā hatā apa tā itaḥ
khalād iva yātudhānyaḥ |
amuṃ gacchata pūruṣaṃ
samudram apa gacchati ||

divaṃ gacchantu divyāḥ
saro gacchantu sārasīḥ |
uluṅgulasya yo guhas
tad u gacchantv āsurīḥ ||

āskandike viskandike
parācīr apa nṛtyantu |
sāraṅgeṇa śunā saha ||

yaḥ sāraṅgo hiraṇyadan
śvā divyaḥ pariplavaḥ |
tasyāhaṃ nāma jagrabha-
-asmā ariṣṭatātaye ||

adyāṃ te viraṇī
parācīr apa nṛtyata |
śṛṇāmi ghorā vaḥ pṛṣṭī
brahmaṇā kīkasā uta ||

ekatriṃśad aśvavatīś
catasra uta guṅguvaḥ |
śivā daśa śṛtā daśa
keśinīḥ pañcaviṃśatiḥ |
idam uluṅgulukābhyo
apsarābhyo 'karaṃ namaḥ ||