પૈપ્પલાદ-સંહિતા · અધ્યાય 15.18

અપ્સરસો વિ વો યકૃદ્
વિ વો ભિનદ્મિ મેહનમ્ ।
વિ ચણ્ડાલં વ્ય્ અર્જુનં
વિ વવૃત્રં ભિનદ્મિ વઃ ॥

વિશ્વજન્યાઃ પાઞ્ચજન્યા
મહારુક્માઃ શિખણ્ડિનીઃ ।
સર્વા ઇન્દ્રસ્ય વજ્રેણ
હતા બુદ્બુદયાતવઃ ॥

અન્ધાચીમ્ અસિતાચીમ્
ઉલૂખલસ્ય બુધ્નેન ।
અવૈતં વત્સપં જહિ ॥

દૂરાદ્ એનાઃ પ્રત્ય્ આ પશ્યમ્
આપતન્તીર્ અથો દિવઃ ।
દેવાનાં હવ્યમોહનીર્
ઇન્દ્રો અપ્સરસો હનત્ ॥

આ હતા અપ તા ઇતઃ
ખલાદ્ ઇવ યાતુધાન્યઃ ।
અમું ગચ્છત પૂરુષં
સમુદ્રમ્ અપ ગચ્છતિ ॥

દિવં ગચ્છન્તુ દિવ્યાઃ
સરો ગચ્છન્તુ સારસીઃ ।
ઉલુઙ્ગુલસ્ય યો ગુહસ્
તદ્ ઉ ગચ્છન્ત્વ્ આસુરીઃ ॥

આસ્કન્દિકે વિસ્કન્દિકે
પરાચીર્ અપ નૃત્યન્તુ ।
સારઙ્ગેણ શુના સહ ॥

યઃ સારઙ્ગો હિરણ્યદન્
શ્વા દિવ્યઃ પરિપ્લવઃ ।
તસ્યાહં નામ જગ્રભ-
-અસ્મા અરિષ્ટતાતયે ॥

અદ્યાં તે વિરણી
પરાચીર્ અપ નૃત્યત ।
શૃણામિ ઘોરા વઃ પૃષ્ટી
બ્રહ્મણા કીકસા ઉત ॥

એકત્રિંશદ્ અશ્વવતીશ્
ચતસ્ર ઉત ગુઙ્ગુવઃ ।
શિવા દશ શૃતા દશ
કેશિનીઃ પઞ્ચવિંશતિઃ ।
ઇદમ્ ઉલુઙ્ગુલુકાભ્યો
અપ્સરાભ્યો ઽકરં નમઃ ॥