Paippalāda-Saṃhitā · Chapter 15.17
ugreṇa ca devena ca kṣiptasya
(…) ||
mahādevena ca kṣiptasya
(…) ||
īśānena ca kṣiptasya-
-aghasyāghaviṣā ca yā |
arundhati (…) ||
yat pṛthivyāṃ viṣaṃ
vīrutsv adhi yad viṣam |
(…) ||
yad oṣadhībhyaḥ saṃbharanti
brahmāṇo menaye viṣam |
(…) ||
yad brāhmaṇāḥ saṃbharanti
tṛṣṭamāśīviṣaṃ viṣam |
(…) ||
yaḥ kṣipto mṛtyunā yasmair
yo daṣṭas tṛṣṭadaṃśmabhiḥ |
arundhati tvaṃ tasyāsi
viṣasya viṣadūṣaṇī ||
saṃ jihīṣvāmukthā yakṣmād
ārukṣo lokam uttamam |
apā jīvasi pātreṇa-
-adhi jīvapurā ihi ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0