પૈપ્પલાદ-સંહિતા · અધ્યાય 12.8

અપેતેતો અપ્સરસો
ગન્ધર્વા યત્ર વો ગૃહાઃ ।
તીક્ષ્ણશૃઙ્ગ્ય્ અરાટક્ય્
અજશૃઙ્ગી વ્ય્ ઋષતુ ॥

જાયા વેદ વો અપ્સરસો
ગન્ધર્વાઃ પતયો યૂયમ્ ।
અપ ક્રામત્ પુરુષાદ્
અમર્ત્યા મર્ત્યં મા સચધ્વમ્ ॥

ભીમા ઇન્દ્રસ્ય હેતયઃ
શતમૃષ્ટીર્ અયસ્મૈ ।
તાભિર્ ગન્ધર્વાન્ અભૈદ્યાન્
અવકાદાન્ વ્ય્ ઋષતુ ॥

અવકાદાઁ અભિશોચો
ભિત્સુ દ્યોતયમામકાન્ ।
ગન્ધર્વાન્ સર્વાન્ ઓષધે
પ્ર ણુદસ્વ પરા ણય ॥

ઉન્માદયન્તીર્ અભિશોચયન્તીર્
મુનિં નગ્નં કૃણ્વતીર્ મોઘહાસિનમ્ ।
અપ્સરસો રઘટો યાશ્ ચરન્તિ
ગન્ધર્વપત્નીર્ અજશૃઙ્ગ્ય્ આશયે ॥

શ્વેતીકૃણ્વાનઃ પુરુષં
વિશ્વા રૂપાણિ બોભુવત્ ।
શ્વેવૈકં કપિર્ ઇવૈકં
કુમારઃ સર્વકેશકઃ ।
પ્રિયો દૃશે ભૂત્વા
ગન્ધર્વઃ સચતે સ્ત્રિયં
તમ્ ઇતો નાશયામસિ ॥