Scripture Library

Paippalāda-Saṃhitā · Chapter 12.13

12.13.1

dāsapatnīr ahigopā atiṣṭhan
niruddhā āpaḥ paṇineva gāvaḥ |
apāṃ bilam apihitaṃ yad āsīd
vṛtraṃ jaghanvām̐ apa tad vavāra ||

12.13.2

aśvyo vāro abhavas tad indra
sṛke yat tvā pratyahan deva ekaḥ |
ajayo gā ajayaḥ śūra somam
avāsṛjaḥ sartave sapta sindhūn ||

12.13.3

nāsmai vidyun na tanyatuḥ śiṣedha
na yāmyaham akirad dhrāduniṃ ca
indraś ca yad yuyudhāte ahiś ca-
-utāparībhyo maghavā vi jigye ||

12.13.4

aher yātāraṃ kam apaśya indra
hṛdi yat te jaghnuṣo bhīr agacchat |
nava ca yan navatiṃ ca sravantīḥ
śyeno na bhīto ataro rajāṃsi ||

12.13.5

indro yāto 'vasitasya rājā
śamasya ca śṛṅgiṇo vajrabāhuḥ |
sed u rājā kṣayati carṣaṇīṇām
arān na nemiḥ pari tā babhūva ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0