પૈપ્પલાદ-સંહિતા · અધ્યાય 12.13

દાસપત્નીર્ અહિગોપા અતિષ્ઠન્
નિરુદ્ધા આપઃ પણિનેવ ગાવઃ ।
અપાં બિલમ્ અપિહિતં યદ્ આસીદ્
વૃત્રં જઘન્વાઁ અપ તદ્ વવાર ॥

અશ્વ્યો વારો અભવસ્ તદ્ ઇન્દ્ર
સૃકે યત્ ત્વા પ્રત્યહન્ દેવ એકઃ ।
અજયો ગા અજયઃ શૂર સોમમ્
અવાસૃજઃ સર્તવે સપ્ત સિન્ધૂન્ ॥

નાસ્મૈ વિદ્યુન્ ન તન્યતુઃ શિષેધ
ન યામ્યહમ્ અકિરદ્ ધ્રાદુનિં ચ
ઇન્દ્રશ્ ચ યદ્ યુયુધાતે અહિશ્ ચ-
-ઉતાપરીભ્યો મઘવા વિ જિગ્યે ॥

અહેર્ યાતારં કમ્ અપશ્ય ઇન્દ્ર
હૃદિ યત્ તે જઘ્નુષો ભીર્ અગચ્છત્ ।
નવ ચ યન્ નવતિં ચ સ્રવન્તીઃ
શ્યેનો ન ભીતો અતરો રજાંસિ ॥

ઇન્દ્રો યાતો ઽવસિતસ્ય રાજા
શમસ્ય ચ શૃઙ્ગિણો વજ્રબાહુઃ ।
સેદ્ ઉ રાજા ક્ષયતિ ચર્ષણીણામ્
અરાન્ ન નેમિઃ પરિ તા બભૂવ ॥