Scripture Library

Paippalāda-Saṃhitā · Chapter 1.30

1.30.1

kāmas tad agre sam avartata
manaso retaḥ prathamaṃ yad āsīt |
sa kāma kāmena bṛhatā sayonī
rāyaspoṣaṃ yajamānāya dhehi ||

1.30.2

tvaṃ kāma sahasāsi pratiṣṭhito
vibhur vibhāvā suṣakhā sakhīyate |
tvam ugraḥ pṛtanāsu sāsahiḥ
saha ojo yajamānāya dhehi ||

1.30.3

dūrāc cakamānāya
pravipāṇāyākṣaye |
āsmā aśṛṇvann āśāḥ
kāmenājanayan svaḥ ||

1.30.4

kāmena mā kāma āgan
hṛdayād dhṛdayaṃ pari |
yad amīṣām ado manas
tad aitūpa mām iha ||

1.30.5

yat kāma kāmayamānā
idaṃ kṛṇmasi te haviḥ |
tan naḥ sarvaṃ sam ṛdhyatām
athaitasya haviṣo vīhi svāhā ||

1.30.6

ka idaṃ kasmā adāt kāmaḥ kāmāyādāt |
kāmo dātā kāmaḥ pratigrahītā
kāmaḥ samudram ā viveśa |
kāmena tvā prati gṛhṇāmi kāmaitat te ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0