પૈપ્પલાદ-સંહિતા · અધ્યાય 1.30
કામસ્ તદ્ અગ્રે સમ્ અવર્તત
મનસો રેતઃ પ્રથમં યદ્ આસીત્ ।
સ કામ કામેન બૃહતા સયોની
રાયસ્પોષં યજમાનાય ધેહિ ॥
ત્વં કામ સહસાસિ પ્રતિષ્ઠિતો
વિભુર્ વિભાવા સુષખા સખીયતે ।
ત્વમ્ ઉગ્રઃ પૃતનાસુ સાસહિઃ
સહ ઓજો યજમાનાય ધેહિ ॥
દૂરાચ્ ચકમાનાય
પ્રવિપાણાયાક્ષયે ।
આસ્મા અશૃણ્વન્ન્ આશાઃ
કામેનાજનયન્ સ્વઃ ॥
કામેન મા કામ આગન્
હૃદયાદ્ ધૃદયં પરિ ।
યદ્ અમીષામ્ અદો મનસ્
તદ્ ઐતૂપ મામ્ ઇહ ॥
યત્ કામ કામયમાના
ઇદં કૃણ્મસિ તે હવિઃ ।
તન્ નઃ સર્વં સમ્ ઋધ્યતામ્
અથૈતસ્ય હવિષો વીહિ સ્વાહા ॥
ક ઇદં કસ્મા અદાત્ કામઃ કામાયાદાત્ ।
કામો દાતા કામઃ પ્રતિગ્રહીતા
કામઃ સમુદ્રમ્ આ વિવેશ ।
કામેન ત્વા પ્રતિ ગૃહ્ણામિ કામૈતત્ તે ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0