Scripture Library

Paippalāda-Saṃhitā · Chapter 1.27

1.27.1

abhayaṃ somaḥ savitā kṛṇotv
abhayaṃ dyāvāpṛthivī ubhe |
abhayaṃ svar antarikṣaṃ no astu
saptaṛṣīṇāṃ haviṣābhayaṃ no 'stu ||

1.27.2

abhayaṃ dyāvāpṛthivī ihāstu no
agnināmitrān praty oṣataṃ pratīcaḥ |
mā jñātāraṃ mā pratiṣṭhāṃ vidanta
mitho vighnānā upa yantu mṛtyum ||

1.27.3

pañca devā abhayasyeśata
indras tvaṣṭā varuṇo mitro agniḥ |
māyaṃ grāmo duritam ena ārad
anyatra rājñām abhi yātu manyuḥ ||

1.27.4

asmai grāmāya pradiśaś catasra
ūrjaṃ subhūtaṃ savitā dadhātu |
aśatrum indro abhayaṃ kṛṇotu
madhye ca viśāṃ sukṛte syāma ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0