Padma Samhita · Chapter 3.25

athātassaṃpravakṣyāmi pratiṣṭhāvidhimuttamam/
ayanaṃ cottaraṃ mukhyaṃ jaghanyaṃ dakṣiṇāyanam

sthāpanaṃ druvaberasya mukhya eva sadeṣyate/
jaṅgamasthāpane mukhye jaghanye cāpi vā bhavet

māghamāse bhādrapade pratiṣṭhaṃ māsi varjayet/
gurāvastaṃ gate śukre vyatipāte ca varjayet

saṅkrāntau durdinecaiva grahaṇe somasūryayoḥ/
pārastācca purastācca ṣoḍaśāhāni varjayet

aticāre tathā māse parvayugmayute tathā/
apraśasteṣu yogeṣu kāṇasthūṇāndhabheṣu ca

evamādiṣucānyeṣu garhiteṣu na talpayet/
rājño rāṣṭrasyacānyasya grāmasya ca gurostathā

yajamānasya dhiṣṇyasya śubheṣvanuguṇeṣu ca/
tithinakṣatra vāreṣu muhūrteṣu śubheṣu ca

prathamā ca dvitīyā ca pañcamī ca trayodaśi/
tṛtīyā saptamī ṣaṣṭhīdvādaśyaikādaśī tathā

daśamīpūrṇimāsī ca śuklapakṣe śubhāstvimāḥ/
kṛṣṇe tu pañcimīyāvattithayapsaṃprakīrtitāḥ

triṣūttareṣu revatyāmaśvinyāṃ rohiṇīṣu ca/
puṣyepunarvasau cāpi haste ca śravaṇe tathā

devasya sthāpanaṃ kuryādviṣṇorabhyudayā vaham/
some bṛhaspatiścaiva bhārgavo'tha budhastathā

ete saumyagrahāḥ proktāḥ praśastāḥ sthāpanaṃ prati/
saiṃhike yārka vārāścarikto vā sthāpane pare

rāśau tṛtīye ṣaṣṭhe vā sthitāścet śubhaśaṃsinaḥ/
dvitīye ca tṛtīye ca tathā pañcamaṣaṣṭhayoḥ

saptame navame caiva rāśau cai kādaśe punaḥ/
sthitassukhakaraścandraḥ ṣaṭsaptadaśamasthitaḥ

bhayakṛdbhārgavo jñeyaścandraḥ krūrairnirīkṣitaḥ/
atithau vānyakāleṣu na praśastaścaturmukha

bahunātra kimuktena saha mauhūrtikairguruḥ/
sthāpanaṃ devadevasya kuryātkāle'bhipūjite

prāsādasyāgrataḥ kuryādadhivāsana maṇṭapam/
prathamāvaraṇe kuryāte dvitīyāvaraṇepi vā

tṛtīyāvarṇe vāpi deśe yogyāvakāśake/
āśāsvaṣṭāsvabhimate deśe maṇṭapakalpanam

vistīrṇaṃ daśabhirhastaistāvadbhiścāyataṃ karaiḥ/
caturdikṣucaturdvāraṃ maṇḍapaṃ parikalpayet

tanmadhye pañcahastā syādvedī hasta samucchṛtā/
caturaśreṣṭakacitā kuṇḍāni paritastataḥ

devikāyāstritāle samāni viṣamāṇi vā/
caturaśraṃ caturviṃśadaṅgulaṃ bhutalaṃ khanet

vistārāyāmasadṛśaṃ paritaḥ khātabhūtalam/
dvyaṃgulaṃ tadbahiḥ kalpyaṃ mekhalātrayamaiṣṭakam

kuṇḍasya prakṛterarvāk catvāro mekhalāstu vā/
kuṇḍavrakṛtirucchrāyamaṃgulānāṃ ca viṃśatiḥ

adhastādunnatā tasya ṣoḍaśāṃgulamekhalā/
tālotsedhamitāpūrvā madhyamāṣṭāṃgulonnatā

tadandhenocchṛtā cānyā vistāraścaturaṃgulaḥ/
sarvāsāṃ sātvikī cādyā madhyamā rājasī matā

anyā ca tāmasī jñeyā tadanyā triguṇātmikā/
paścime prakṛte rūrdhveyoniḥ pañcadaśāṃgulā

āyatā mūlamārabhya vistīrṇā kramaśo bhavet/
aṅgulairdaśabhiṣṣaḍbhiścaturbhirdvyaṅgulena ca

ekena cāgre kalpyai va mekhalopari śobhanā/
yonivatsanni veśena pippalacchadavadbhavet

krameṇa nimnā pratyak‌sthā kuṇḍasyāgre niveśitā/
agreca yone rnālaṃsyāt caturaṃgulamāyatam

tryaṅgulaṃ nahanaṃ mūle mukhe caiva ṣaḍaṅgulam/
kāhalākāravatkuryādyamasya diśi vā bhavet

yoni rhotā yadi bhavedudīcīna mukhassvayam/
vinā vā juhuyādyoni mokṣāya tvarate yadi

kuṇḍamāne dvihastādau mekhalādi ca tādṛśam/
yadvaikamekhalaṃ kuṇḍaṃ kartā satvarito yadi

kuṇḍārdhaṃ koṇabhāgārdhaṃ dvayaṃ tenaiva saṃmitam/
sūtramārabhya kuṇḍasya madhyaṃ dakṣiṇato diśi

sthāpayitvā puraḥ paścātsūttārdhaṃ bhrāmayettataḥ/
arthacandravadetena kuṇḍamāviṣkṛtaṃ bhavet

kuṇḍārthādavaśiṣṭaṃ yatkoṇe tasyārdhameva ca/
kuṇḍārdhaṃ ca dvayaṃ tena saṃmitaṃ sūtramāyatam

tatkuṇḍamadhye saṃsthāpya sthāpayeddiṣu sarvataḥ/
vṛttakuṇḍaṃ bhavettena sanniviṣṭaṃ sarojavat

dalāni mekhalāsthāne kalpayedvādaśāṣṭa vā/
vibhajya pañcadhā kuṇḍaṃ bahirbhāgaṃ dvayāyatam

sūtraṃ kuṇḍasya madhye tu sthāpayitvā thapārśvayoḥ/
gamayetsūtra pā tāntaṃ trikoṇaṃ tena kalpayet

saṃvibhajyāṣṭadhā kuṇḍaṃ bhāgenai kena vardhayet/
ubhābhyāmapi bhāgabhyāṃ tasmānmadhyaṃ pragṛhya ca

lāñchayet ṣaṭsu koṇeṣu tatra ṣaṭsūtrapātalanam/
kṛtvā tatra bhavetkuṇḍaṃ ṣaṭkoṇaṃ kamalāsana// 25. 40 //
caturviṃśati bhāgaṃ tu kṛtvā kṣetraṃ puroditam/
ekabhāgaṃ bahiḥ paścāt sarvatraiva niveśayet

madhyātkoṇādgṛhītvaivaṃ paścāttaddikṣu lāñcayet/
tatastatsūtra saṃyogādaṣṭakoṇaṃ bhavet sphuṭam

pañcakoṇa vibhāgena sūtrapāto vidhīyate/
pañcādaśāṃgulaṃ sūtraṃ koṇe koṇe tu pātayet

koṇāntarāṇi kurvīta aṣṭādaśabhiraṅgulaiḥ/
sūtrayetpūrvadiksūtraṃ paṃcakoṇetu pātayet// 25. 44 //
daśāṅgulaṃ madhyamaṃ tu bhrāmayetsamasūtrakam/
daśāṃṅgulaṃ tathāyoniṃ kuryādaśvatthapatravat

yādṛgvidhaṃ bhavetkuṇḍaṃ tādṛgeva tu mekhalā/
yoniṃ kuṇḍeṣu sarveṣu kalpayetkamalāsana

yonikuṇḍena yonissyātpadmakuṇḍena paṅkajam/
padmaṃ kuṇḍeṣu sarveṣu khātamadhye prakalpayet

pūrvoktetudalasthāne arāṇi parikalpayet/
cakrakuṇṭaṃ bhavettena padmakuṇḍaṃ tadeva tu

tato'gulivaśādvadvā kuryātkuṇḍāni padmaja/
pūrvadikcāpakuṇḍaṃ ca paścime jyāṃ prakalpayet

caturviṃśāṅgulaṃ sūtraṃ vistārāyāma saṃyutam/
caturaśrasamāyuktaṃ caturaśraṃ vidhīyate

ṣaṣṭyaṅgulaṃ bhaveccāpaṃ jyātu ṣaṭtriṃśadaṃgulā/
cāpakuṇḍaṃ bhavedevaṃ dvātriṃśatvaṅgulaṃ punaḥ

pātayottriguṇe nata३ trikoṇaṃ vidyate sphuṭam/
pañcādaśāṃgulaṃ sūtraṃ madhyato bhrāmayettataḥ

vṛttakuṇḍaṃ bhavedevaṃ padmakuṇḍaṃ tadeva tu/
padmaṃ padma samākāraṃ karṇakādalasaṃyutam

yathā vṛttapramāṇaṃ hi tathā padmasya lakṣaṇam/
caturaśraṃ bhavetkuṇḍaṃ vedyāḥ prācinabhutale

kuṇḍaṃ dakṣiṇato vidyādardhacandrasamākṛti/
vṛttaṃ tu paścime deśe uttare kamalākṛti

yadvā trikoṇaṃ tatra syā ccatuṣkuṃḍaṃ prakalpayet/
indreśānāstare padmaṃ yadvā ca caturaśrakam

prākpratyakkamalaṃ kuṇḍaṃ pañcakuṃḍa vidhau bhavet/
diśyagneryonikuṃṇḍaṃ syātrikoṇaṃ tu tricakṣuṣaḥ

saptakuṇḍavidhāno'yaṃ prakāraḥ kamalāsana!
caturaśraṃ bhavetprācyāmagnerdiśi bhagākṛti

cāpākṛti yamasya syāt ṣaḍaśraṃ nirṛterbhavet/
varuṇasya bhavedvṛttaṃ pañcāśaṃ mātariśvanaḥ

trikoṇaṃ naravāhasya īśānasyāṣṭakoṇakam/
caturaśrasya kuṇḍasya prāgdeśe kamalākṛti

navakuṇḍavidau kl‌ptiriyaṃ viṣayama vahniṣu/
samavarhniṣu pūrvādi dikṣu kuṇḍaṃ kramādbhavet

caturaśraṃ tataścāpaṃ vṛttaṃ koṇatrayānvitam/
catuṣkuṇḍavidhāne syāt ṣaṭkuṇḍe tūcyate vidhiḥ

catvāri pūrvavatkṛtvā diśyagneryonikalpanam/
ṣaḍaśraṃ diśi kuṇḍaṃ syātṣaḍardhanayanasya tu

aṣṭakuṇḍe tvaṣṭadikṣu kuṇḍānyaṣṭau yathākramam/
caturaśraṃ bhagākāraṃ cāpākāraṃ ṣaḍaśrakam

vṛttaṃ pañcāśramuditaṃ trikoṇaṃ cāṣṭakoṇakam/
trīṇi trīṇi ca kuṇḍāni yadvā diṣu prakalpayet

kamalaṃ catrikoṇaṃ ca dikṣu kuṇḍasya pārśvayoḥ/
kalpayecca caturdikṣu dviṣaṭke'gnivibhirbhavet

pañcamūrti pratiṣṭhāyāṃ navāgniṃ parikalpayet/
paṃcavāsaptavā vahniṃ caturmūtau tu kalpayet

aṣṭaṣaḍvātha caturaḥ kalpayejjātavedasaḥ/
athavā dvādaśāpyargnī kalpayetkamalāsana

ekamūrtau vītihotrāḥ yugmāsyuratha vetare/
prapāyāṃ vedimathavā mahatyāṃ kamalāsana

ṣoḍaśaptambha paramāṃ prapāṃ yadvā prakalpayet/
dvārāṇi dikṣu catvāri prapāyāḥ parikalpayet

tiraskariṇyā paritaśchādayenmaṇḍapā ntaram/
snānamaṇḍapamaiśānyāṃ diśi tasya prakalpayet

snānavedī ca tatra syātprāgbhāge hastasaṃmitā/
dvihastā vā trihastā vā ha stamātrasamucchrayā

yadvā tālasamutsedhā caturśā manoharā/
digbhāge jalakulyā tu saumye nimnā manoharā

sruksravau lakṣaṇopetau homārthaṃ parikalpayet/
pālāśīṃ khādirīṃ vāpi srucaṃ yadvā'vyavṛkṣajām

yājñīyāṃ kalpayecchilpī bāhudaṇḍasamāyatām/
hemādilohajaṃ vāpi dārujāṃ vāpi bhūṣitām

dvitālasaṃmitāṃ vāpi sāṃgulāṃ kamalāsana/
trithā vidhāyatāṃ bhūyastṛtīye'mśe dvidhā kṛte

uparyaṃśaṃ punaḥ kuryāt pañcadhā caturaṃśakaiḥ/
bhavetsruco'graṃ tanmūlaṃ vistāreṇa ṣaḍaṃgulaṃ

agramekāṃgulaṃ kroḍavaktra vatparikalpayet/
paṃcāṃ śenavaśiṣṭena bhāgena galakalpanam

galaṃ dvyaṃgulaviptāramubhayostasya pārśvayoḥ/
ardhāṃgulaṃ bhavennimnaṃ vistārāyāmatatsamam

tyajedaṃśamaśeṣeṇa sūtrapātādbahiḥ sthitam/
galasyādho'vaśiṣṭāṃśo vṛttau vā caturaśrakaḥ

vistārāyāmasadṛśaṃ syādgarthaṃ tasya madhyataḥ/
vṛttaṃ tṛtīyabhāgena saṃmitaṃ śobhanākṛti

gadhāṃ vistārasadṛśaṃ gartasya parikīrtyate/
gartabhāhyaṃ tridhā kṛtvā prathame'ṣṭadalasthiti

madhyameṃśe caturdhā tu vibhajennābhimaṇḍalam/
prathame parikalpyaṃ syādambhoruha niketana

dvābhyāṃ tu madhyamāṃśābhyāṃ ṣaḍaraṃ dviguṇaṃ tu vā/
avaśiṣṭena bhāgena nemimaṇ‍ḍalakalpanam

śaṅkhāṃścaturṣu koṇeṣu caturaśra prakalpane/
yavonnatā bahiḥ kāryā mekhalā ca caturya vā

ārabhya garthamagrāntaṃ vivaraṃ sarpiṣo bhavet/
sarojavṛṣṭhasamaṃ pṛṣṭhabhāgaṃ prakalpayet

kūrmapṛṣṭhasamaṃ yadvā caturaśraṃ sapīṭhikā/
adhasthādviguṇastasya daṇḍāyāmaṃ pracakṣate

taddaṇḍamaṣṭadhā kṛtvā mūlabhāgena kalpayet/
adhastātkumbhamardhena śiṣṭenopari paṃkajam

mūlaṃ prakalpayedevaṃ padme daṇḍaḥ pratiṣṭhitaḥ/
ādhāraṃ vā vinā daṇḍo valayaistribhiraṅkitaḥ

vṛtto'thavā tadardhāśrastadagramapi paṅkajam/
tribhirvā valayairyuktaṃ nāhanaṃ cāṃgulaṃ bhavet

sruvaṃ ca hastamānaṃ syāttadagraṃ dvyaṃgulaṃ bhavet/
vāsaṃkāpuṭavadgartadvayayuktaṃ suvṛttakam

gartamardhāṃgulaṃ nimnaṃ vistīrṇaṃ cārdhamaṅgulaṃ/
aṃgulenāvaśiṣṭena parito golakalpanam

bilayoḥ pṛṣṭhabhāgetu madhyurekhā yavonnatā/
ayugmavalayaṃ kaṇṭhe yavamātronnataṃ śubham

daṇḍaṃ ca pariśiṣṭena golāṅgūlākṛtirbhavet/
mūlaṃ dvyaṃgulavistrīrṇaṃ lohajo dārujopivā

sphūṭitaṃ saktimiṃ bhinnamūrdhvaśuṣkaṃ sakoṭaram/
svayaṃ nipatitaṃ vṛkṣaṃ sruksruvārthe parityajet

svīkuryācce tpramādena bhūyān doṣaḥ prasajyate/
dvāreṣu maṇ‍ḍapasya syāttoraṇānāṃ catuṣṭayam

aśvattho dumbharavaṭaklakṣaiḥ prāgādi toraṇāḥ/
e kenavā yathoktenaalābhecandanadrumaḥ

saptahastāyatāḥ pādāḥ pañcahastāyatāpi vā/
ayugmairāyatāḥ pādāḥ hastenārdhena paṭṭikā

trīṇi trīṇi ca śūlāni tolaṇaṃ tolaraṇaṃ prati/
śūlāni ca dvitālāni nahaścāṣṭāṃgulo bhavet

paṭṭikā pādanahanaṃ dvāviṃśatyaṃgulaṃ bhavet/
vṛttānvā caturaśrānvā pādāṃśca parikalpayet

kalaśaṃ dakṣiṇāvartaṃ śaṅkhaṃ cakraṃ dhvajaṃ tathā/
paṭahaṃ kārmukaṃ nāgaṃ teṣu pādeṣu kalpayet

kārayenmaṅgalānyaṣṭau phalakeṣu yathātatham/
lohajeṣvathavā yajñavṛkṣajeṣu yathāvasu

dvāviṃśatyaṃgulāyāmaṃ tadardhena ca vistṛtam/
phalakaṃ dvyaṃgulaghanaṃ piṭhe piṭhe pratiṣṭhitam

phalake ṣu likhettatra śrīvatsādyaṣṭamaṅgulam/
śrīvatsaṃ pūrṇakumbhaṃ ca bherīṃ darpaṇamaṇḍalam

matsyayugmaṃ ca śaṅkhaṃ ca cakraṃ kāśyapanandanam/
padmāsanasthitaṃ saumyaṃ dvādaśāṃgulamāyatam

tattadrūpānusāreṇa vistīrṇaṃ pārśvayordvayoḥ/
pradīpaṃ cāmaraṃ mūrdhna chatraṃ ca parikalpayet

bimbapramāṇānuguṇaṃ snānapīṭhamudumbaram/
dṛṅmokṣapīṭhaṃ ca tathā jalādhi vasanasya ca

pīṭhaṃ bimbhanuguṇyena kalpayedavicārayan/
ṛtvijāṃ ca tathāpīṭhamācāryasya ca kalpayet

pātuke pādasaduśe yajñavṛkṣeṇa kalpayet/
upakumbhaṃ ca kalaśaṃ karakaṃ maṇikaṃ tathā

dīpastambhān ghṛtādīni snāna dravyāṇyaśeṣataḥ/
candanāni sugandhāni vastrāṇi vividhāni ca

samitpuṣpakuśādīni dhyānyāni vividhāni ca/
suvarṇa ratnalohāni gāssavatsā manoharāḥ

sambhārānevamanyāṃśca sambhṛtyāvyagramānasaḥ/
ārabheta yathāśāstraṃ pratiṣṭhāṃ deśikottamaḥ