પદ્મસંહિતા · અધ્યાય 3.25

અથાતસ્સંપ્રવક્ષ્યામિ પ્રતિષ્ઠાવિધિમુત્તમમ્।
અયનં ચોત્તરં મુખ્યં જઘન્યં દક્ષિણાયનમ્

સ્થાપનં દ્રુવબેરસ્ય મુખ્ય એવ સદેષ્યતે।
જઙ્ગમસ્થાપને મુખ્યે જઘન્યે ચાપિ વા ભવેત્

માઘમાસે ભાદ્રપદે પ્રતિષ્ઠં માસિ વર્જયેત્।
ગુરાવસ્તં ગતે શુક્રે વ્યતિપાતે ચ વર્જયેત્

સઙ્ક્રાન્તૌ દુર્દિનેચૈવ ગ્રહણે સોમસૂર્યયોઃ।
પારસ્તાચ્ચ પુરસ્તાચ્ચ ષોડશાહાનિ વર્જયેત્

અતિચારે તથા માસે પર્વયુગ્મયુતે તથા।
અપ્રશસ્તેષુ યોગેષુ કાણસ્થૂણાન્ધભેષુ ચ

એવમાદિષુચાન્યેષુ ગર્હિતેષુ ન તલ્પયેત્।
રાજ્ઞો રાષ્ટ્રસ્યચાન્યસ્ય ગ્રામસ્ય ચ ગુરોસ્તથા

યજમાનસ્ય ધિષ્ણ્યસ્ય શુભેષ્વનુગુણેષુ ચ।
તિથિનક્ષત્ર વારેષુ મુહૂર્તેષુ શુભેષુ ચ

પ્રથમા ચ દ્વિતીયા ચ પઞ્ચમી ચ ત્રયોદશિ।
તૃતીયા સપ્તમી ષષ્ઠીદ્વાદશ્યૈકાદશી તથા

દશમીપૂર્ણિમાસી ચ શુક્લપક્ષે શુભાસ્ત્વિમાઃ।
કૃષ્ણે તુ પઞ્ચિમીયાવત્તિથયપ્સંપ્રકીર્તિતાઃ

ત્રિષૂત્તરેષુ રેવત્યામશ્વિન્યાં રોહિણીષુ ચ।
પુષ્યેપુનર્વસૌ ચાપિ હસ્તે ચ શ્રવણે તથા

દેવસ્ય સ્થાપનં કુર્યાદ્વિષ્ણોરભ્યુદયા વહમ્।
સોમે બૃહસ્પતિશ્ચૈવ ભાર્ગવોઽથ બુધસ્તથા

એતે સૌમ્યગ્રહાઃ પ્રોક્તાઃ પ્રશસ્તાઃ સ્થાપનં પ્રતિ।
સૈંહિકે યાર્ક વારાશ્ચરિક્તો વા સ્થાપને પરે

રાશૌ તૃતીયે ષષ્ઠે વા સ્થિતાશ્ચેત્ શુભશંસિનઃ।
દ્વિતીયે ચ તૃતીયે ચ તથા પઞ્ચમષષ્ઠયોઃ

સપ્તમે નવમે ચૈવ રાશૌ ચૈ કાદશે પુનઃ।
સ્થિતસ્સુખકરશ્ચન્દ્રઃ ષટ્સપ્તદશમસ્થિતઃ

ભયકૃદ્ભાર્ગવો જ્ઞેયશ્ચન્દ્રઃ ક્રૂરૈર્નિરીક્ષિતઃ।
અતિથૌ વાન્યકાલેષુ ન પ્રશસ્તશ્ચતુર્મુખ

બહુનાત્ર કિમુક્તેન સહ મૌહૂર્તિકૈર્ગુરુઃ।
સ્થાપનં દેવદેવસ્ય કુર્યાત્કાલેઽભિપૂજિતે

પ્રાસાદસ્યાગ્રતઃ કુર્યાદધિવાસન મણ્ટપમ્।
પ્રથમાવરણે કુર્યાતે દ્વિતીયાવરણેપિ વા

તૃતીયાવર્ણે વાપિ દેશે યોગ્યાવકાશકે।
આશાસ્વષ્ટાસ્વભિમતે દેશે મણ્ટપકલ્પનમ્

વિસ્તીર્ણં દશભિર્હસ્તૈસ્તાવદ્ભિશ્ચાયતં કરૈઃ।
ચતુર્દિક્ષુચતુર્દ્વારં મણ્ડપં પરિકલ્પયેત્

તન્મધ્યે પઞ્ચહસ્તા સ્યાદ્વેદી હસ્ત સમુચ્છૃતા।
ચતુરશ્રેષ્ટકચિતા કુણ્ડાનિ પરિતસ્તતઃ

દેવિકાયાસ્ત્રિતાલે સમાનિ વિષમાણિ વા।
ચતુરશ્રં ચતુર્વિંશદઙ્ગુલં ભુતલં ખનેત્

વિસ્તારાયામસદૃશં પરિતઃ ખાતભૂતલમ્।
દ્વ્યંગુલં તદ્બહિઃ કલ્પ્યં મેખલાત્રયમૈષ્ટકમ્

કુણ્ડસ્ય પ્રકૃતેરર્વાક્ ચત્વારો મેખલાસ્તુ વા।
કુણ્ડવ્રકૃતિરુચ્છ્રાયમંગુલાનાં ચ વિંશતિઃ

અધસ્તાદુન્નતા તસ્ય ષોડશાંગુલમેખલા।
તાલોત્સેધમિતાપૂર્વા મધ્યમાષ્ટાંગુલોન્નતા

તદન્ધેનોચ્છૃતા ચાન્યા વિસ્તારશ્ચતુરંગુલઃ।
સર્વાસાં સાત્વિકી ચાદ્યા મધ્યમા રાજસી મતા

અન્યા ચ તામસી જ્ઞેયા તદન્યા ત્રિગુણાત્મિકા।
પશ્ચિમે પ્રકૃતે રૂર્ધ્વેયોનિઃ પઞ્ચદશાંગુલા

આયતા મૂલમારભ્ય વિસ્તીર્ણા ક્રમશો ભવેત્।
અઙ્ગુલૈર્દશભિષ્ષડ્ભિશ્ચતુર્ભિર્દ્વ્યઙ્ગુલેન ચ

એકેન ચાગ્રે કલ્પ્યૈ વ મેખલોપરિ શોભના।
યોનિવત્સન્નિ વેશેન પિપ્પલચ્છદવદ્ભવેત્

ક્રમેણ નિમ્ના પ્રત્યક્‌સ્થા કુણ્ડસ્યાગ્રે નિવેશિતા।
અગ્રેચ યોને ર્નાલંસ્યાત્ ચતુરંગુલમાયતમ્

ત્ર્યઙ્ગુલં નહનં મૂલે મુખે ચૈવ ષડઙ્ગુલમ્।
કાહલાકારવત્કુર્યાદ્યમસ્ય દિશિ વા ભવેત્

યોનિ ર્હોતા યદિ ભવેદુદીચીન મુખસ્સ્વયમ્।
વિના વા જુહુયાદ્યોનિ મોક્ષાય ત્વરતે યદિ

કુણ્ડમાને દ્વિહસ્તાદૌ મેખલાદિ ચ તાદૃશમ્।
યદ્વૈકમેખલં કુણ્ડં કર્તા સત્વરિતો યદિ

કુણ્ડાર્ધં કોણભાગાર્ધં દ્વયં તેનૈવ સંમિતમ્।
સૂત્રમારભ્ય કુણ્ડસ્ય મધ્યં દક્ષિણતો દિશિ

સ્થાપયિત્વા પુરઃ પશ્ચાત્સૂત્તાર્ધં ભ્રામયેત્તતઃ।
અર્થચન્દ્રવદેતેન કુણ્ડમાવિષ્કૃતં ભવેત્

કુણ્ડાર્થાદવશિષ્ટં યત્કોણે તસ્યાર્ધમેવ ચ।
કુણ્ડાર્ધં ચ દ્વયં તેન સંમિતં સૂત્રમાયતમ્

તત્કુણ્ડમધ્યે સંસ્થાપ્ય સ્થાપયેદ્દિષુ સર્વતઃ।
વૃત્તકુણ્ડં ભવેત્તેન સન્નિવિષ્ટં સરોજવત્

દલાનિ મેખલાસ્થાને કલ્પયેદ્વાદશાષ્ટ વા।
વિભજ્ય પઞ્ચધા કુણ્ડં બહિર્ભાગં દ્વયાયતમ્

સૂત્રં કુણ્ડસ્ય મધ્યે તુ સ્થાપયિત્વા થપાર્શ્વયોઃ।
ગમયેત્સૂત્ર પા તાન્તં ત્રિકોણં તેન કલ્પયેત્

સંવિભજ્યાષ્ટધા કુણ્ડં ભાગેનૈ કેન વર્ધયેત્।
ઉભાભ્યામપિ ભાગભ્યાં તસ્માન્મધ્યં પ્રગૃહ્ય ચ

લાઞ્છયેત્ ષટ્સુ કોણેષુ તત્ર ષટ્સૂત્રપાતલનમ્।
કૃત્વા તત્ર ભવેત્કુણ્ડં ષટ્કોણં કમલાસન॥ 25. 40 ॥
ચતુર્વિંશતિ ભાગં તુ કૃત્વા ક્ષેત્રં પુરોદિતમ્।
એકભાગં બહિઃ પશ્ચાત્ સર્વત્રૈવ નિવેશયેત્

મધ્યાત્કોણાદ્ગૃહીત્વૈવં પશ્ચાત્તદ્દિક્ષુ લાઞ્ચયેત્।
તતસ્તત્સૂત્ર સંયોગાદષ્ટકોણં ભવેત્ સ્ફુટમ્

પઞ્ચકોણ વિભાગેન સૂત્રપાતો વિધીયતે।
પઞ્ચાદશાંગુલં સૂત્રં કોણે કોણે તુ પાતયેત્

કોણાન્તરાણિ કુર્વીત અષ્ટાદશભિરઙ્ગુલૈઃ।
સૂત્રયેત્પૂર્વદિક્સૂત્રં પંચકોણેતુ પાતયેત્॥ 25. 44 ॥
દશાઙ્ગુલં મધ્યમં તુ ભ્રામયેત્સમસૂત્રકમ્।
દશાંઙ્ગુલં તથાયોનિં કુર્યાદશ્વત્થપત્રવત્

યાદૃગ્વિધં ભવેત્કુણ્ડં તાદૃગેવ તુ મેખલા।
યોનિં કુણ્ડેષુ સર્વેષુ કલ્પયેત્કમલાસન

યોનિકુણ્ડેન યોનિસ્સ્યાત્પદ્મકુણ્ડેન પઙ્કજમ્।
પદ્મં કુણ્ડેષુ સર્વેષુ ખાતમધ્યે પ્રકલ્પયેત્

પૂર્વોક્તેતુદલસ્થાને અરાણિ પરિકલ્પયેત્।
ચક્રકુણ્ટં ભવેત્તેન પદ્મકુણ્ડં તદેવ તુ

તતોઽગુલિવશાદ્વદ્વા કુર્યાત્કુણ્ડાનિ પદ્મજ।
પૂર્વદિક્ચાપકુણ્ડં ચ પશ્ચિમે જ્યાં પ્રકલ્પયેત્

ચતુર્વિંશાઙ્ગુલં સૂત્રં વિસ્તારાયામ સંયુતમ્।
ચતુરશ્રસમાયુક્તં ચતુરશ્રં વિધીયતે

ષષ્ટ્યઙ્ગુલં ભવેચ્ચાપં જ્યાતુ ષટ્ત્રિંશદંગુલા।
ચાપકુણ્ડં ભવેદેવં દ્વાત્રિંશત્વઙ્ગુલં પુનઃ

પાતયોત્ત્રિગુણે નત૩ ત્રિકોણં વિદ્યતે સ્ફુટમ્।
પઞ્ચાદશાંગુલં સૂત્રં મધ્યતો ભ્રામયેત્તતઃ

વૃત્તકુણ્ડં ભવેદેવં પદ્મકુણ્ડં તદેવ તુ।
પદ્મં પદ્મ સમાકારં કર્ણકાદલસંયુતમ્

યથા વૃત્તપ્રમાણં હિ તથા પદ્મસ્ય લક્ષણમ્।
ચતુરશ્રં ભવેત્કુણ્ડં વેદ્યાઃ પ્રાચિનભુતલે

કુણ્ડં દક્ષિણતો વિદ્યાદર્ધચન્દ્રસમાકૃતિ।
વૃત્તં તુ પશ્ચિમે દેશે ઉત્તરે કમલાકૃતિ

યદ્વા ત્રિકોણં તત્ર સ્યા ચ્ચતુષ્કુંડં પ્રકલ્પયેત્।
ઇન્દ્રેશાનાસ્તરે પદ્મં યદ્વા ચ ચતુરશ્રકમ્

પ્રાક્પ્રત્યક્કમલં કુણ્ડં પઞ્ચકુંડ વિધૌ ભવેત્।
દિશ્યગ્નેર્યોનિકુંણ્ડં સ્યાત્રિકોણં તુ ત્રિચક્ષુષઃ

સપ્તકુણ્ડવિધાનોઽયં પ્રકારઃ કમલાસન!
ચતુરશ્રં ભવેત્પ્રાચ્યામગ્નેર્દિશિ ભગાકૃતિ

ચાપાકૃતિ યમસ્ય સ્યાત્ ષડશ્રં નિરૃતેર્ભવેત્।
વરુણસ્ય ભવેદ્વૃત્તં પઞ્ચાશં માતરિશ્વનઃ

ત્રિકોણં નરવાહસ્ય ઈશાનસ્યાષ્ટકોણકમ્।
ચતુરશ્રસ્ય કુણ્ડસ્ય પ્રાગ્દેશે કમલાકૃતિ

નવકુણ્ડવિદૌ ક્લ્‌પ્તિરિયં વિષયમ વહ્નિષુ।
સમવર્હ્નિષુ પૂર્વાદિ દિક્ષુ કુણ્ડં ક્રમાદ્ભવેત્

ચતુરશ્રં તતશ્ચાપં વૃત્તં કોણત્રયાન્વિતમ્।
ચતુષ્કુણ્ડવિધાને સ્યાત્ ષટ્કુણ્ડે તૂચ્યતે વિધિઃ

ચત્વારિ પૂર્વવત્કૃત્વા દિશ્યગ્નેર્યોનિકલ્પનમ્।
ષડશ્રં દિશિ કુણ્ડં સ્યાત્ષડર્ધનયનસ્ય તુ

અષ્ટકુણ્ડે ત્વષ્ટદિક્ષુ કુણ્ડાન્યષ્ટૌ યથાક્રમમ્।
ચતુરશ્રં ભગાકારં ચાપાકારં ષડશ્રકમ્

વૃત્તં પઞ્ચાશ્રમુદિતં ત્રિકોણં ચાષ્ટકોણકમ્।
ત્રીણિ ત્રીણિ ચ કુણ્ડાનિ યદ્વા દિષુ પ્રકલ્પયેત્

કમલં ચત્રિકોણં ચ દિક્ષુ કુણ્ડસ્ય પાર્શ્વયોઃ।
કલ્પયેચ્ચ ચતુર્દિક્ષુ દ્વિષટ્કેઽગ્નિવિભિર્ભવેત્

પઞ્ચમૂર્તિ પ્રતિષ્ઠાયાં નવાગ્નિં પરિકલ્પયેત્।
પંચવાસપ્તવા વહ્નિં ચતુર્મૂતૌ તુ કલ્પયેત્

અષ્ટષડ્વાથ ચતુરઃ કલ્પયેજ્જાતવેદસઃ।
અથવા દ્વાદશાપ્યર્ગ્ની કલ્પયેત્કમલાસન

એકમૂર્તૌ વીતિહોત્રાઃ યુગ્માસ્યુરથ વેતરે।
પ્રપાયાં વેદિમથવા મહત્યાં કમલાસન

ષોડશપ્તમ્ભ પરમાં પ્રપાં યદ્વા પ્રકલ્પયેત્।
દ્વારાણિ દિક્ષુ ચત્વારિ પ્રપાયાઃ પરિકલ્પયેત્

તિરસ્કરિણ્યા પરિતશ્છાદયેન્મણ્ડપા ન્તરમ્।
સ્નાનમણ્ડપમૈશાન્યાં દિશિ તસ્ય પ્રકલ્પયેત્

સ્નાનવેદી ચ તત્ર સ્યાત્પ્રાગ્ભાગે હસ્તસંમિતા।
દ્વિહસ્તા વા ત્રિહસ્તા વા હ સ્તમાત્રસમુચ્છ્રયા

યદ્વા તાલસમુત્સેધા ચતુર્શા મનોહરા।
દિગ્ભાગે જલકુલ્યા તુ સૌમ્યે નિમ્ના મનોહરા

સ્રુક્સ્રવૌ લક્ષણોપેતૌ હોમાર્થં પરિકલ્પયેત્।
પાલાશીં ખાદિરીં વાપિ સ્રુચં યદ્વાઽવ્યવૃક્ષજામ્

યાજ્ઞીયાં કલ્પયેચ્છિલ્પી બાહુદણ્ડસમાયતામ્।
હેમાદિલોહજં વાપિ દારુજાં વાપિ ભૂષિતામ્

દ્વિતાલસંમિતાં વાપિ સાંગુલાં કમલાસન।
ત્રિથા વિધાયતાં ભૂયસ્તૃતીયેઽમ્શે દ્વિધા કૃતે

ઉપર્યંશં પુનઃ કુર્યાત્ પઞ્ચધા ચતુરંશકૈઃ।
ભવેત્સ્રુચોઽગ્રં તન્મૂલં વિસ્તારેણ ષડંગુલં

અગ્રમેકાંગુલં ક્રોડવક્ત્ર વત્પરિકલ્પયેત્।
પંચાં શેનવશિષ્ટેન ભાગેન ગલકલ્પનમ્

ગલં દ્વ્યંગુલવિપ્તારમુભયોસ્તસ્ય પાર્શ્વયોઃ।
અર્ધાંગુલં ભવેન્નિમ્નં વિસ્તારાયામતત્સમમ્

ત્યજેદંશમશેષેણ સૂત્રપાતાદ્બહિઃ સ્થિતમ્।
ગલસ્યાધોઽવશિષ્ટાંશો વૃત્તૌ વા ચતુરશ્રકઃ

વિસ્તારાયામસદૃશં સ્યાદ્ગર્થં તસ્ય મધ્યતઃ।
વૃત્તં તૃતીયભાગેન સંમિતં શોભનાકૃતિ

ગધાં વિસ્તારસદૃશં ગર્તસ્ય પરિકીર્ત્યતે।
ગર્તભાહ્યં ત્રિધા કૃત્વા પ્રથમેઽષ્ટદલસ્થિતિ

મધ્યમેંશે ચતુર્ધા તુ વિભજેન્નાભિમણ્ડલમ્।
પ્રથમે પરિકલ્પ્યં સ્યાદમ્ભોરુહ નિકેતન

દ્વાભ્યાં તુ મધ્યમાંશાભ્યાં ષડરં દ્વિગુણં તુ વા।
અવશિષ્ટેન ભાગેન નેમિમણ્‍ડલકલ્પનમ્

શઙ્ખાંશ્ચતુર્ષુ કોણેષુ ચતુરશ્ર પ્રકલ્પને।
યવોન્નતા બહિઃ કાર્યા મેખલા ચ ચતુર્ય વા

આરભ્ય ગર્થમગ્રાન્તં વિવરં સર્પિષો ભવેત્।
સરોજવૃષ્ઠસમં પૃષ્ઠભાગં પ્રકલ્પયેત્

કૂર્મપૃષ્ઠસમં યદ્વા ચતુરશ્રં સપીઠિકા।
અધસ્થાદ્વિગુણસ્તસ્ય દણ્ડાયામં પ્રચક્ષતે

તદ્દણ્ડમષ્ટધા કૃત્વા મૂલભાગેન કલ્પયેત્।
અધસ્તાત્કુમ્ભમર્ધેન શિષ્ટેનોપરિ પંકજમ્

મૂલં પ્રકલ્પયેદેવં પદ્મે દણ્ડઃ પ્રતિષ્ઠિતઃ।
આધારં વા વિના દણ્ડો વલયૈસ્ત્રિભિરઙ્કિતઃ

વૃત્તોઽથવા તદર્ધાશ્રસ્તદગ્રમપિ પઙ્કજમ્।
ત્રિભિર્વા વલયૈર્યુક્તં નાહનં ચાંગુલં ભવેત્

સ્રુવં ચ હસ્તમાનં સ્યાત્તદગ્રં દ્વ્યંગુલં ભવેત્।
વાસંકાપુટવદ્ગર્તદ્વયયુક્તં સુવૃત્તકમ્

ગર્તમર્ધાંગુલં નિમ્નં વિસ્તીર્ણં ચાર્ધમઙ્ગુલં।
અંગુલેનાવશિષ્ટેન પરિતો ગોલકલ્પનમ્

બિલયોઃ પૃષ્ઠભાગેતુ મધ્યુરેખા યવોન્નતા।
અયુગ્મવલયં કણ્ઠે યવમાત્રોન્નતં શુભમ્

દણ્ડં ચ પરિશિષ્ટેન ગોલાઙ્ગૂલાકૃતિર્ભવેત્।
મૂલં દ્વ્યંગુલવિસ્ત્રીર્ણં લોહજો દારુજોપિવા

સ્ફૂટિતં સક્તિમિં ભિન્નમૂર્ધ્વશુષ્કં સકોટરમ્।
સ્વયં નિપતિતં વૃક્ષં સ્રુક્સ્રુવાર્થે પરિત્યજેત્

સ્વીકુર્યાચ્ચે ત્પ્રમાદેન ભૂયાન્ દોષઃ પ્રસજ્યતે।
દ્વારેષુ મણ્‍ડપસ્ય સ્યાત્તોરણાનાં ચતુષ્ટયમ્

અશ્વત્થો દુમ્ભરવટક્લક્ષૈઃ પ્રાગાદિ તોરણાઃ।
એ કેનવા યથોક્તેનઅલાભેચન્દનદ્રુમઃ

સપ્તહસ્તાયતાઃ પાદાઃ પઞ્ચહસ્તાયતાપિ વા।
અયુગ્મૈરાયતાઃ પાદાઃ હસ્તેનાર્ધેન પટ્ટિકા

ત્રીણિ ત્રીણિ ચ શૂલાનિ તોલણં તોલરણં પ્રતિ।
શૂલાનિ ચ દ્વિતાલાનિ નહશ્ચાષ્ટાંગુલો ભવેત્

પટ્ટિકા પાદનહનં દ્વાવિંશત્યંગુલં ભવેત્।
વૃત્તાન્વા ચતુરશ્રાન્વા પાદાંશ્ચ પરિકલ્પયેત્

કલશં દક્ષિણાવર્તં શઙ્ખં ચક્રં ધ્વજં તથા।
પટહં કાર્મુકં નાગં તેષુ પાદેષુ કલ્પયેત્

કારયેન્મઙ્ગલાન્યષ્ટૌ ફલકેષુ યથાતથમ્।
લોહજેષ્વથવા યજ્ઞવૃક્ષજેષુ યથાવસુ

દ્વાવિંશત્યંગુલાયામં તદર્ધેન ચ વિસ્તૃતમ્।
ફલકં દ્વ્યંગુલઘનં પિઠે પિઠે પ્રતિષ્ઠિતમ્

ફલકે ષુ લિખેત્તત્ર શ્રીવત્સાદ્યષ્ટમઙ્ગુલમ્।
શ્રીવત્સં પૂર્ણકુમ્ભં ચ ભેરીં દર્પણમણ્ડલમ્

મત્સ્યયુગ્મં ચ શઙ્ખં ચ ચક્રં કાશ્યપનન્દનમ્।
પદ્માસનસ્થિતં સૌમ્યં દ્વાદશાંગુલમાયતમ્

તત્તદ્રૂપાનુસારેણ વિસ્તીર્ણં પાર્શ્વયોર્દ્વયોઃ।
પ્રદીપં ચામરં મૂર્ધ્ન છત્રં ચ પરિકલ્પયેત્

બિમ્બપ્રમાણાનુગુણં સ્નાનપીઠમુદુમ્બરમ્।
દૃઙ્મોક્ષપીઠં ચ તથા જલાધિ વસનસ્ય ચ

પીઠં બિમ્ભનુગુણ્યેન કલ્પયેદવિચારયન્।
ઋત્વિજાં ચ તથાપીઠમાચાર્યસ્ય ચ કલ્પયેત્

પાતુકે પાદસદુશે યજ્ઞવૃક્ષેણ કલ્પયેત્।
ઉપકુમ્ભં ચ કલશં કરકં મણિકં તથા

દીપસ્તમ્ભાન્ ઘૃતાદીનિ સ્નાન દ્રવ્યાણ્યશેષતઃ।
ચન્દનાનિ સુગન્ધાનિ વસ્ત્રાણિ વિવિધાનિ ચ

સમિત્પુષ્પકુશાદીનિ ધ્યાન્યાનિ વિવિધાનિ ચ।
સુવર્ણ રત્નલોહાનિ ગાસ્સવત્સા મનોહરાઃ

સમ્ભારાનેવમન્યાંશ્ચ સમ્ભૃત્યાવ્યગ્રમાનસઃ।
આરભેત યથાશાસ્ત્રં પ્રતિષ્ઠાં દેશિકોત્તમઃ