Padma Purana · Verses 7-2

atha pādmapurāṇasthakriyāyogasārakhaṇḍasthaviṣayānukramaṇikā /
१ - sūtaśaunakasaṃvāde kalikālīnalokoddidhīrṣayā praśne jaiminivyāsasaṃvādavarṇanam, vyāsena jaiminaye kriyāyogasāravarṇanopakramavarṇanama/ ślo०

२-- bhagavadraktivarṇane sṛṣṭyādivarṇanam brahmakṛtaviṣṇustutiḥ, bhagavatā brahmaṇe vaiṣṇavalakṣaṇakathanam/ ślo०

३-- gaṃgādvāramāhātmyavarṇane manobhadrarājaputrayorvṛttāṃtavarṇanam, tatra gṛdhreṇāgatya tayoḥ pūrvajanmavṛttāṃtavarṇanam/ ślo०

४- prayāgamāhātmyaṃ praṇidhivaiśyavṛttāṃtavarṇanam, tatra dhanapraśaṃsā, praṇidhivaiśyabhāryā prāptikāmasya kasyacicchvapacasya prayāge snānātpraṇidhivaiśyarūpāvāptiḥ, viṣṇo rājñayā padmāvatyā ekākārapatidvayena saha ṣaikuṃṭhagamanam, tatra padmāvatīviṣṇudūta saṃvāde bṛhaddhvajarāśasabhīmakeśarājapatnyorvṛttāṃtaḥ/ ślo० ११४// /
५-- vikramarājaputramādhavavṛttāṃtavarṇanam, mādhavasya mṛgayārthaṃ vane gatasya caṃdrakalādarśanam, caṃdrakalayā plakṣadvīpasya guṇākararājaputrī sulocanāvṛttāṃtavarṇanam, caṃdrakalāvacanānmādhavasya śreṣṭhahayamāruhya jaladhimullaṃghya plakṣadvīpaṃ gatvā tatra gaṃdhinīgṛhe'vasthitikaraṇam, mālāpuṣpeṣu nijakāryaṃ vilikhya gaṃdhinīdvārā sulocanāyai sāṃgulīyamālāpreṣaṇam, sulocanayārājaputravṛttāṃtaṃ paṭhitvā svaprāptisaṃketaṃ vilikhya preṣaṇam, snānavyājena gaṃdhinīgṛhamāgatya tatra mādhavadarśanam, sulocanāyā yakṣaprada kṣiṇāsaṃketakāle mādhavasya nidrāprāptiḥ, praceṣṭena tayoḥ saṃketaṃ vijñāya tasminkāle tasyāḥ sulocanāyā haraṇam sulocanayā praceṣṭaṃ prati vacanena vaṃcanam, praceṣṭasya tatkarakaṃkaṇaṃ gṛhītyā svagṛhaṃ prati gamanam, sulocanāyā gaṃgāsāgarasaṃgame gamanam, tatra suṣeṇarājasabhāyāṃ puruṣaveṣaṃ vidhāya sulocanāyā gamanam, tatra vīravaranāmnā prasiddhikaraṇapūrvakaṃ tasya sevākaraṇavarṇanam ślo० २०४ // /
६- tatra vīravareṇa bhīmanādanāmakagaṃḍakanāśanam, gaṃḍakasya gaṃgāsāgaratīrthe dehāpātāddivyarūpāvāptiḥ, vīravarapṛṣṭena gaṃḍakena svakīyapūrvajanmavṛttāṃtaṃ varṇayitvā svargamanam, rājñā suṣeṇena vīravareṇa gaṃḍako hata iti śrutvā tasmai ja-yantīnāma svakanyādānam, jayaṃtyā saha vīravaraveṣadhāriṇyāḥ sulocanāyāstapaḥkaraṇam, gaṃgāyāṃ tanutyāgodyatasya praceṣṭasya vīravarājñayā kārāyāṃ sthāpanam, guṇākareṇa rājñākanyāharaṇaṃ dṛṣṭvā tatkṛte śokakaraṇama, vidyādharasya sulocanāprāptaye gaṃgābdhisaṃgame tanutyāgodyatasya vīravareṇa nivāraṇama, tasya tatraiva sthitiḥ, mādhavasya nidrotthitasya śokapūrvakaṃ tadarthaṃ gaṃgāsāgarasaṃgame tanutyāgodyatasya-vīravareṇa saha saṃbhāṣaṇama, paścāttaṃ prati tanutyāgānnivartyāṃtaḥpuraṃ gatvā strīveṣaṃ vidhā-yātmano darśanam, mādhavena tayā saha gāṃdharvavivāhakaraṇam, tena saha sulocanāyāḥ suṣeṇasabhāṃ prati gamanam, suṣeṇena mādhavāya vivāhavidhinā jayaṃtīkanyādānam, tatra mādhavasya kiṃcitkālaṃ sthitiḥ, praceṣṭasya doṣaṃ vicārya nirasanam, mādhavasya sāṃsārikabhogānupabhujya virāgotpattau viśvakarmataḥ śilāmayīṃ vi-pṇumūrtiṃ nirmāya tadbhaktikaraṇam, mādhavakṛtaviṣṇustutivarṇanama, mādhavasya mokṣa-prāptivarṇanam/ ślo०

७-- gaṃgāmāhātmyavarṇane dharmasvabrāhmaṇavṛttātavarṇanam, tatra dharmasvena gaṃgājalaṃ gṛhītvā pathi gacchatā balīvardaviṣāṇavidāritasya kālakalpasya maraṇaṃ dṛṣṭvā tasyopari gaṃgājalasecanam, agre gatvā yamadūtanirīkṣaṇam, taiḥ saha dharmasvasya saṃvādaḥ, yamadūtairnijavṛttāṃtanivedanam, viṣṇudūtasaṃvādavarṇanapūrvakagaṃgāmāhātmyavarṇanam, dharmasvena gaṃgāstotrakaraṇam, gaṃgayāvirbhūya dharmasvāya varapradānam, dharmasvasya mokṣaprāptiḥ/ ślo०

८- gaṃgāmāhātmyavarṇane śakrapriyāyā padmagaṃdhāyā vṛttāṃtavarṇanam, gaṃgāyāmasthipatanāttasyāḥ śakrapriyatvakathanam/ ślo०

९-- gaṃgāmāhātmyavarṇane yātrāvidhivarṇanam, tatra satyadharmarājavijayārājñyorvṛttāṃtavarṇanam, tayorbhekatvaprāptau sarpeṇa bhakṣaṇepi gaṃgānāmagrahaṇamātreṇa muktivarṇanam/ ślo०

१०-- viṣṇupūjāmāhātmyavarṇanam, tatra pūjāvidhānavarṇanam, tatrāryāvartasthasuvarṇabhūpacaritravarṇanam, veśyādattaṃbhūpataccaṃpakapuṣpaṃ nirīkṣyeśvarārpaṇabuddhyā vimuṃcataḥ maraṇasamaye viṣṇudūtaiḥ suvarṇasya vaikuṃṭhaṃ pratinayanam/ ślo०

११-- vipṇupūjāvidhivarṇanam/ ślo०

१२-- phālgunādivaiśākhāṃtamāseṣu śrīkṛṣṇapūjāvidhimāhātmyavarṇanam, aśvatthamāhātmyavarṇane dhanaṃjayanāmabrāhmaṇavṛttāṃtavarṇanam/ ślo०

१३- jyeṣṭhādikārtikāṃtamāseṣu bhagavatpūjāvidhimāhātmyavarṇanam, kārtike padmapuṣpamāhātmyavarṇane prajānāmakabrāhmaṇavṛttāṃtavarṇanam/ ślo०

१४-- mārgaśīrṣādimāghāṃtamāseṣu bhagavatpūjāvidhimāhātmyavarṇanam/ ślo०

१५-- bhagavannāmamāhātmyavarṇane paraśuvaiśyapatnyā jīvaṃtyākhyāyāścaritravarṇanam, śukapāṭhitarāmanāmaprabhāvāttasyā muktiḥ,sarvanāmāpekṣayā rāmanāmno mahattvavarṇa-nam/ ślo०

१६-- haribhaktimāhātmyavarṇane cakrikanāmakaśabaravṛttāṃtavarṇanam, tasya haraye mukhasthaphalasamarpaṇatīvrabhaktyā hariprasādānmuktiprāptivarṇanam/ ślo.

१७-- bhagavadraktimāhātmyavarṇane bhadratanubrāhmaṇavṛttāṃtavarṇanam, tatra tasya veśyā-raktatvama, veśyopadeśena vairāgyotpattau mārkaṇḍeyaṃ prati śaraṇagamanam, mārkaṇḍeyena dāṃtasamīpe tasya preṣaṇam, dāṃtena bhadratanormohādilakṣaṇavarṇanam, viṣṇoraṣṭottaraśatanāmakathanaṃ ca, dāṃtānujñayā bhadratanunā haribhaktikaraṇāddhareḥ prādu-rbhāvaḥ, bhadratanunā bhagavatstutikaraṇam, bhagavatā bhadratanoḥ sakhyakaraṇam, dāṃtena guruṇā bhadratanorbhartsanāyāṃ kṛtāyāṃ bhadratanunā dāṃtāya gurave bhagavato darśana-karaṇam, bhaktiphalārthaṃ devakṛtabhāratavarṣapraśaṃsā/ ślo०

१८- puruṣottamajagannāthakṣetramāhātmyavarṇanam, kṛṣṇabalarāmasubhadrādarśanamahimā/ ślo०

१९-- bhagavadarthe vastusamarpaṇamāhātmyavarṇane dasyuvṛtterurvīśubrāhmaṇasya vṛttāṃtavarṇanam, viṣṇunaivedyamāhātmyavarṇane sarvajanināmakabrāhmaṇavṛttāṃtavarṇanam, sarva-janinā svapne viṣṇuṃ dṛṣṭvā stotrakaraṇam, bhagavatā sarvajaneḥ pūrvajanmavṛttāntavarṇanam, bhagavatā sarvajanaye svasya roṣakarāṇāṃ toṣakarāṇāṃ ca varṇanam, haripūjākartṛ-māhātmyavarṇanam/ ślo०

२०-- dānamāhātmyavarṇane hāstinapurastha ratividagdhāveśyā kṣemaṃkarībrāhmaṇī hariśarmabrāhmaṇānāṃ vṛttāṃtavarṇanam, dānaprabhāvātteṣāmuttamalokāvāptiḥ, hariśarmaṇonnadānābhāvātkṣutprāptau viṣṇunā tasya brahmasamīpe preṣaṇam, brahmaṇā tasmai vividhadānamāhātmyavarṇanam/ ślo०

२१-- brahmaṇā hariśarmaṇe vividhadānapātravarṇanam, brāhmaṇapādodakamāhātmyavarṇane bhadrakriyabrāhmaṇacaraṇodakasparśātkasyacicchuno muktivarṇanama, taina śunā bhadrakri-yāyā''tmanaḥ pūrvajanmavṛttāntavarṇanam. tatra rājanītivarṇanam, brahmājñayā bhadrakriyasya dīkṣitaṃ putraṃ prati svapna āvirbhūya dānānujñākaraṇam, dīkṣitena putreṇānnajaladānādbhadrakriyasya muktiḥ, annajaladānamāhātmyavarṇanam/ ślo०

२२-- ekādaśīmāhātmyavarṇanam. tatra pāpapuruṣāṃgavibhāgavarṇanam, viṣṇunaikādaśī nirmāya yamalokasthapāpijanoddharaṇam, pāpapuruṣāyaikādaśīdine nivāsāyānnarūpasthaladānam, ekādaśīvratasya sarvavratāpekṣayā śreṣṭhatvavarṇanam, saṃkṣepeṇaikādaśīvratavidhivarṇanam/ ślo०

२३-- ekādaśīvratamāhātmyavarṇane kocaraśanāmakabhūpatisuprājñānāmaka tatpatnyorvṛttāntavarṇanam, tatra śauribrāhmaṇapṛṣṭayā suprājñā rājñyā tasmai svasyā rājñaśca pūrvajanmavṛttāṃtavarṇanam, pūrvajanmani veśyāyāḥ suprājñāyā jārasya ca kocaraśasyaikādaśīprabhāvādyamalokaṃ gatvā yamena satkārakaraṇam, yamalokasthasukṛtidu-ṣkṛtijanānubhūtasukhaduḥkhāvasthāvarṇanam, kocaraśasuprājñayorekādaśīvrataprabhāvād vaikuṃṭhāvāptivarṇanam/ ślo०

२४- tulasīvṛkṣadhātrīvṛkṣamāhātmyavarṇanam

२५- tulasīmāhātmyavarṇane pavitrabrāhmaṇānapatyabrāhmaṇayoścaritravarṇanam, tayorgṛhe lomaśamunerāgamanam, tābhyāṃ tasyātithyasatkārakaraṇam, lomaśenātithisaparyā-gāhātmyakathanaṃ, tatra jñānabhadrayogivṛttāṃtavarṇanam, lomaśasya puro bilānnirga-tyāgacchataḥ kasyacinmūṣikasya pavitreṇa ghātanam, tadā lomaśena tasya mukhe karṇayoḥ śīrṣe ca tulasīsparśanam, tena tasya mūṣikasya mokṣaprāptiḥ/ ślo०

२६-- kaliyuge vartamānānāṃ janānāmavasthāvarṇanam, kalau manaḥśuddhyā bhagavate sarvakarmasamarpaṇavarṇanam, padmapurāṇamāhātmyavarṇanam

iti kriyākhaṃḍastha viṣayānukramaṇikā saṃpūrṇā