Padma Purana · Chapter 6.22

mahādeva uvāca-/
gāṃgaṃ vakṣyāmi māhātmyaṃ yathoktaṃ munisattama /
yasya śravaṇamātreṇa aghaṃ naśyati tatkṣaṇāt १/
gaṃgāgaṃgeti yobrūyādyojanānāṃ śatairapi /
mucyate sarvapāpebhyo viṣṇulokaṃ sa gacchati २/
caraṇābjasamudbhūtā gaṃgā nāmeti viśrutā /
pāpānāṃ sthūlarāśīnāṃ nāśinī ceti nārada ३/
narmadā sarayūścaiva tathā vetravatī nadī /
tāpī payoṣṇī caṃdrā ca vipāśā karmanāśinīm ४/
puṣyā pūrṇā tathā dīpā vidīpā sūryatejasā /
sahasravṛṣadānāttu yatphalaṃ labhate dhruvam ५/
tatphalaṃ samavāpnoti gaṃgādarśanataḥ kṣaṇāt /
iyaṃ gaṃgā mahāpuṇyā brahmaghnānāṃ viśeṣataḥ ६/
teṣāṃ nirayayuktānāṃ gaṃgā pāpaprahāriṇī /
caṃdra sūryoparāge ca yatphalaṃ vidyate'nagha ७/
tatphalaṃ samavāpnoti gaṃgādarśanamātrataḥ /
yathā sūryodaye tāta tamo gacchati dūrataḥ ८/
tathā gaṃgāprabhāvena vilayaṃ yāti pātakam /
mānyeyaṃ sarvadā loke pavitrā pāpanāśinī ९/
kalyāṇarūpā satataṃ viṣṇunā nirmitā purā /
divyarūpā tu jananī dīnānāṃ pāvanī smṛtā १०/
devānāṃ ca yathā viṣṇustathā gaṃgottamā nadī /
ye kurvaṃti narāḥ snānaṃ māghamāse niraṃtaram ११/
na teṣāṃ vidyate duḥkhaṃ kalpānāṃ ca śatatrayam /
yatra gaṃgā ca yamunā yatra caiva sarasvatī /
tatra snātvā ca pītvā ca muktibhāgī na saṃśayaḥ १२/
mahādeva uvāca-/
tvadvārtāṃ priyato bravīmi yadahaṃ sā stustutiste prabho yadbhuṃje tava tannivedanamatho yadyāmi sā preṣyatā /
yacchāṃtaḥ svapimi tvadaṃghriyugale daṃḍapraṇāmo'stu naḥ/
svāminyacca karomi tena sa bhavānviśveśvaraḥ prīyatām १३/
dṛṣṭena vaṃditenāpi spṛṣṭena ca dhṛtena ke //
narā yena vimucyaṃte tadetad yāmunaṃ jalam

tāvad bhramaṃti bhuvane manujā bhavottha dāridyra roga maraṇa vyasanābhibhūtāḥ //
yāvajjalaṃ tava mahānadi nīlanīlaṃ paśyaṃti no dadhati mūrdhasu sūryaputri

yatsaṃsmṛtiḥ sapadi kṛṃtati duṣkṛtaughaṃ pāpāvalīṃ jayati yojana lakṣato'pi //
yannāma nāma jagaduccaritaṃ punāti diṣṭyā hi sā pathidṛśo bhavitādya gaṃgā

ālokotkaṃṭhitena pramudita manasā vartma yasyāḥ prayātaṃ sadyasminkṛtyametāmatha prathama kṛtī jajñivānsvargasiṃdhum //
snānaṃ saṃdhyā nivāpaḥ sura yajanamapi śrāddha viprāśanādyaṃ sarvaṃ saṃpūrṇametatbhavati bhagavataḥ prītidaṃ nāticitram

devībhūta paraṃ brahma paramānaṃdadāyinī //
arghaṃ gṛhāṇa me gaṃge pāpaṃ hara namostute

sākṣāddharma dravaughaṃ muraripu caraṇāṃbhoja pīyūṣasāraṃ//
duḥkhasyābdhestaritraṃ suramanujanutaṃ svargasopāna mārgam/ /
sarvāṃhohāri vāri pravara guṇagaṇaṃbhāsi yā saṃvahaṃtī//
tasyai bhāgīrathi śrīmati muditamanā devi kurve namaste

svaḥsiṃdho duritābdhimagna janatā saṃtāraṇi prollasatkallolā/ /
malakāṃtināśitatamastome jagatpāvani //
gaṃge devi punīhi duṣkṛtabhayakrāṃtaṃ kṛpābhājanaṃ mātarmāṃ śaraṇāgataṃ śaraṇade rakṣāthabhobhīṣitam

haṃ ho mānasa kaṃpase kimu sakhe trastobhayānnārakātkiṃ te/
bhītiriti śrutirduritakṛtsaṃjāyate nārakī //
mābhaiṣīḥ śṛṇu me gatiṃ yadi mayā pāpācala/
sparddhinī prāptā te nirayaṃ kathaḥ kimaparaṃ kiṃ me na dharmaṃ dhanam

sarveśādi praśaṃsā mudamanubhavanaṃ majjanaṃ yatra coktaṃ svarnāryovīkṣyahṛṣṭā/
vibudha surapatiḥ prāptisaṃbhāvanena //
nīre śrījahnu kanyeyam aniyamaratāḥ snāṃti ye tāvakīne//
devatvaṃ te labhaṃte sphuṭam aśubhakṛtopyatra vedāḥ pramāṇam

buddhe sadbuddhirevaṃ bhavatu tava sakhe mānasa svastite 'stu//
āstāṃ pādau padasthau satatamiha yuvāṃ sādhu dṛṣṭī ca dṛṣṭī //
vāṇi prāṇapriyedhi prakaṭa guṇa vapuḥ prāpnuhi prāṇi puṣṭiṃ yasmātsarvairbhavadbhiḥ//
sukhamatulamahaṃ prāpnuvaṃ tīrthapuṇyam

śrījāhnavī ravisutā parameṣṭhiputrī siṃdhutrayābharaṇatīrthavara prayāga/ /
sarveśa māmanugṛhāṇa nayasva cordhvamaṃtastamo daśavidhaṃ dalaya svadhāmnā

vāgīśa viṣṇvīśa puraṃdarādyāḥ pāpapraṇāśāya vidāṃvido'pi/ /
bhajaṃti yattīramanīlanīlaṃ satīrtharājo jayati prayāgaḥ

kaliṃdajā saṃgama vāpyayatra pratyaggatā svargadhunīdhunoti/ /
adhyātma tāpatritayaṃ janasya sa tīrtharājo jayati prayāgaḥ

śyāmo vaṭaḥ śyāmaguṇovṛṇoti svacchāyayā śyāmala yājanānām/ /
śyāmaśramaṃ kṛṃtati yatradṛṣṭaḥ sa tīrtharājo jayati prayāgaḥ

brahmādayopyātmakṛtiṃ vihāya bhajaṃti puṇyātmaka bhāgadheyam //
yatrojjhitādaṃḍadharaḥ svadaṃḍaṃ sa tīrtharājo jayati prayāgaḥ

yatsevayā deva nṛdevatādi devarṣayaḥ pratyahamāmanaṃti/ /
svargaṃ ca sarvottama bhūmirājyaṃ sa tīrtharājo jayati prayāgaḥ

enāṃsi haṃtīti prasiddhavārtā nāma pratāpena dṛśo bhavaṃti/ /
yasya trilokīṃ pratatāpa gobhiḥ sa tīrtharājo jayati prayāgaḥ

dhatte 'bhitaścāmara cārukāṃtiṃ sitāsite yatrasaridvareṇye //
ādyo vaṭaśchatramivātibhāti sa tīrtharājo jayati prayāgaḥ

brāhmīnaputrī tripathāstriveṇī samāgame sākṣatayāgamātrāt //
yatrāpnutānbrahmapadaṃ nayaṃti sa tīrtharājo jayati prayāgaḥ

keṣāṃcijjanmakoṭirvrajati suvacasāṃ yāmiyāmīti yasminkeṣāṃ//
citprepsatāṃ yaṃ niyatamatiyated varṣavṛṃdaṃ variṣṭham/ /
yatprāptaṃ bhāgyalakṣairbhavati bhavati no vāsa vācāmavācyo/ /
diṣṭyā veṇī viśiṣṭo bhavati dṛgatithiḥ kaṃ prayāga prayāgaḥ

lokānāmakṣamāṇāṃ makhakṛtiṣu kalau svargakāmairjaya stutyādi stotrairvacobhiḥ//
kathamamarapada prāpti ciṃtāturāṇām //
agniṣṭomāśvamedha pramukha makhaphalaṃ samyagālocyasāṃgaṃ//
brahmādyaistīrtharājo 'bhimatada upadiṣṭo 'yameva prayāgaḥ

mayā pramādāturatādi doṣataḥ saṃdhyā vidhirno samupāsito'bhūt/ /
cedatra saṃdhyāṃ carate prasādataḥ saṃdhyāstu pūrṇā 'khilajanmano'pi me

anyatrāpi pragarjanmahimani tapasi premabhirviprakṛṣṭairdhyātaḥ//
saṃkīrtito yo'bhimata pada vidhātāniśaṃ nirvyapekṣaṃm //
śrīmatpāṃśuṃ triveṇīparivṛḍham atulaṃ tīrtharājaṃ prayāgaṃ golaṃkāraprakāśaṃ svayamamaravaraṃ cetanaṃ taṃ namāmi

asmābhiḥ sutaponvatapta kimaho ejyaṃta kiṃvādhvarāḥ/
pātre dānamadāyi kiṃ bahuvidhaṃ kiṃ vā surāścārcitāḥ /
kiṃ sattīrthamasevi kiṃ dvijakulaṃ pūjādibhiḥ satkṛtaṃ yena prāpi sadā/
śivasya śivadā sā rājadhānī svayam ३७/
bhāgyairme'dhigatā hyanekajanuṣāṃ sarvāghavidhvaṃsinī/
sarvāścaryamayī śivapurī saṃsārasiṃdhostarī /
labdhaṃ sajjanuṣaḥ phalaṃ kulamalaṃ cakre pavitrīkṛtaḥ/
svātmā cāpyakhilaṃ kṛtaṃ kimaparaṃ sarvopariṣṭātsthitam ३८/
jīvannaraḥ paśyati bhadra lakṣamevaṃ vadaṃtīti mṛṣā na yasmāt /
tasmānmayā vai vapuṣe dṛśe na prāptāpi kāśī kṣaṇabhaṃgureṇa ३९/
kāśyāṃ vidhātumamarairapi divyabhūmau sattīrtha liṃgagaṇanārcanatā na śakyā /
yānīha gupta vivṛtāni purātanāni siddhāni yojitakaraḥ praṇamāmi tebhyaḥ ४०/
kiṃ bhītyā duritavrajātkimu mudā puṇyairagaṇyaiḥ kṛtaiḥ/
kiṃ vidyābhyasanānmadena jaḍatādoṣādviṣādena kim /
kiṃ garveṇa dhanodayādadhanatātāpena kiṃ bhojanāḥ /
snātvā śrīmaṇikarṇikāpayasi cedviśveśvaro dṛśyate ४१/
alpasphīti nirāmayāpi tanutā pravyaktaśakyātmatā protsāhāḍhya balena kevalamanorāgadvitīyena yat /
aprāpyāpi manorathairaviṣayāsvapnapravṛtterapi prāptā sā/
pi gadādharasya nagarī sadyopavargapradā ४२/
manyenātmakṛtirnapūrvapuruṣaprāpterbalaṃ cātra yannāpīdaṃ svajana/
pramāṇamacalaṃ kiṃsvāpatāpādikam/
yāduṣprāpa gayāprayāgayamunā kāśīsuparvāgamātprāptistatra/
mahāphalo vijayate śrīśāradānugrahaḥ ४३/
yaḥ śrāddhasamaye dūrātsmṛto'pi pitṛmuktidaḥ /
taṃ gayāyāṃ sthitaṃ sākṣānnamāmi śrīgadādharam ४४/
paṃthānaṃ samatītya dustaramimaṃ dūrādavīyastaraṃ kṣudra vyāghratarakṣukaṃṭakaphaṇipratyārthibhiḥ saṃkulam /
āgatya prathamavyayaṃ kṛpaṇavāgyācejjanaḥ /
karparīśrīmadvārigadādhara pratidinaṃ tvāṃ draṣṭumutkaṃṭhate ४५/
sarvātmannijadarśanena ca gayāśrāddhena vai devatāḥ prīṇanviśvamanīhavatkathamihaudāsīnyamālaṃbase /
kiṃ te sarvadanirdayatvamadhunā kiṃ vā prabhutvaṃ kaleḥ kiṃ vā satvanirīkṣaṇaṃ nṛṣu ciraṃ kiṃ vāsya sevāruciḥ ४६/
gadādhara mayā śrāddhaṃ saṃcīrṇaṃ tvatprasādataḥ /
anujānīhi māṃ deva gamanāya gṛhaṃ prati ४७/
caturṇāṃ devatānāṃ ca stotraṃ svargārthadāyakam /
śrāddhakāle paṭhennityaṃ snānakāle tu yaḥ paṭhet ४८/
sarvatīrthasamaṃ snānaṃ śravaṇātpaṭhanājjapāt /
prayāgasya ca gaṃgāyā yamunāyāḥ stuterdvija /
śravaṇena vinaśyaṃti doṣāścaiva tu karmajāḥ ४९/
iti śrīpādme mahāpurāṇe paṃcapaṃcāśatasahasrasaṃhitāyāṃ uttarakhaṇḍe umāpatināradasaṃvāde gaṃgāprayāgayamunāstutirnāmadvāviṃśo'dhyāyaḥ २२/