Padma Purana · Chapter 1.64

vyāsa uvāca-
punaranyatpravakṣyāmi stotraṃ gaṇādhipasya ca/
sarvasiddhikaraṃ pūtaṃ sarvābhīṣṭaphalapradaṃ

ekadaṃtaṃ mahākāyaṃ taptakāṃcanasannibham/
laṃbodaraṃ viśālākṣaṃ vaṃdehaṃ gaṇanāyakaṃ

muṃjakṛṣṇājinadharaṃ nāgayajñopavītakam/
bāleṃdukalikāmauliṃ vaṃdehaṃ gaṇanāyakaṃ

sarvavighnaharaṃ devaṃ sarvavighnavivarjitam/
mūṣakottamamāruhya devāsuramahāhave

yoddhukāmaṃ mahābāhuṃ vaṃdehaṃ gaṇanāyakam/
aṃbikāhṛdayānaṃdaṃ mātṛkāpariveṣṭitam

bhaktipriyaṃ madonmattaṃ vaṃdehaṃ gaṇanāyakam/
citraratnavicitrāṃgaṃ citramālāvibhūṣaṇam

kāmarūpadharaṃ devaṃ vaṃdehaṃ gaṇanāyakam/
gajavaktraṃ suraśreṣṭhaṃ cārukarṇavibhūṣitam

pāśāṃkuśadharaṃ devaṃ vaṃdehaṃ gaṇanāyakam/
yakṣakinnaragaṃdharvaiḥ siddhavidyādharaissadā

stūyamānaṃ mahādehaṃ vaṃdehaṃ gaṇanāyakam/
gaṇāṣṭakamidaṃ puṇyaṃ bhaktito yaḥ paṭhennaraḥ

sarvasiddhimavāpnoti rudraloke mahīyate/
na niḥsvatāṃ tathābhyeti saptajanmasu mānavaḥ

ya idaṃ paṭhate nityaṃ mahārājo bhavennaraḥ/
vaśyaṃ karoti trailokyaṃ paṭhanācchravaṇādapi/
stotraṃ paraṃ mahāpuṇyaṃ gaṇapasya mahātmanaḥ

iti śrīpādmapurāṇe prathame sṛṣṭikhaṃḍe gaṇapatistotraṃ nāma-catuṣṣaṣṭitamo'dhyāyaḥ