Niruttara Tantra · Chapter p8

dvādaśaḥ paṭalaḥ
śrāśiva uvāca-
athānyat sampravakṣyāmi sādhanaṃ bhuvi durlabhaṃ /
yena kṛte labhet siddhi devānāmapi durlabhāṃ //
lalāṭe śakti-mantraṃ tu trirāvṛtyā likhed budhaḥ /
tanmadhye kāma-vījaṃ ca vilikhet kāma-lāñchitaṃ //
kāmena puṭitaṃ kṛtvā pūjayet parameśvarīṃ /
sampūjya kālikāṃ devīṃ yantraṃ ca pari-pūjayet /
tattva-cintā-paro yogī japellakṣaṃ nirākulaḥ /
saṃgṛhya kula-puṣpaṃ tu pūjayecca punaḥ punaḥ //
sahasraṃ tarpayet pīṭhe yantra-prakṣālanodakaiḥ /
evaṃ kṛte labhet siddhi satyaṃ satyaṃ na saṃśayaḥ //
athānyat sampravakṣyāmi puraścaraṇamuttamaṃ /
śataṃ bhāle śataṃ keśe śataṃ sindūra-maṇḍale //
śatamekaṃ mukhābjeṣu puṣpa-vaktre śata-dvayaṃ /
śata-dvandvaṃ kuca-dvandve śataṃ ca nābhi maṇḍale //
śatamekaṃ kulāgāre prajaped bhakti-bhāvataḥ /
evaṃ daśa-śataṃ japtvā kulāgāre tato japet //
pūjayitvā japenmantraṃ gajāntaka-sahasrakaṃ /
tatastu tattva-yogena śatamaṣṭottaraṃ japet //
pūjanaṃ ca punastatra puraścaraṇamucyate //
athānyat sampravakṣyāmi kulāgārasya sādhanaṃ /
yena kṛte kuleśā ni ! sarva-pāpa kṣayo bhavet //
kulāgāre kulāṣṭamyāṃ kulamāhūya pūjayet //
tarpaṇaṃ ca japaṃ homaṃ tattadakṣaratāṃ vrajet /
kadalo-taru-mūlaṃ ca dvi-guṇaṃ yadi dṛśyate //
tatraiva mahato pūjā karttavyā vara-rvāṇani !
tad-dhṛte brahma-vaktreṇa homaṃ kuryād vicakṣaṇaḥ //
homaṃ kṛtvā japenmantraṃ koṭi-koṭi-guṇaṃ bhavet /
dvi-guṇaṃ rajanī-mūlaṃ saṃvīkṣya yo japenmanuṃ //
sa bhavet sarva-siddhīśastasya puṇyaṃ na vidyate //
rajanī svecchyāhūya sādhakaṃ kula-bhūṣaṇaṃ //
viparītā japenmantraṃ tasyāḥ puṇyaṃ na gaṇyate /
rajanyātha kulāgāre puline nipuṇā yadi //
tatsamā rajanī kāntā kamalā vātha rādhikā /
triṣu lokeṣu sā dhanyā brahma-viṣṇu-śivātmikā //
siddha-vidyā mahā-vidyā mantra-yantra-phala-pradā /
tasyāḥ prasāda-mātreṇa duṣṭa-mantro'pi siddhayati /
tasmāt sarva prayatnena tāmeva śaraṇaṃ vrajet /
rajanyāṃ rajanī-yogaṃ vihared yadi sādhakaḥ //
japedvā pūjayet tattra sarvaṃ tat niṣphalaṃ bhavet /
yena tena prakāreṇa rajanī-toṣaṇaṃ caret //
bāhyādvā krīḍanādvāpi raṇādvā toṣayet sadā /
yaṃ yaṃ bhāvaṃ rajanyāṃ ca taṃ taṃ bhāvaṃ prakalpayet //
atiriktaḥ kṛto bhāvo rauravaṃ narakaṃ vrajet /
kalāyāḥ sarmāṃta kṛtvā sādhayet kula-sādhanaṃ //
anyathā narakaṃ yāti satyaṃ satyaṃ na saṃśayaḥ /
kalāpi sādhakaṃ jñātvā sarmāta naṃva jāyate //
sā caivaṃ narake ghore vasedeva na saṃśayaḥ /
ubhayoḥ sarmāta jñātvā sādhayet kula-sādhanaṃ //
śrasammata-kulā-saṅgāt siddhi-hāniḥ prajāyate /
yo gacched rajanī-gehaṃ kula-sādhana-jite //
sa eva narakaṃ yāti satyaṃ satyaṃ na saṃśayaḥ /
krodhādvā kāmato vāpi dveṣādvā vara-varvāṇani //
na gacched rajano-gehaṃ gacchecca narakaṃ vrajet /
ajñātvā kula-saṅketa kula-mārga viśed yadi //
sa yāti narakaṃ ghoraṃ kā kathā para-janmani /
guruṃ vilaṃghya śāstre'smin nādhikārī kadācana //
gurorājñāṃ samādāya kula-pūjāṃ caret sudhīḥ /
paśorvāpi śaṭhādvāpi dhūrtādvā cullukādapi //
na gṛhṇīyāt siddhi-vidyāṃ gṛhṇīyād duḥkha-bhāg bhavet /
madhu-lubdho yathā bhṛṅgaḥ puṣpāt puṣpāntaraṃ vrajet //
jñāna-lubdhastathā śiṣyo gurorgurvantaraṃ vrajet /
tasmāt sarva-prayatnena kulīnaṃ gurumāśrayet //
kulīnastantra-mantrāṇāṃ adhikāroti gīyate /
ājanma ca paraṃ vastu kulīnāya nivedayet //
śubhe māsi śubhe pakṣe śubhe lagne śubhe dine /
pūrvokta-mantra-jñānena ghaṭaṃ saṃsthāpayet tataḥ //
bhūrja-patreṇa saṃlikhya ghaṭe saṃsthāpya yatnataḥ /
tatra pūjāṃ cared dhīmān mahā-cīna-krameṇa ca //
pūjayitvā tato devīṃ guruḥ sūryaṃ vicintayet /
tataḥ kulīnāmāśritya mantraṃ tantraṃ vilokayet //
abhiṣekaṃ ca tatraiva kuryāt kula-parāyaṇaḥ /
paśorvā cullukād vāpi dhūrtādvā kula-pāmarāt //
siddhi-vidyāṃ na gṛhṇīyāt gṛhṇīyānnarakaṃ vrajet /
japa-pūjāṃ tathā homaṃ sādhanaṃ sarva-karmasu //
sarvaṃ ca niṣphalaṃ yāti duḥkhaṃ tasya pade pade/
kula-dravyāṇi deveśi ! paśvādibhyo na darśayet //
tarpayet siddhi-hāniḥ syāt rauravaṃ narakaṃ vrajet/
kula-pūjādikaṃ karma paśoragre cared yadi //
tatkarma niṣphalaṃ yāti kā kathā para-janmani /
paśorālāpanād devi ! kula-karma praṇaśyati //
paśordarśana-mātreṇa sūrya-darśanamācaret /
sa eva dvividho devi ! dīkṣito'dīkṣitaḥ paśuḥ //
dīkṣito hi bhavet pūrvo'dokṣito hi mahā-paśuḥ /
pūrva-saṅgāt kuleśāni ! siddhi-hāniḥ prajāyate //
mahā-paśu-samāyogānna kulaṃ śaraṇaṃ vrajet /
paśu-mātra samāyogāt preta-rājyādhipo bhavet //
paśu-mātra-samāyogāt kula-karma praṇaśyati /
tasmāt sarva-prayatnena kulīnaṃ gurumāśrayet //
kulīna-sevitasyāpi mantra-siddhiḥ prajāyate //
paśuṃ śaṭhaṃ ca dhūrta ca cullukaṃ ca viśeṣataḥ //
dharmārtha-kāma-mokṣārthī gurutvena na cārcayet /
// iti śrīniruttara-tantre śiva-pārvatī-samvāde dvādaśaḥ paṭalaḥ //