niruttaratantram · અધ્યાય p8

દ્વાદશઃ પટલઃ
શ્રાશિવ ઉવાચ-
અથાન્યત્ સમ્પ્રવક્ષ્યામિ સાધનં ભુવિ દુર્લભં ।
યેન કૃતે લભેત્ સિદ્ધિ દેવાનામપિ દુર્લભાં ॥
લલાટે શક્તિ-મન્ત્રં તુ ત્રિરાવૃત્યા લિખેદ્ બુધઃ ।
તન્મધ્યે કામ-વીજં ચ વિલિખેત્ કામ-લાઞ્છિતં ॥
કામેન પુટિતં કૃત્વા પૂજયેત્ પરમેશ્વરીં ।
સમ્પૂજ્ય કાલિકાં દેવીં યન્ત્રં ચ પરિ-પૂજયેત્ ।
તત્ત્વ-ચિન્તા-પરો યોગી જપેલ્લક્ષં નિરાકુલઃ ।
સંગૃહ્ય કુલ-પુષ્પં તુ પૂજયેચ્ચ પુનઃ પુનઃ ॥
સહસ્રં તર્પયેત્ પીઠે યન્ત્ર-પ્રક્ષાલનોદકૈઃ ।
એવં કૃતે લભેત્ સિદ્ધિ સત્યં સત્યં ન સંશયઃ ॥
અથાન્યત્ સમ્પ્રવક્ષ્યામિ પુરશ્ચરણમુત્તમં ।
શતં ભાલે શતં કેશે શતં સિન્દૂર-મણ્ડલે ॥
શતમેકં મુખાબ્જેષુ પુષ્પ-વક્ત્રે શત-દ્વયં ।
શત-દ્વન્દ્વં કુચ-દ્વન્દ્વે શતં ચ નાભિ મણ્ડલે ॥
શતમેકં કુલાગારે પ્રજપેદ્ ભક્તિ-ભાવતઃ ।
એવં દશ-શતં જપ્ત્વા કુલાગારે તતો જપેત્ ॥
પૂજયિત્વા જપેન્મન્ત્રં ગજાન્તક-સહસ્રકં ।
તતસ્તુ તત્ત્વ-યોગેન શતમષ્ટોત્તરં જપેત્ ॥
પૂજનં ચ પુનસ્તત્ર પુરશ્ચરણમુચ્યતે ॥
અથાન્યત્ સમ્પ્રવક્ષ્યામિ કુલાગારસ્ય સાધનં ।
યેન કૃતે કુલેશા નિ ! સર્વ-પાપ ક્ષયો ભવેત્ ॥
કુલાગારે કુલાષ્ટમ્યાં કુલમાહૂય પૂજયેત્ ॥
તર્પણં ચ જપં હોમં તત્તદક્ષરતાં વ્રજેત્ ।
કદલો-તરુ-મૂલં ચ દ્વિ-ગુણં યદિ દૃશ્યતે ॥
તત્રૈવ મહતો પૂજા કર્ત્તવ્યા વર-ર્વાણનિ !
તદ્-ધૃતે બ્રહ્મ-વક્ત્રેણ હોમં કુર્યાદ્ વિચક્ષણઃ ॥
હોમં કૃત્વા જપેન્મન્ત્રં કોટિ-કોટિ-ગુણં ભવેત્ ।
દ્વિ-ગુણં રજની-મૂલં સંવીક્ષ્ય યો જપેન્મનું ॥
સ ભવેત્ સર્વ-સિદ્ધીશસ્તસ્ય પુણ્યં ન વિદ્યતે ॥
રજની સ્વેચ્છ્યાહૂય સાધકં કુલ-ભૂષણં ॥
વિપરીતા જપેન્મન્ત્રં તસ્યાઃ પુણ્યં ન ગણ્યતે ।
રજન્યાથ કુલાગારે પુલિને નિપુણા યદિ ॥
તત્સમા રજની કાન્તા કમલા વાથ રાધિકા ।
ત્રિષુ લોકેષુ સા ધન્યા બ્રહ્મ-વિષ્ણુ-શિવાત્મિકા ॥
સિદ્ધ-વિદ્યા મહા-વિદ્યા મન્ત્ર-યન્ત્ર-ફલ-પ્રદા ।
તસ્યાઃ પ્રસાદ-માત્રેણ દુષ્ટ-મન્ત્રોઽપિ સિદ્ધયતિ ।
તસ્માત્ સર્વ પ્રયત્નેન તામેવ શરણં વ્રજેત્ ।
રજન્યાં રજની-યોગં વિહરેદ્ યદિ સાધકઃ ॥
જપેદ્વા પૂજયેત્ તત્ત્ર સર્વં તત્ નિષ્ફલં ભવેત્ ।
યેન તેન પ્રકારેણ રજની-તોષણં ચરેત્ ॥
બાહ્યાદ્વા ક્રીડનાદ્વાપિ રણાદ્વા તોષયેત્ સદા ।
યં યં ભાવં રજન્યાં ચ તં તં ભાવં પ્રકલ્પયેત્ ॥
અતિરિક્તઃ કૃતો ભાવો રૌરવં નરકં વ્રજેત્ ।
કલાયાઃ સર્માંત કૃત્વા સાધયેત્ કુલ-સાધનં ॥
અન્યથા નરકં યાતિ સત્યં સત્યં ન સંશયઃ ।
કલાપિ સાધકં જ્ઞાત્વા સર્માત નંવ જાયતે ॥
સા ચૈવં નરકે ઘોરે વસેદેવ ન સંશયઃ ।
ઉભયોઃ સર્માત જ્ઞાત્વા સાધયેત્ કુલ-સાધનં ॥
શ્રસમ્મત-કુલા-સઙ્ગાત્ સિદ્ધિ-હાનિઃ પ્રજાયતે ।
યો ગચ્છેદ્ રજની-ગેહં કુલ-સાધન-જિતે ॥
સ એવ નરકં યાતિ સત્યં સત્યં ન સંશયઃ ।
ક્રોધાદ્વા કામતો વાપિ દ્વેષાદ્વા વર-વર્વાણનિ ॥
ન ગચ્છેદ્ રજનો-ગેહં ગચ્છેચ્ચ નરકં વ્રજેત્ ।
અજ્ઞાત્વા કુલ-સઙ્કેત કુલ-માર્ગ વિશેદ્ યદિ ॥
સ યાતિ નરકં ઘોરં કા કથા પર-જન્મનિ ।
ગુરું વિલંઘ્ય શાસ્ત્રેઽસ્મિન્ નાધિકારી કદાચન ॥
ગુરોરાજ્ઞાં સમાદાય કુલ-પૂજાં ચરેત્ સુધીઃ ।
પશોર્વાપિ શઠાદ્વાપિ ધૂર્તાદ્વા ચુલ્લુકાદપિ ॥
ન ગૃહ્ણીયાત્ સિદ્ધિ-વિદ્યાં ગૃહ્ણીયાદ્ દુઃખ-ભાગ્ ભવેત્ ।
મધુ-લુબ્ધો યથા ભૃઙ્ગઃ પુષ્પાત્ પુષ્પાન્તરં વ્રજેત્ ॥
જ્ઞાન-લુબ્ધસ્તથા શિષ્યો ગુરોર્ગુર્વન્તરં વ્રજેત્ ।
તસ્માત્ સર્વ-પ્રયત્નેન કુલીનં ગુરુમાશ્રયેત્ ॥
કુલીનસ્તન્ત્ર-મન્ત્રાણાં અધિકારોતિ ગીયતે ।
આજન્મ ચ પરં વસ્તુ કુલીનાય નિવેદયેત્ ॥
શુભે માસિ શુભે પક્ષે શુભે લગ્ને શુભે દિને ।
પૂર્વોક્ત-મન્ત્ર-જ્ઞાનેન ઘટં સંસ્થાપયેત્ તતઃ ॥
ભૂર્જ-પત્રેણ સંલિખ્ય ઘટે સંસ્થાપ્ય યત્નતઃ ।
તત્ર પૂજાં ચરેદ્ ધીમાન્ મહા-ચીન-ક્રમેણ ચ ॥
પૂજયિત્વા તતો દેવીં ગુરુઃ સૂર્યં વિચિન્તયેત્ ।
તતઃ કુલીનામાશ્રિત્ય મન્ત્રં તન્ત્રં વિલોકયેત્ ॥
અભિષેકં ચ તત્રૈવ કુર્યાત્ કુલ-પરાયણઃ ।
પશોર્વા ચુલ્લુકાદ્ વાપિ ધૂર્તાદ્વા કુલ-પામરાત્ ॥
સિદ્ધિ-વિદ્યાં ન ગૃહ્ણીયાત્ ગૃહ્ણીયાન્નરકં વ્રજેત્ ।
જપ-પૂજાં તથા હોમં સાધનં સર્વ-કર્મસુ ॥
સર્વં ચ નિષ્ફલં યાતિ દુઃખં તસ્ય પદે પદે।
કુલ-દ્રવ્યાણિ દેવેશિ ! પશ્વાદિભ્યો ન દર્શયેત્ ॥
તર્પયેત્ સિદ્ધિ-હાનિઃ સ્યાત્ રૌરવં નરકં વ્રજેત્।
કુલ-પૂજાદિકં કર્મ પશોરગ્રે ચરેદ્ યદિ ॥
તત્કર્મ નિષ્ફલં યાતિ કા કથા પર-જન્મનિ ।
પશોરાલાપનાદ્ દેવિ ! કુલ-કર્મ પ્રણશ્યતિ ॥
પશોર્દર્શન-માત્રેણ સૂર્ય-દર્શનમાચરેત્ ।
સ એવ દ્વિવિધો દેવિ ! દીક્ષિતોઽદીક્ષિતઃ પશુઃ ॥
દીક્ષિતો હિ ભવેત્ પૂર્વોઽદોક્ષિતો હિ મહા-પશુઃ ।
પૂર્વ-સઙ્ગાત્ કુલેશાનિ ! સિદ્ધિ-હાનિઃ પ્રજાયતે ॥
મહા-પશુ-સમાયોગાન્ન કુલં શરણં વ્રજેત્ ।
પશુ-માત્ર સમાયોગાત્ પ્રેત-રાજ્યાધિપો ભવેત્ ॥
પશુ-માત્ર-સમાયોગાત્ કુલ-કર્મ પ્રણશ્યતિ ।
તસ્માત્ સર્વ-પ્રયત્નેન કુલીનં ગુરુમાશ્રયેત્ ॥
કુલીન-સેવિતસ્યાપિ મન્ત્ર-સિદ્ધિઃ પ્રજાયતે ॥
પશું શઠં ચ ધૂર્ત ચ ચુલ્લુકં ચ વિશેષતઃ ॥
ધર્માર્થ-કામ-મોક્ષાર્થી ગુરુત્વેન ન ચાર્ચયેત્ ।
॥ ઇતિ શ્રીનિરુત્તર-તન્ત્રે શિવ-પાર્વતી-સમ્વાદે દ્વાદશઃ પટલઃ ॥