Niruttara Tantra · Chapter p6

trayodaśaḥ paṭalaḥ
śrīdevyuvāca -
tāsāṃ ca siddhi-vidyānāṃ yasyā yā yāḥ prapūjitāḥ /
tāstāḥ śakti-viśeṣeṇa kathayasva mayi prabho //
śrīśiva uvāca -
kulaṃ ca sarva-jātīnāṃ kulīnānāṃ kulārcane /
siddha-vidyā-viśeṣeṇa siddhidā kula-pūjane //
śyāmā-vidyā na siddhayanti nāpitāṅganayā vinā /
tārā-vidyā na siddhayanti cāṇḍālī-gamanaṃ vinā /
śrīvidyā ca na siddhayanti brāhmaṇī-gamanaṃ vinā /
chinnamastā na siddhayanti kāpālī-gamanaṃ vinā //
siddha-vidyā na siddhacanti bhūmīndra-tanayāṃ vinā/
jala-kānta-gṛhe devi ! bhairavī ca susiddhyati/
madhyamā rahitā proktā vihitā druta-siddhidā /
sādhayed rajanīṃ sarvāṃ brāhmaṇīṃ yavanīṃ vināṃ /
sarvāvasthāṃ parityajya sādhayed dvijajāṃ dvijaḥ /
rāja-rājeśvarī sākṣāt dvijajā-rūpa-dhāriṇī //
dvijajā-toṣaṇādeva drutaṃ siddhayati sundari !
śreṣṭha-varṇodbhavāṃ rambhāṃ sādhane naiva sādhayet //
sādhayet siddhi-hāniḥ syād rauravaṃ narakaṃ vrajet //
athānyat sampravakṣyāmi rajanīṃ sādhanāntarāṃ /
yasmin kṛte bhavet siddhirdevānāmapi durlabhā //
rajanī-dvi-guṇaṃ vīkṣya sahasraṃ yadi sādhakaḥ /
pañcāśad-divasaṃ yāvat tāvacca pratyahaṃ japet //
sampūjya rajanīṃ bhūmiṃ saṅgamya prajapenmanuṃ /
tadā vādī susiddhaḥ syājjapet kṣiti-tanuṃ viśet //
parvate hastamāropya śataśaḥ śuddha-bhāvataḥ /
kavitāṃ labhate dhīmān devī-lokaṃ mṛte vrajet //
padma-madhyaṃ tathā bimbaṃ khañjanaṃ śikharaṃ tathā /
cāmaraṃ vāri-bimbaṃ ca tila-puṣpaṃ saroruhaṃ //
tri-sūtraṃ vīkṣya sañjapya śataśaḥ śuddha-bhāvataḥ /
sa sarva-rajanī-nāthaḥ kalau kalpa-latā bhuvi //
sampūjya rajanī-gehaṃ manuṃ tatraiva saṃlikhet /
kalāṃ vā kaṇa-mātreṇa devīṃ dhyātvā punaryajet //
tadudbhavena puṣpeṇa pūjayed bhakti-bhāvataḥ /
sa yāti śivatāṃ bhūmau kula-druma-gataḥ śuciḥ //
brahma-tarau mahā-padye dhyātvā devīṃ prapūjayet /
tatsudhā-sāra-sāreṇa tarpayenmātṛkā-mukhe //
kalā-pūjā-krameṇaiva rajanī veṣṭite yadi /
mahā-niśi japenmantraṃ dhruvaṃ mokṣaṃ sa cārhati //
tithi-krameṇa kāmena rajanī-veṣṭitā japet /
tadā māsena siddhiḥ syāt sahasra-japa-mānataḥ //
aṣṭamyāṃ ca caturdaśyāṃ dvi-guṇaṃ- yadi dṛśyate /
mantraṃ kalāntare devi ! likhitvā kukumena ca //
tatpārśve sādhyamālikhya tāḍayet sṛṣṭi-vṛṣṭibhiḥ /
sādhya-sūkta japet tatra kāmārtā tattra labhyate //
tana pūjāṃ cared dhomān mahā-cona-krameṇa ca /
grāme pātālake ramye śmaśāne prāntare'pi vā //
vilikhya yantra-mantraṃ ca kāmākhyāyāṃ prapūjayet /
tadā rājyamavāpnoti ihaiva kula-sundari //
mṛte ca mokṣamāpnoti satyaṃ satyaṃ na saṃśayaḥ /
rajo-mūle rajanyāṃ tu yo yāti bilva-patrakaiḥ //
devīmabhyarcya sahasraṃ tu prajapet pitṛ-kānane /
tadā rājyamavāpnoti yadi vā na palāyate //
citāyāṃ rajanī-gehe saṅgamya ca japenmanuṃ /
yaṃ yaṃ kāmayate kāmaṃ taṃ tameva dhruvaṃ labhet //
punaśca tatra sampūjya svayambhū-kusumena ca/
ihaiva jāyate saukhyamante ca mokṣamāpnuyāt //
mahā-bhūtādine naktaṃ śmaśāne rajanī-yutaḥ /
sahastraika-pramāṇena kiṃ na siddhayati bhū-tale //
rajanī-rajasā devi ! piṇḍaṃ ca pari-kalpayet /
yannāmnā dīyate piṇḍaṃ na gacchet sa yamālayaṃ //
rajanī-veṣṭanādeva yatphalaṃ labhate priye !
tasyāpi ṣoḍaśāṃśaṃ ca carenmārgeṇa labhyate //
śavāsanādhika-phalaṃ latā-gehe praveśanaṃ /
tasyāpi ṣoḍaśāṃśaṃ ca kalāṃ nārhanti te śavāḥ //
/// iti śrīniruttara-tantra pārvatī-śiva-samvāde trayodaśaḥ paṭalaḥ //