niruttaratantram · અધ્યાય p6

ત્રયોદશઃ પટલઃ
શ્રીદેવ્યુવાચ -
તાસાં ચ સિદ્ધિ-વિદ્યાનાં યસ્યા યા યાઃ પ્રપૂજિતાઃ ।
તાસ્તાઃ શક્તિ-વિશેષેણ કથયસ્વ મયિ પ્રભો ॥
શ્રીશિવ ઉવાચ -
કુલં ચ સર્વ-જાતીનાં કુલીનાનાં કુલાર્ચને ।
સિદ્ધ-વિદ્યા-વિશેષેણ સિદ્ધિદા કુલ-પૂજને ॥
શ્યામા-વિદ્યા ન સિદ્ધયન્તિ નાપિતાઙ્ગનયા વિના ।
તારા-વિદ્યા ન સિદ્ધયન્તિ ચાણ્ડાલી-ગમનં વિના ।
શ્રીવિદ્યા ચ ન સિદ્ધયન્તિ બ્રાહ્મણી-ગમનં વિના ।
છિન્નમસ્તા ન સિદ્ધયન્તિ કાપાલી-ગમનં વિના ॥
સિદ્ધ-વિદ્યા ન સિદ્ધચન્તિ ભૂમીન્દ્ર-તનયાં વિના।
જલ-કાન્ત-ગૃહે દેવિ ! ભૈરવી ચ સુસિદ્ધ્યતિ।
મધ્યમા રહિતા પ્રોક્તા વિહિતા દ્રુત-સિદ્ધિદા ।
સાધયેદ્ રજનીં સર્વાં બ્રાહ્મણીં યવનીં વિનાં ।
સર્વાવસ્થાં પરિત્યજ્ય સાધયેદ્ દ્વિજજાં દ્વિજઃ ।
રાજ-રાજેશ્વરી સાક્ષાત્ દ્વિજજા-રૂપ-ધારિણી ॥
દ્વિજજા-તોષણાદેવ દ્રુતં સિદ્ધયતિ સુન્દરિ !
શ્રેષ્ઠ-વર્ણોદ્ભવાં રમ્ભાં સાધને નૈવ સાધયેત્ ॥
સાધયેત્ સિદ્ધિ-હાનિઃ સ્યાદ્ રૌરવં નરકં વ્રજેત્ ॥
અથાન્યત્ સમ્પ્રવક્ષ્યામિ રજનીં સાધનાન્તરાં ।
યસ્મિન્ કૃતે ભવેત્ સિદ્ધિર્દેવાનામપિ દુર્લભા ॥
રજની-દ્વિ-ગુણં વીક્ષ્ય સહસ્રં યદિ સાધકઃ ।
પઞ્ચાશદ્-દિવસં યાવત્ તાવચ્ચ પ્રત્યહં જપેત્ ॥
સમ્પૂજ્ય રજનીં ભૂમિં સઙ્ગમ્ય પ્રજપેન્મનું ।
તદા વાદી સુસિદ્ધઃ સ્યાજ્જપેત્ ક્ષિતિ-તનું વિશેત્ ॥
પર્વતે હસ્તમારોપ્ય શતશઃ શુદ્ધ-ભાવતઃ ।
કવિતાં લભતે ધીમાન્ દેવી-લોકં મૃતે વ્રજેત્ ॥
પદ્મ-મધ્યં તથા બિમ્બં ખઞ્જનં શિખરં તથા ।
ચામરં વારિ-બિમ્બં ચ તિલ-પુષ્પં સરોરુહં ॥
ત્રિ-સૂત્રં વીક્ષ્ય સઞ્જપ્ય શતશઃ શુદ્ધ-ભાવતઃ ।
સ સર્વ-રજની-નાથઃ કલૌ કલ્પ-લતા ભુવિ ॥
સમ્પૂજ્ય રજની-ગેહં મનું તત્રૈવ સંલિખેત્ ।
કલાં વા કણ-માત્રેણ દેવીં ધ્યાત્વા પુનર્યજેત્ ॥
તદુદ્ભવેન પુષ્પેણ પૂજયેદ્ ભક્તિ-ભાવતઃ ।
સ યાતિ શિવતાં ભૂમૌ કુલ-દ્રુમ-ગતઃ શુચિઃ ॥
બ્રહ્મ-તરૌ મહા-પદ્યે ધ્યાત્વા દેવીં પ્રપૂજયેત્ ।
તત્સુધા-સાર-સારેણ તર્પયેન્માતૃકા-મુખે ॥
કલા-પૂજા-ક્રમેણૈવ રજની વેષ્ટિતે યદિ ।
મહા-નિશિ જપેન્મન્ત્રં ધ્રુવં મોક્ષં સ ચાર્હતિ ॥
તિથિ-ક્રમેણ કામેન રજની-વેષ્ટિતા જપેત્ ।
તદા માસેન સિદ્ધિઃ સ્યાત્ સહસ્ર-જપ-માનતઃ ॥
અષ્ટમ્યાં ચ ચતુર્દશ્યાં દ્વિ-ગુણં- યદિ દૃશ્યતે ।
મન્ત્રં કલાન્તરે દેવિ ! લિખિત્વા કુકુમેન ચ ॥
તત્પાર્શ્વે સાધ્યમાલિખ્ય તાડયેત્ સૃષ્ટિ-વૃષ્ટિભિઃ ।
સાધ્ય-સૂક્ત જપેત્ તત્ર કામાર્તા તત્ત્ર લભ્યતે ॥
તન પૂજાં ચરેદ્ ધોમાન્ મહા-ચોન-ક્રમેણ ચ ।
ગ્રામે પાતાલકે રમ્યે શ્મશાને પ્રાન્તરેઽપિ વા ॥
વિલિખ્ય યન્ત્ર-મન્ત્રં ચ કામાખ્યાયાં પ્રપૂજયેત્ ।
તદા રાજ્યમવાપ્નોતિ ઇહૈવ કુલ-સુન્દરિ ॥
મૃતે ચ મોક્ષમાપ્નોતિ સત્યં સત્યં ન સંશયઃ ।
રજો-મૂલે રજન્યાં તુ યો યાતિ બિલ્વ-પત્રકૈઃ ॥
દેવીમભ્યર્ચ્ય સહસ્રં તુ પ્રજપેત્ પિતૃ-કાનને ।
તદા રાજ્યમવાપ્નોતિ યદિ વા ન પલાયતે ॥
ચિતાયાં રજની-ગેહે સઙ્ગમ્ય ચ જપેન્મનું ।
યં યં કામયતે કામં તં તમેવ ધ્રુવં લભેત્ ॥
પુનશ્ચ તત્ર સમ્પૂજ્ય સ્વયમ્ભૂ-કુસુમેન ચ।
ઇહૈવ જાયતે સૌખ્યમન્તે ચ મોક્ષમાપ્નુયાત્ ॥
મહા-ભૂતાદિને નક્તં શ્મશાને રજની-યુતઃ ।
સહસ્ત્રૈક-પ્રમાણેન કિં ન સિદ્ધયતિ ભૂ-તલે ॥
રજની-રજસા દેવિ ! પિણ્ડં ચ પરિ-કલ્પયેત્ ।
યન્નામ્ના દીયતે પિણ્ડં ન ગચ્છેત્ સ યમાલયં ॥
રજની-વેષ્ટનાદેવ યત્ફલં લભતે પ્રિયે !
તસ્યાપિ ષોડશાંશં ચ ચરેન્માર્ગેણ લભ્યતે ॥
શવાસનાધિક-ફલં લતા-ગેહે પ્રવેશનં ।
તસ્યાપિ ષોડશાંશં ચ કલાં નાર્હન્તિ તે શવાઃ ॥
॥। ઇતિ શ્રીનિરુત્તર-તન્ત્ર પાર્વતી-શિવ-સમ્વાદે ત્રયોદશઃ પટલઃ ॥