Niruttara Tantra · Chapter p15

saptamaḥ paṭalaḥ
śrīdevyuvāca -
bhagavan ! sarva-jovānāṃ sākṣī tvamati-he prabho !
abhiṣekaṃ purā proktaṃ kīdṛśaṃ kathaya prabho //
śrīśiva uvāca -
abhiṣekaṃ ca dvividhaṃ rājñāṃ ca jñānināmapi /
rājābhiṣekaṃ deveśi ! vaikādi-kriyāṃ caret //
jñānināmabhiṣekaṃ tu sarva-tantreṣu gopitam /
kula-cakraṃ krameṇaiva abhiṣekaṃ caret sudhīḥ //
kula-nāthaṃ guruṃ vīkṣya abhiṣekaṃ guruścaret /
sarva-śānti-karaṃ puṇyaṃ sarva-roga-nivāraṇaṃ //
dhanadaṃ kāmadaṃ caiva āyurbuddhi-karaṃ nṛṇām /
sarva-saubhāgya-jananaṃ mahā-pātaka-nāśanam //
sarvāśā-pūrakaṃ devi ! mantra-doṣa-praṇāśanam /
sarvārtha sādhakaṃ devi ! dhana-vṛddhi-karaṃ param //
abhicāra-haraṃ sarvaṃ graha-doṣa-nivāraṇam /
bhūtāveśādi-śamanaṃ ḍākinīnāṃ bhayāpaham //
tejo-vṛddhi-karaṃ devi ! sarva-tīrtha-phala-pradam /
strī-gateṣvapi doṣeṣu śarīre mānase tathā //
takṣakeṇāpi daṃṣṭasya viṣa-pīḍā-vināśanam /
tejo-hrāse bale hrāse buddhi-hrāse dhana-kṣaye //
vikāre deśikaḥ kuryādabhiṣekaṃ vicakṣaṇaḥ /
asaubhāgye ca nārīṇāmabhiṣekaḥ pravartate //
pūrṇābhiṣekī tvananyānabhiṣeke pravartate /
gurutvaṃ ca labhed devi ! karmaṇā cābhiṣekataḥ //
vaiṣṇavaṃ gāṇapatyaṃ ca sauraḥ śaivaḥ kuleśvari !
abhiṣekaḥ prakurvīta śāktaśca kula-bhūṣaṇaḥ //
mantra-tantraṃ ca sarveṣāmabhiṣekāddhi sidhyati /
abhiṣekeṇa sarveṣāmadhikārī bhaved dhruvam //
abhiṣeka-kṛto vipro brahmatvaṃ labhate dhruvam/
abhiṣeka-kṛtaḥ kṣatrī vipra-dharmatvamāgataḥ //
vaiśyaḥ kṣatriyatāṃ yāti śūdro vaiśyatvamāgataḥ /
abhiṣekeṇa sarvebāṃ baddho'pi baddhatāṃ tyajet //
brāhmaṇasya surā-pāne brāhmaṇyaṃ tyajate kṣaṇāt /
abhiṣeka-kṛte vipre surā-pānaṃ vidhīyate //
āgamaḥ pañcamo vedaḥ kulamāśrayaḥ pārvati !
śivo'pi pañcamo varṇaḥ siddha-vidyāṃ japed yataḥ //
suvarṇatvaṃ parityajya śivatvaṃ samprajāyate /
abhiṣekaṃ vinā naiva brāhmaṇaḥ tu pibet surām //
pragṛhya siddha-vidyāṃ ca saṅketajñastato bhavet /
saṅketajñaḥ kulāgāre nābhiṣekaṃ samācaret //
abhiṣeka-kṛto mantrī kula-pūjāṃ samācaret /
kula-pūjā-kṛto mantrī pitṛ-bhūmi samāśrayet //
pitṛ-bhūmi-kṛtaṃ sthānaṃ ekākī viharet sadā /
ekākī vihared vīraḥ prāntare ca triprāntare //
tatra siddhiṃ labhed devi ! devānāmapi durlabhām /
kulācāraṃ vinā devi ! tantra-mantraṃ na siddhayati //
siddha-vidyā kulāgāre drutaṃ siddhacati niścitam/
abhiṣeka-kṛto vipraḥ surāṃ dadyādyuge yuge //
surāṃ pītvā japed vidyāṃ kulāgāre viśeṣataḥ/
vijayā cānukalpaṃ ca surābhāve nivedayet //
ānandena vinā bhraṃśo na ca tṛppanti devatāḥ /
pañcamenārcayet kālīṃ kāmākhyāyāṃ viśeṣataḥ //
kāmākhyāyāṃ viśeṣeṇa kālikā siddhidā bhavet /
kulācāraṃ vinā devi! kālī-mantraḥ na siddhayati //
abhiṣekaṃ vinā devi ! kula-karma karoti yaḥ /
tasya pūjādikaṃ karma cābhicārāya kalpyate //
abhiṣekaṃ vinā devi ! siddha-vidyāṃ dadāti yaḥ /
tāvat kālaṃ vased ghore yāvaccandra-divākarau //
brahmatvaṃ ca haritvaṃ ca śivatvaṃ ca kuleśvari !
divyo vīraśca deveśi ! kula-bhakti-parāyaṇaḥ /
abhiṣekaṃ cared dhīmān mokṣārthī kula-karmasu //
vimukhaḥ kula-dharmeṣu kula-dravya-parāyaṇaḥ /
sa yāti narakaṃ ghoraṃ kākaṃ vā para-janmani //
tasmāt sarva-prayatnena abhiṣekaṃ samācaret /
abhiṣekaṃ cared devi ! adhivāsa-puraḥsaram //
vṛddhi-śrāddhaṃ tataḥ kuryācchiva-śaktiṃ prapūjayet /
guruṃ sampūjya vidhivat svarṇālaṅkāra-bhūṣaṇaiḥ //
tataḥ saṅkalpa-vidhinā gurūṇāṃ varaṇaṃ caret /
tataḥ pūjāṃ cared devyāṃ pañcamaiśca pṛthak pṛthak //
praṇamya sadguruṃ deva-devīṃ ca sādhakeśvaraḥ /
guru-pūjāṃ vidhāyātha devyā dhyānaparāyaṇaḥ//
abhiṣekaṃ vidhāyātha śucau deśe ca deśikaḥ/
śūnyāgāre nadī-tīre bilva-mūle tripāntare//
mahā-tripāntare vāpi nirjane pitṛkānane/
grāme pātālake vāpi parvate taṭinī-taṭe //
devatāyatane vāpī sthānaṃ paricintayet /
// iti śrī niruttara-tantraṃ śiva-pārvatī-samvāde saptamaḥ paṭalaḥ //