niruttaratantram · અધ્યાય p15

સપ્તમઃ પટલઃ
શ્રીદેવ્યુવાચ -
ભગવન્ ! સર્વ-જોવાનાં સાક્ષી ત્વમતિ-હે પ્રભો !
અભિષેકં પુરા પ્રોક્તં કીદૃશં કથય પ્રભો ॥
શ્રીશિવ ઉવાચ -
અભિષેકં ચ દ્વિવિધં રાજ્ઞાં ચ જ્ઞાનિનામપિ ।
રાજાભિષેકં દેવેશિ ! વૈકાદિ-ક્રિયાં ચરેત્ ॥
જ્ઞાનિનામભિષેકં તુ સર્વ-તન્ત્રેષુ ગોપિતમ્ ।
કુલ-ચક્રં ક્રમેણૈવ અભિષેકં ચરેત્ સુધીઃ ॥
કુલ-નાથં ગુરું વીક્ષ્ય અભિષેકં ગુરુશ્ચરેત્ ।
સર્વ-શાન્તિ-કરં પુણ્યં સર્વ-રોગ-નિવારણં ॥
ધનદં કામદં ચૈવ આયુર્બુદ્ધિ-કરં નૃણામ્ ।
સર્વ-સૌભાગ્ય-જનનં મહા-પાતક-નાશનમ્ ॥
સર્વાશા-પૂરકં દેવિ ! મન્ત્ર-દોષ-પ્રણાશનમ્ ।
સર્વાર્થ સાધકં દેવિ ! ધન-વૃદ્ધિ-કરં પરમ્ ॥
અભિચાર-હરં સર્વં ગ્રહ-દોષ-નિવારણમ્ ।
ભૂતાવેશાદિ-શમનં ડાકિનીનાં ભયાપહમ્ ॥
તેજો-વૃદ્ધિ-કરં દેવિ ! સર્વ-તીર્થ-ફલ-પ્રદમ્ ।
સ્ત્રી-ગતેષ્વપિ દોષેષુ શરીરે માનસે તથા ॥
તક્ષકેણાપિ દંષ્ટસ્ય વિષ-પીડા-વિનાશનમ્ ।
તેજો-હ્રાસે બલે હ્રાસે બુદ્ધિ-હ્રાસે ધન-ક્ષયે ॥
વિકારે દેશિકઃ કુર્યાદભિષેકં વિચક્ષણઃ ।
અસૌભાગ્યે ચ નારીણામભિષેકઃ પ્રવર્તતે ॥
પૂર્ણાભિષેકી ત્વનન્યાનભિષેકે પ્રવર્તતે ।
ગુરુત્વં ચ લભેદ્ દેવિ ! કર્મણા ચાભિષેકતઃ ॥
વૈષ્ણવં ગાણપત્યં ચ સૌરઃ શૈવઃ કુલેશ્વરિ !
અભિષેકઃ પ્રકુર્વીત શાક્તશ્ચ કુલ-ભૂષણઃ ॥
મન્ત્ર-તન્ત્રં ચ સર્વેષામભિષેકાદ્ધિ સિધ્યતિ ।
અભિષેકેણ સર્વેષામધિકારી ભવેદ્ ધ્રુવમ્ ॥
અભિષેક-કૃતો વિપ્રો બ્રહ્મત્વં લભતે ધ્રુવમ્।
અભિષેક-કૃતઃ ક્ષત્રી વિપ્ર-ધર્મત્વમાગતઃ ॥
વૈશ્યઃ ક્ષત્રિયતાં યાતિ શૂદ્રો વૈશ્યત્વમાગતઃ ।
અભિષેકેણ સર્વેબાં બદ્ધોઽપિ બદ્ધતાં ત્યજેત્ ॥
બ્રાહ્મણસ્ય સુરા-પાને બ્રાહ્મણ્યં ત્યજતે ક્ષણાત્ ।
અભિષેક-કૃતે વિપ્રે સુરા-પાનં વિધીયતે ॥
આગમઃ પઞ્ચમો વેદઃ કુલમાશ્રયઃ પાર્વતિ !
શિવોઽપિ પઞ્ચમો વર્ણઃ સિદ્ધ-વિદ્યાં જપેદ્ યતઃ ॥
સુવર્ણત્વં પરિત્યજ્ય શિવત્વં સમ્પ્રજાયતે ।
અભિષેકં વિના નૈવ બ્રાહ્મણઃ તુ પિબેત્ સુરામ્ ॥
પ્રગૃહ્ય સિદ્ધ-વિદ્યાં ચ સઙ્કેતજ્ઞસ્તતો ભવેત્ ।
સઙ્કેતજ્ઞઃ કુલાગારે નાભિષેકં સમાચરેત્ ॥
અભિષેક-કૃતો મન્ત્રી કુલ-પૂજાં સમાચરેત્ ।
કુલ-પૂજા-કૃતો મન્ત્રી પિતૃ-ભૂમિ સમાશ્રયેત્ ॥
પિતૃ-ભૂમિ-કૃતં સ્થાનં એકાકી વિહરેત્ સદા ।
એકાકી વિહરેદ્ વીરઃ પ્રાન્તરે ચ ત્રિપ્રાન્તરે ॥
તત્ર સિદ્ધિં લભેદ્ દેવિ ! દેવાનામપિ દુર્લભામ્ ।
કુલાચારં વિના દેવિ ! તન્ત્ર-મન્ત્રં ન સિદ્ધયતિ ॥
સિદ્ધ-વિદ્યા કુલાગારે દ્રુતં સિદ્ધચતિ નિશ્ચિતમ્।
અભિષેક-કૃતો વિપ્રઃ સુરાં દદ્યાદ્યુગે યુગે ॥
સુરાં પીત્વા જપેદ્ વિદ્યાં કુલાગારે વિશેષતઃ।
વિજયા ચાનુકલ્પં ચ સુરાભાવે નિવેદયેત્ ॥
આનન્દેન વિના ભ્રંશો ન ચ તૃપ્પન્તિ દેવતાઃ ।
પઞ્ચમેનાર્ચયેત્ કાલીં કામાખ્યાયાં વિશેષતઃ ॥
કામાખ્યાયાં વિશેષેણ કાલિકા સિદ્ધિદા ભવેત્ ।
કુલાચારં વિના દેવિ! કાલી-મન્ત્રઃ ન સિદ્ધયતિ ॥
અભિષેકં વિના દેવિ ! કુલ-કર્મ કરોતિ યઃ ।
તસ્ય પૂજાદિકં કર્મ ચાભિચારાય કલ્પ્યતે ॥
અભિષેકં વિના દેવિ ! સિદ્ધ-વિદ્યાં દદાતિ યઃ ।
તાવત્ કાલં વસેદ્ ઘોરે યાવચ્ચન્દ્ર-દિવાકરૌ ॥
બ્રહ્મત્વં ચ હરિત્વં ચ શિવત્વં ચ કુલેશ્વરિ !
દિવ્યો વીરશ્ચ દેવેશિ ! કુલ-ભક્તિ-પરાયણઃ ।
અભિષેકં ચરેદ્ ધીમાન્ મોક્ષાર્થી કુલ-કર્મસુ ॥
વિમુખઃ કુલ-ધર્મેષુ કુલ-દ્રવ્ય-પરાયણઃ ।
સ યાતિ નરકં ઘોરં કાકં વા પર-જન્મનિ ॥
તસ્માત્ સર્વ-પ્રયત્નેન અભિષેકં સમાચરેત્ ।
અભિષેકં ચરેદ્ દેવિ ! અધિવાસ-પુરઃસરમ્ ॥
વૃદ્ધિ-શ્રાદ્ધં તતઃ કુર્યાચ્છિવ-શક્તિં પ્રપૂજયેત્ ।
ગુરું સમ્પૂજ્ય વિધિવત્ સ્વર્ણાલઙ્કાર-ભૂષણૈઃ ॥
તતઃ સઙ્કલ્પ-વિધિના ગુરૂણાં વરણં ચરેત્ ।
તતઃ પૂજાં ચરેદ્ દેવ્યાં પઞ્ચમૈશ્ચ પૃથક્ પૃથક્ ॥
પ્રણમ્ય સદ્ગુરું દેવ-દેવીં ચ સાધકેશ્વરઃ ।
ગુરુ-પૂજાં વિધાયાથ દેવ્યા ધ્યાનપરાયણઃ॥
અભિષેકં વિધાયાથ શુચૌ દેશે ચ દેશિકઃ।
શૂન્યાગારે નદી-તીરે બિલ્વ-મૂલે ત્રિપાન્તરે॥
મહા-ત્રિપાન્તરે વાપિ નિર્જને પિતૃકાનને।
ગ્રામે પાતાલકે વાપિ પર્વતે તટિની-તટે ॥
દેવતાયતને વાપી સ્થાનં પરિચિન્તયેત્ ।
॥ ઇતિ શ્રી નિરુત્તર-તન્ત્રં શિવ-પાર્વતી-સમ્વાદે સપ્તમઃ પટલઃ ॥