niruttaratantram · અધ્યાય p1

અષ્ટમઃ પટલઃ
શ્રીશિવ ઉવાચ -
શિવ-શક્તિં ચ સમ્પૂજ્ય સ્થાપયેદ્ ઘટમુત્તમમ્ ।
નાતિ-હ્રસ્વં નાતિ-દોર્ઘં સ્વર્ણરૌપ્યવિનિમિતમ્ ॥
વિશેષાર્ઘ્યસ્ય યન્ત્રે વા ત્રિકોણે વાપિ વિન્યસેત્ ।
કામ-બીજેન સમ્પ્રોક્ષ્ય વાગ્ભવેનૈવ તાડયેત્ ॥
શક્ત્યાધારે સમારોપ્ય માયયા પૂરણં જલૈઃ ।
મન્ત્રેણાનેન તીર્થાનિ દેશિકસ્તુ પ્રવિન્યસેત્ ॥
ૐ ગઙ્ગાદ્યાઃ સરિતઃ સર્વાઃ સમુદ્રાશ્વ સરાંસિ ચ ।
સર્વે સમુદ્રાઃ સરિતઃ સરાંસિ ચ જલાહ્રદાઃ ॥
હ્રદાઃ પ્રસ્રવણાઃ પુણ્યાઃ સ્વર્ગ-પાતાલ-ભૂષિતાઃ ।
સર્વ-તીર્થાનિ પુણ્યાનિ ઘટે કુર્વન્તુ સન્નિધિમ્ ॥
શ્રી-બીજેન પ્રજપ્તેન પલ્લવં પ્રતિપાદયેત્ ।
કૂર્ચેન ફલ-દાનં સ્યાત્ સ્ત્રી-બીજેન સ્થિરાચરેત્ ॥
સિન્દૂરઃ વહ્નિ-બીજેન પુષ્પં પ્રેતેન વિન્યસેત્ ।
મૂલેન પ્રણવેનાપિ દૂર્વાં દદ્યાદ્ વિચક્ષણઃ ॥
હૂઁ ફટ્ સ્વાહેતિ મન્ત્રેણ કુર્યાદ્ દર્ભેણ તાડનમ્ ।
વિચિન્ત્ય દેવીં પીઠં ચ તત્રાવાહ્ય પ્રપૂજયેત્ ॥
અનેનૈવ વિધાનેન સર્વ-કર્મસુ સુન્દરિ !
ઘટં સ્થાપ્ય યજેદ્ દેવિ ! ષટ્-કર્મસુ વિશેષતઃ ॥
મહા-પૂજાં ચરેદ્ ધીમાન્ ષોડશૈરુપચારકૈઃ ।
ગુરૂણાં ચ મહા-પૂજા શક્તીનાં ચ તતઃ પરમ્ ॥
તત્પશ્ચાત્ સાધકાનાં ચ કુર્યાચ્ચ પરિ-પૂજનમ્ ।
કુમારીભ્યો બલિં દત્વા કુલજાભ્યો વિશેષતઃ ॥
અભિષેકં તતો દેવિ ! કુર્યાચ્ચ ગુરુ-માર્ગતઃ ।
સ્વતન્ત્રોક્ત-વિધાનેન મન્ત્રમુચ્ચારણૈઃ સહ ॥
ચાલયેત્ તુ ઘટં મન્ત્રી મન્ત્રેણાનેન દેશિકઃ ।
ઉત્તિષ્ઠ બ્રહ્મ-કલશ ! સેવિતોઽશેષ-સિદ્ધિદઃ ॥
સર્વ-તોર્થામ્બુ-પૂર્ણન પૂરયામિ મનોરથમ્ ।
ઈશાનેન્દુ-સ્મર-ક્ષૌણી તદન્તે ભુવનેશ્વરી ॥
મન્ત્રેણાનેન વાદ્યાનાં નિર્ઘોષૈશ્ચાનયેદ્ ઘટં ।
અભિષિઞ્ચેદ્ ગુરુઃ શિષ્યં યજમાનં પુરોહિતઃ ॥
સિઞ્ચેદ્ દુષ્ટ-ગ્રહેઽશ્વત્થૈઃ પલ્લવૈર્ભૂત-સઙ્ગમે ।
સિઞ્ચેદૌડુમ્બરૈર્મન્ત્ર-દોષે ચ કરવીરજૈઃ ॥
યશો-ધનાય તેજસ્વી ફલ-કામે ચ ભૂતકૈઃ ।
તુલસી-મઞ્જરીભિશ્વ સર્વ-પાપ-ક્ષયાથિભિઃ ॥
સર્વ-તીર્થ-ફલાવાપ્તેઃ શાક્તાનાં વિલ્વ-સમ્ભવૈઃ ।
અભિચારે નાસિંહૈરભિષેકં પ્રચક્ષ્યતે ॥
કુર્યાત્ દંર્ભેષુ ગર્ભેષુ દોષેષુ સ્વીકૃતેષુ ચ ।
અસૌભાગ્યેન નારીણાં દૂર્વાભિઃ સેચનં ચરેત્ ॥
(અથવા) સર્વ-કાર્યેષુ સિદ્ધાર્થૈર્દૂર્વયા ચૂત-પલ્લવૈઃ ।
અસ્યાભિષેકસ્ય દક્ષિણામૂર્તિમ્ ઋષિરનુષ્ટુપ્છન્દઃ,
શક્તિર્દેવતા સર્વ-સઙ્કલ્પ-સિદ્ધ્યર્થે વિનિયોગઃ ।
ૐ રાજ-રાજેશ્વરી શક્તિ-ભૈરવી કાલ-ભૈરવી ॥
શ્મશાન-ભૈરવી દેવી ત્રિપુરાનન્દ-ભૈરવી ।
ત્રિપુટા ત્રિપુરા-દેવી તથા ત્રિપુર-સુન્દરી ॥
ત્રિપુરેશી મહાદેવી તથા ત્રિપુર-માલિકા ।
ત્રિપુરા-નન્દિની દેવી તત્રૈવ ત્રિપુરાતની ॥
એતાસ્ત્વામભિષિઞ્ચન્તુ મન્ત્ર-પૂતેન વારિણા ।
છિન્નમસ્તા મહાદેવી તથા ચૈકજટેશ્વરી ॥
તારા ચ જયદુર્ગા ચ શૂલિની ભુવનેશ્વરી ।
હરિતાખ્યા મહાદેવી તથા ચ રતિ-ઘણ્ટિકા ॥
નિત્યા ચ નિત્ય-રૂપા ચ વજ્ત્ર-પ્રસ્તારિણી તથા ।
એતાસ્ત્વામભિષિઞ્ચન્ત મન્ત્ર-પૂતેન વારિણા ॥
અશ્વારૂઢા મહા-દેવી તથા મહિષ-મર્દિની ।
દુર્ગા ચ નવ-દુર્ગા ચ શ્રીદુર્ગા ભગ-માલિની ॥
તથા ભગ-દેવી દેવી ભગ-ક્લિન્નાં તથા પરા ।
સર્વ-ચક્રેશ્વરી દેવી તથા દક્ષિણ-કાલિકા ॥
એતાસ્ત્વામભિષિઞ્ચન્તુ મન્ત્ર-પૂતેન વારિણા ।
ક્ષેમઙ્કરી મહા-કાલી ચાનિરુદ્ધા સરસ્વતી ॥
માતઙ્ગી ચાન્નપૂર્ણા ચ રાજ-રાજેશ્વરી તથા ।
એતાસ્ત્વામભિષિઞ્ચન્તુ મન્ત્ર-પૂતેન વારિણા ।
ઉગ્ર-ચણ્ડા પ્રચણ્ડા ચ ચણ્ડોગ્રા ચણ્ડ-નાયિકા ।
ચણ્ડા ચણ્ડ-વતી ચૈવ ચણ્ડ-રૂપાતિ-ચણ્ડિકા ॥
એતાસ્ત્વામભિષિઞ્ચન્તુ મન્ત્ર-પૂતેન વારિણા ।
ઉગ્ર-દંષ્ટ્રા મહા-દંષ્ટ્રા સુ-દંષ્ટ્રા તુ કપાલિની ॥
ભીમ-નેત્રા વિશાલાક્ષી મઙ્ગલા વિજયા જયા ।
એતાસ્ત્વામભિષિઞ્ચન્તુ મન્ત્ર-પૂતેન વારિણા ॥
મઙ્ગલા નન્દિનો ભદ્રા લક્ષ્મીઃ કીતિર્યશસ્વિની ।
પુષ્ટિર્મેધા શિવા સાધ્વી યશઃ શોભા જયા ધૃતિઃ ॥
આનન્દા ચ સુનન્દા ચ નન્દિન્યાનન્દ-પૂજિતા ।
એતાસ્ત્વામભિષિઞ્ચન્તુ મન્ત્ર-પૂતેન વારિણા ॥
વિજયા મઙ્ગલા ભદ્રા સ્મૃતિઃ શાન્તિઃ ક્ષમા ધૃતિઃ ।
સિદ્ધિસ્તુષ્ટી રમા પુષ્ટિઃ શ્રીઃ સિદ્ધિશ્વ રતિસ્તથા ॥
દીપ્તા કાન્તિર્યશો-લક્ષ્મીરીશ્વરી બુદ્ધિરેવ ચ ।
શક્રી માયા રતિર્બાહ્મી જયન્તી ચાપરાજિતા ॥
અજિતા માનવી શ્વેતા પ્રીતિસ્ત્વદિતિરેવ ચ ।
માયા ચૈવ મહા-માયા મોહિની ક્ષોભિણી તથા ॥
કમલા વિમલા ગૌરી લાવણ્યામ્બુધિ-સુન્દરી ।
દુર્ગા ક્રિયારુન્ધતી ચ તથૈવ વિગ્રહાત્મિકા ॥
ચર્ચાચકા ચાપરા જ્ઞેયા તથૈવ સુર-પૂજિતા ।
વૈવસ્વતી ચ કૌમારી તથા માહેશ્વરી પરા ॥
વૈષ્ણવી ચ મહાલક્ષ્મીઃ કાતિકી કૌશિકી તથા ।
શિવ-દૂતી ચ ચામુણ્ડા મુણ્ડ-માલા-વિભૂષિતા ॥
એતાસ્ત્વામભિષિઞ્ચન્તુ મન્ત્ર-પૂતેન વારિણા ।
ઇન્દ્રો-વહ્નિર્યમશ્ચૈવ નૈઋતો વરુણસ્તથા ॥
પવનો ધનદેશાનો બ્રહ્માનન્દો દિગીશ્વરાઃ ।
સમ્વત્સરાશ્ચાયને ચ માસ-પક્ષ-દિનાનિ ચ ॥
તિથયશ્ચાભિષિઞ્ચન્તુ મન્ત્ર-પૂતેન વારિણા ।
રવિઃ સોમઃ કુજઃ સોમ્યો ગુરુઃ શુક્રઃ શનૈશ્ચરઃ ॥
રાહુઃ કેતુશ્ચ સતતમભિષિઞ્ચન્તુ તે ગ્રહાઃ ।
નક્ષત્રં કરણં યોગોઽમૃત-સિદ્ધિસ્તતઃ પરમ્ ॥
દગ્ધં પાપં તથા ભદ્રા યોગો વારાઃ ક્ષણાસ્તથા ।
વારં-વેલા કાલ-વેલા દણ્ડા રાશ્યાદયસ્તથા ॥
અભિષિઞ્ચન્તુ સતતં મન્ત્ર-પૂતેન વારિણા ।
અસિતાઙ્ગો રુરુશ્ચણ્ડઃ ક્રોધ ઉન્મત્ત-સંજ્ઞકઃ ॥
કપાલી ભીષણાખ્યશ્ચ સંહારોઽષ્ટૌ ચ ભૈરવાઃ ।
એતે ત્વામભિષિઞ્ચન્તુ મન્ત્ર-પૂતેન વારિણા ॥
ડાકિનો-પુત્રિકા ચૈવ રાકિણો પુત્રિકા તથા ।
તતશ્ચ રઙ્કિણી-પુત્ત્રો દેવી-પુત્રી તતઃ પરં ॥
માતૄણાં ચ તથા પુત્રો ચોર્ધ્વ-મુખ્યાઃ સુતાચ યાઃ ।
અધોમુખ્યાઃ સુતાશ્ચૈવ વ્યાલ-મુખ્યાઃ સુતાઃ પરાઃ ॥
એતાસ્ત્વામભિષિઞ્ચન્તુ મન્ત્ર-પૂતેન વારિણા ।
બ્રહ્મા વિષ્ણુશ્ચ રુદ્રશ્ચ ઈશ્વરશ્ચ સદાશિવઃ ॥
એતે ત્વામભિષિઞ્ચન્તુ મન્ત્ર-પૂતેન વારિણા ।
પુરુષઃ પ્રકૃતિશ્ચૈવ વિકારાશ્ચૈવ ષોડશ ॥
આત્મા પરાત્મા જીવાત્મા જ્ઞાનાત્મા પરમાત્મનઃ ।
આત્માનશ્ચાત્મનશ્ચૈવ સ્થલ-સૂક્ષ્માશ્ચ યેઽપરે ॥
એતે ત્વામભિષિઞ્ચન્તુ મન્ત્ર-પૂતેન વારિણા ।
તન્નિકેતનં ॥ વેદાદિ-વીજં હૂં વોજં સ્ત્રી-વીજં
શક્તિ-વીજં રમા-વીજં સુધા-વીજં ચ કેવલં ।
ચિન્તા-રત્નં મહા-વીજં નારસિંહં ચ તારકં ॥
માર્તણ્ડ-ભૈરવં દૌર્ગ-વીજં શ્રીપુરુષોત્તમં ।
ગાણપત્યં ચ વારાહં કાલી-વીજં ભયાપહં ॥
ત્ત્વામેવમભિષિઞ્ચન્તુ મન્ત્ર-પૂતેન વારિણા ।
વહ્નિશ્ર વહ્નિજાયા ચ વષટ્ કૂર્ચમતઃ પરં ॥
વૌષટ્-કારં તુ ફટ્-કારમભિષિઞ્ચન્તુ સર્વદા ।
નશ્યન્તુ પ્રેત-કૂષ્માણ્ડા રાક્ષસા દાનવાશ્ચ યે ॥
પિશાચ-ગુહ્યકા ભૂતા અભિષેકેન ર્તાપતાઃ ।
અલક્ષ્મીઃ કાલ-કર્ણી ચ પાપાનિ સુમહાન્તિ ચ ॥
નશ્યન્તુ ચાભિષેકેન તારા-વીજેન તાડિતાઃ ।
રોગાઃ શોકાશ્ચ દારિદ્ર્યં દૌર્બલ્યં ચિત્ત-વિભ્રમં ॥
નશ્યન્તુ ચાભિષેકેન મન્મથેન ચ તાડિતાઃ ।
તેજો હ્રાસો બુદ્ધિ-હાસઃ શક્તિ હ્રાસસ્તથૈવ ચ ॥
નશ્યન્તુ ચાભિષેકેન શક્તિ-વીજેન તાડિતાઃ ।
નિરામિષા મહા-રોગા ડાકિન્યો માતરસ્તથા ॥
ઘોરાભિચારાઃ ક્રૂરાશ્વ ગ્રહ-નાગાસ્તથૈવ ચ ।
નશ્યન્તુ ચાભિષેકેન કાલી-બીજેન તાડિતાઃ ॥
નશ્યન્તુ વિપદઃ સર્વે સમ્પદઃ સન્તુ સુસ્થિરાઃ ।
પૂર્ણાભિષેકે શાક્તાનાં પૂર્ણાઃ સન્તુ મનોરથાઃ ॥
એવમાસિઞ્ચ્ય શિષ્યં તુ પુનઃ પૂજાં સમારભેત્ ।
શિષ્યોઽપિ તત્ર સમ્પૂજ્ય ગુરવે દક્ષિણાં દદેત્ ॥
ગો ભૂમિઃ સ્વર્ણ-રૂપ્યં ચ નાના-રત્નાનિ પાર્વતિ !
સર્વસ્વં વા તદર્દ્ધ વાપિ દક્ષિણા ॥
શ્રીવિદ્યાં સિદ્ધ-કાલીં ચ તારાં વા મહિષ-દિનીં ।
શિષ્યાય ભક્તિ-યુક્તાય પ્રદદ્યાત્ દેશિકઃ સ્વયં ॥।
શ્રીવિદ્યાં કાલિકાં તારાં યો જપેત્ પરમેશ્વરોં ।
તસ્મૈ નૈવ પ્રદાતવ્યં આસાં મન્ત્રં વિના પ્રિયે ॥

પ્રણમ્ય દણ્ડ-વદ્ ભૂમૌ તતશ્ચ પરિ-કલ્પયેત્ ।
ત્રૈલોક્યે યોષિતાં નાથ ! કિ કરોમિ વદસ્વ મે ॥
શ્રીગુરુરુવાચ -
કુલાચારં ચ નો વત્ન ! સુગોપ્યં કુરુ સર્વતઃ ।
સ્વ-શક્તિં કૌલિકીં કૃત્વા તત્ત્ર પૂજાં પ્રકલ્પયેત્ ॥
સિદ્ધ-મન્ત્રો યજેચ્છક્તિં કાયેન મનસાપિ વા ।
પર-યોષાં વિશેષેણ સિદ્ધ-મન્ત્રી પ્રપૂજયેત્ ॥
એતાનિ કુલ-કર્માણિ ગુરુભિરુદિતાનિ ચ ।
યાવન્નૈવ સિદ્ધ-મન્ત્રી તાવચ્ચ સ્વ-કુલં વ્રજેત્ ॥
॥ ઇતિ શ્રીનિરુત્તર-તન્ત્રે શિવપાર્વતી-સમ્વાદે અષ્ટમઃ પટલઃ ॥